Хотын Захирагчийн алба нь Аймгийн Засаг даргын 1996  оны 302 дугаар захирамжаар анх байгуулагдаж, 1997 онд Аймгийн Иргэдийн Төлөөлөгчдийн хурлын 16 дугаар тогтоолоор албаны дүрмийг батлуулан мөрдлөг болгон ажиллаж ирсэн. Аймгийн Засаг даргын 2016 оны 10-р сарын 06-ны өдрийн А/504 тоот захирамжаар Захирагчийн албаны бүтэц орон тоог 12 хүний бүрэлдэхүүнтэйгээр шинэчлэн байгуулсан бөгөөд  Монгол улсын Үндсэн хууль, Иргэний хууль, Хот тосгоны эрх зүйн байдлын тухай хууль, Барилгын тухай хууль, Хот байгуулалтын тухай хууль, Төрийн албаны тухай хууль, холбогдох тогтоомж, Барилгын норм ба дүрмийн дагуу үйл ажиллагаагаа явуулж мэргэжлийн зөвлөгөө, үйлчилгээгээр ханган ажиллаж байна.

Хотын захирагчын алба нь Хот байгуулалтын тухай , Хот тосгоны эрх зүйн байдлын тухай ,  Монгол улсын хуулиуд болон  тогтоол шийдвэр, Барилгын норм ба дүрэм, Засгийн газрын тогтоол шийдвэр , орон нутгийн амьдралтай уялдан гарсан аймгийн ИТХурлын  тогтоол , аймгийн засаг дарга , хотын захирагчийн  захирамжуудыг  Эрдэнэт хотын, хот байгуулалтын үйл ажиллагаанд  удирдамж  болгон хэрэгжүүлж  байна.