Гол, мөрний мөсөн дээгүүр зорчихгүй байхыг сэрэмжлүүлж байна
Аймгийн Онцгой байдлын газраас дараах зөвлөмж, сэрэмжлүүлгийг хүргэж байна. Сар шинийн баярын өдрүүдэд иргэдийн хөдөөг чиглэсэн урсгал нэмэгддэг. Автомашиныхаа бүрэн бүтэн байдлыг хангаж, дулаан хувцастай хол замд зорчихыг уриалж байна. Түүнчлэн зорчих чиглэлийнхээ зам маршрутыг өмнө нь сайн судлах, цаг агаарын болон бусад байгууллагуудаас өгч буй мэдээллийг тогтмол авахыг аймгийн Онцгой байдлын газраас мэдээллээ.
Нууруудын толио болон голуудын дагууд мөсний зузаан харилцан адилгүй, мөсний даац хүн, мал, машин тэрэг явахад хангалттай хэмжээнд хүрч бэхжээгүй байгаа тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг мөн онцгойлон анхаарууллаа.
Мэдээллийн төв
