Шарилж түүж, зулгаах ажил 80 хувьтай байна
Аймгийн хэмжээнд шарилж устгалын ажил дөрөв дэх долоо хоногтоо үргэлжилж, өнөөдрийн байдлаар гүйцэтгэл 80 хувьтай байна. Өнгөрсөн долоо хоногийн Засаг даргын шуурхай зөвлөгөөнөөр Сууц өмчлөгчдийн холбоод, Орхон АЗЗА ТӨХК—ийг зэрлэг ургамал шарилж устгах ажлыг эрчимтэй зохион байгуулах үүрэг даалгаврыг өгсөн.
Орхон АЗЗА ТӨХК-иас А1001 дугаартай Дархан-Эрдэнэт чиглэлийн км154-км155, км156-км157 авто замын хөвөөний 3м3 зэрлэг ургамлыг хадаж цэвэрлэсэн гэж мэдээллээ.
Баян-Өндөр сумын хэмжээнд шарилж устгалын ажил хийгдэж байна. Өнөөдрийн байдлаар 29 сууц өмчлөгчдийн холбоо, 425 аж ахуй нэгж байгууллага, 1440 хүний оролцоотой 122290 м2 талбайд шарилж түүж зулгааж, хаджээ. Хот тохижуулах газар орон сууцны дотор талыг, Цэцэрлэгжүүлэлт ногоон байгууламж авто зам дагуух нийтийн эзэмшлийг тус тус хариуцан ажиллаж байна.
Мэдээллийн төв
.jpg)
