2024 оны 06-р сарын 25

ЖДҮ эрхлэгчид харилцан туршлага солилцох “БИЗНЕСИЙН ГАРЦ” өдөрлөг боллоо 

Аймгийн ЗДТГ, GIZ-“ЭДИЙН ЗАСГИЙН ӨСӨЛТ, БИЗНЕС ЭРХЛЭЛТИЙГ ДЭМЖИХ”/PROGRES/ төсөл, Эрдэнэт ШУТП-Бизнес хөгжлийн төв хамтран УСО-нд  “БИЗНЕСИЙН ГАРЦ” нээлттэй өдөрлөгийг өнөөдөр УСО-нд зохион байгууллаа. Орон нутгийн бичил, жижиг дунд үйлдвэрлэл эрхлэгчид, өөрийн бүтээгдэхүүн, үйлчилгээгээ таниулан сурталчилж, харилцан туршлага солилцох нь энэхүү өдөрлөгийн зорилго юм. 

Уг өдөрлөгт орон нутгийн гар урлал, арьс ширэн эдлэл, сүү цагаан идээ, гурилан бүтээгдэхүүн үйлдвэрлэл эрхлэгчид болон хэвлэлийн чиглэлээр үйл ажиллагаа явуулдаг аж ахуйн нэгж байгууллагууд  оролцож, бараа бүтээгдэхүүнээ танилцуулахын зэрэгцээ PROGRES төсөлд хэрхэн хамрагдсан талаараа танилцуулга хийсэн. 

Тухайлбал, “Цэцээ” өндөрлөг ХХК-ийн захирал О.Отгонбаатар Орхон аймгийн унаган иргэн. Сүүийн 10-аад жил арьсан эдлэлээр бүтээгдэхүүн үйлдвэрлэж буй. Төсөлд хамрагдсанаар олон талын мэдээлэл авахын зэрэгцээ үйл ажиллагаагаа өргөжүүлж, бүтээгдэхүүнийхээ нэр төрлийг олшруулахад ихээхэн дэмжлэг болсон тухай сэтгэгдлээ хуваалцсан юм. 
Аймгийн Засаг дарга С.Батжаргал “Төслийн үйл ажиллагаанаас гарч байгаа үр дүнг бид таатай хүлээн авч байгаа. ЗДТГ-аас жижиг, дунд үйлдвэрлэл  эрхлэгчдээ дэмжихэд хамтран ажиллана. Цаашид бид “Тэрбум мод” үндэсний хөдөлгөөн болон Засаг даргын үйл ажиллагааны хөтөлбөрт тусгагдсан хүлэмжийн аж ахуйг хөгжүүлэх чиглэлээр хамтран ажиллах саналтай байна” гэсэн. 

Германы Олон Улсын хамтын ажиллагааны нийгэмлэгээс хэрэгжүүлж буй “Эдийн засгийн өсөлт, биенес эрхлэлтийг дэмжих /PROGRESS/   төсөл 2021 оноос Улаанбаатар,Орхон, Ховд аймагт хэрэгжиж эхэлсэн.  PROGRES төсөл манай аймагт хэрэгжсэн энэ хугацаанд 40 гаруй бизнес эрхлэгдэд тоног төхөөрөмжийн дэмжлэг үзүүлэхийн зэрэгцээ 430 сая төгрөгийн өртөгтэй орон нутгийн санхүүжилтийн гэрээг байгуулжээ.

Мөн орон нутгийн хөгжлийн бодлогод нийцүүлэн жижиг, дунд үйлдвэрлэл эрхлэгчдийг чадавхжуулах 10 дэд хөтөлбөрийг амжилттай хэрэгжүүлсэн байна. 
Мөн аймгийн “Эрдэнэт шинжлэх ухаан технологийн парк”-тай хамтран 

  • Бизнес хөгжлийн төвийг чадавхжуулах, бэхжүүлэх, 
  • ЖДҮ, хоршоо, гарааны бизнес эрхлэгчдийг чадавхжуулаах, 
  • Инновац, шинэ технологийг нэвтрүүлэх чиглэлээр хамтын ажиллагааны санамж бичгийг байгуулан ажиллаж байна. 

Төсөл хэрэгжсэнээс хойш Эрдэнэт бизнес хөгжлий төвд нийт 156 удаагийн арга хэмжээг зохион байгуулж, 2000 гаруй бизнес эрхлэгчид оролцжээ.  Мөн 40 гаруй бизнес эрхлэгчдэд тоног төхөөрөмжийн дэмжлэг үзүүлэхийн зэрэгцээ 430 сая төгрөгийн өртөгтэй орон нутгийн санхүүжилтийн гэрээг байгуулжээ.
Мөн орон нутгийн хөгжлийн бодлогод нийцүүлэн жижиг, дунд үйлдвэрлэл эрхлэгчдийг чадавхжуулах 10 дэд хөтөлбөрийг амжилттай хэрэгжүүлсэн байна. 
Тус төсөл нь энэ оныг дуустал Монгол Улсад хэрэгжинэ. 
 

Мэдээллийн төв

 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64280

Facebook

Цаг агаар

Вебийн статистик

Таны IP хаяг: 44.192.48.196
  • 1 Онлайн
  • 270 Өнөөдөр
  • 150 Өчигдөр
  • 270 Долоо хоногт
  • 8669 Сүүлийн сард
  • 6965664 Нийт хандалт