Эрдэнэт хотын 2025-2026 онд дэд бүтцийн чиглэлээр хэрэгжүүлэх “Өвөлжилтийн бэлтэл ажлын төлөвлөгөө”-г аймгийн ИТХ-ын ээлжит 5 дугаар /2025.06.26/ хуралдаанаар хэлэлцэж баталлаа. 
Төлөвлөгөөнд харьяа байгууллагуудаас ирүүлсэн саналыг судалж нягтлан, хотын инженерийн шугам сүлжээний найдвартай ажиллагаа, зам талбайн ашиглалтын хэвийн байдлыг хангахад чиглэсэн ажлуудыг түүвэрлэж нэгтгэн  42 ажлыг тусгасан байна. 
Үүнд...

•  гадаадын  төслөөр  хэрэгжих 3  нэр төрлийн ажилд 47,9 тэрбум  төгрөг,
• улсын  төсвийн хөрөнгө оруулалтаар   хэрэгжих  2 ажилд 8,7 тэрбум төгрөг,  
•  орон нутгийн төсвийн хөрөнгө оруулалтаар  хэрэгжих 9  ажилд 56 тэрбум төгрөг, 
•  тухайн хангагч байгууллагын дотоод зохион байгуулалтаар хэрэгжих 28 нэр төрлийн ажилд 19,3 тэрбум төгрөг нийт 132 тэрбум төгрөгийн үнийн дүнтэй ажлууд байна. 

Гаднын санхүүжилтээр хэрэгжиж байгаа гурван ажил бий.  Үүний нэг нь Дэлхийн банкны 12 тэрбум 790 сая төгрөгийн санхүүжилтээр хэрэгжиж байгаа 6/0.4кв-ын цахилгаан түгээх сүлжээг  шинэчлэн, сайжруулах ажил. Төслийн хүрээнд Баян-Өндөр сумын 21389 айл өрх, ААНБ-ыг   2  тарифт  ухаалаг тоолуурт  шилжүүлэх, гэр хорооллын  16  багийн  гудамж хоорондын цахилгааны модон тулгууруудыг төмөр бетонон шонгоор солих ажлыг гүйцэтгэнэ. Ажлын гүйцэтгэл 97 хувьтай үргэлжилж байна. 

Өнөөдрийн  байдлаар 0.4кВ-ын ЦДАШ, 6кВ-ын ЦДАШ барих ажлыг гүйцэтгэсэн.  хийгдэж дууссан. Мөн аж ахуйн нэгжийн тоолууржуулалт 877ш, орон сууцны тоолууржуулалт-6028ш суурилуулж хэрэглэгчдийг  төслийн шугамд холбох ажил хийгдэж дууссан.  2025 оны 06-р сарын байдлаар гэр хорооллын 14484 хэрэглэгчээс 3441 хэрэглэгчийг төслийн шугамд холбосон ба төлөвлөгөөний дагуу ажил үргэлжлэн хийгдэж байна.

Орон нутгийн төсвийн 14,4 тэрбум төгрөгийн хөрөнгө оруулалтаар  нженерийн шугам сүлжээг шинэчлэх 14 ажлыг гүйцэтгэнэ. Үр дүнд аймгийн инженерийн шугам сүлжээний найдвартай ажиллагаа дээшилж, аваар гэмтэл үүнээс үүдэлтэй засварын зардал буурна гэж үзэж байна. 
Цахилгаан хангамжийг сайжруулах чиглэлээр орон нутаг болон хоёр сумдын төсвийн хөрөнгөөр  35кВ тойрог схем үүсгэх 3 ажил , 10кВ-ийн тойрог схем үүсгэх 8 ажлыг гүйцэтгэнэ. 

Уг 35кВ-ын шугам, дэд станц баригдсанаар Даваат, Шанд, Их залуу, Яргуйт, Баян-Овоот, Чингэл, Эрдэнэ, Рашаант багуудын өсөн нэмэгдэж байгаа хэрэглээг (цахилгаан халаагуур) хангаж, 35 кВ-ын тойрог сүлжээний эхний хэсэг бэлэн болох юм.  10 кВ-ын тойрог сүлжээг үүсгэснээр хэрэглэгчдийн хүчдэлийн уналтыг бууруулж стандарт хүчдэлтэй болох ба аваарь саатал гарах, урсгал засвар гүйцэтгэх тохиолдолд хэрэглэгчдийг тасралтгүй эрчим хүчээр хангах боломж бүрдэнэ. 

Мөн гэр хорооллын цахилгаан хангамжийг  сайжруулах, хүчдэлийн уналтыг бууруулах, тоноглолыг шинэчлэх 40 ажлыг орон нутгийн төсвийн хөрөнгө оруулалтаар гүйцэтгэнэ. Үр дүнд Эрдэнэ, Дэнж, Яргуйт, Их залуу, Уртын гол, Цагаанчулуут, Рашаант, Даваат, Наран, Баянбулаг, Баянцагаан, Чингэл, Баян-Овоот, Шанд, багуудын хэрэглэгчдийн цахилгаан хангамжийн найдвартай ажиллагаа дээшилж  3172 хэрэглэгч хүчдэлийн уналтгүй болж хэвийн хүчдэлээр хангагдана. 

Мэдээллийн төв