Шуурхай зөвлөгөөнөөс өгсөн үүрэг даалгаврыг 100 хувьтай биелүүлсэн 14 байгууллага байна
Өнгөрсөн долоо хоногт аймгийн Засаг дарга Д.Зоригтбаяр “Засаг даргын шуурхай зөвлөгөөнөөс өгсөн үүрэг даалгаврын биелэлтэд онцгой анхаарах. Үүрэг даалгаврын биелэлтийг нэгтгэн танилцуулах, биелэлт ирүүлээгүй хугацаа хоцроосон асуудалд тухайн байгууллагын удирдлагад хариуцлага тооцох” үүрэг даалгаврыг өгсөн.
Аймгийн Засаг даргын шуурхай зөвлөгөөн энэ сарын 6-ны өдрийн байдлаар 47 удаа хуралдаж, 351 үүрэг даалгавар өгсөн байна. Хамгийн олон удаа давтагдаж өгөгдсөн үүрэг даалгавраас дурдвал:
- Гэр хорооллын эрчим хүчний уналтын асуудлыг шийдвэрлэх тухай 8 удаа
- Аймгийн хөдөө аж ахуйн болон хотын өвөлжилтийн бэлтгэл ажлыг хангаж ажиллах (Инженерийн шугам сүлжээ, цахилгаан эрчим хүч, өвс тэжээлийн фонд бүрдүүлэх, түлшний мод гэх мэт) тухай 8 удаа
- Хотын дотор болон А1001, А1002 авто замын нөхөөсний ажлыг эрчимжүүлэх тухай 7 удаа
- 2024 онд Улсын болон орон нутгийн төсвөөр хийгдэх хөрөнгө оруулалтын ажлын зураг төсвийн ажлыг яаралтай бэлэн болгох тухай 7 удаа
- Тендерийн ажлуудыг шуурхайлах тал дээр онцгой анхаарах тухай 4 удаа
- 2025 оны төсвийн төсөлд онцгой анхаарч бэлтгэл ажлыг хангаж холбогдох хурлуудаар хэлэлцүүлэх ажлыг хуулийн хүрээнд зохион байгуулах тухай 4 удаа
- Хотын болон гэр хорооллын гудамж талбайн гэрэлтүүлгийн асуудалд онцгой анхаарч асалтыг нэмэгдүүлэх арга хэмжээ авч ажиллах тухай 4 удаа
Байгууллагуудын үүрэг даалгаварын биелэлт ирүүлсэн ирцийг хувиар харуулбал:
- 0 хувьтай 5 байгууллага
- 1-30 хувьтай 3 байгууллага
- 31-70 хувьтай 14 байгууллага
- 71-99 хувьтай 17 байгууллага
- 100 хувьтай 14 байгууллага байна. Тухайлбал, Хот тохижуулах газар, Мал эмнэлэг, БОЭТ, УЦОШТ, Сум дундын ойн анги, Статистикийн хэлтэс, ЗДТГ-ын Цэргийн штаб, ТЗУХ зэрэг зарим хэлтэс, албад цаг хугацаандаа үүрэг даалгаврын биелэлтээ ирүүлжээ.
Аймгийн Засаг дарга үүрэг даалгаврын хэрэгжилтэд хойрго хандсан, хугацаа хэтрүүлсэн байгууллагуудын удирдлагуудад хариуцлага тооцохоо илэрхийлсэн.
Мэдээллийн төв
