Аймгийн баяр наадам 10,11-нд болно
Монголын тулгар төрийн 2234, Их Монгол улсын 819, Ардын хувьсгалын 104 жил-Үндэсний их баяр, Орхон аймаг, Эрдэнэт хот байгуулагдсаны 49 жилийн баяр наадмыг ирэх сарын 10,11-ний өдрүүдэд тэмдэглэн өнгөрүүлнэ.
Өнөөдөр аймгийн ИТХ-ын ээлжит бус 5-р хуралдаанаар Баяр наадмыг зохион байгуулах хороо, төсвийн задаргааг хэлэлцэж баталлаа.
Энэ жилийн баяр наадмыг зохион байгуулах хороон даргаар Засаг даргын орлогч Б.Мөнхдалай, нарийн бичгийн даргаар ЗДТГ-ын Хууль эрх зүйн хэлтсийн дарга Б.Мөнхбаяр ажиллана.
Хэлэлцэж буй асуудалтай холбоотойгоор төлөөлөгчид олон нийт рүү чиглэсэн соёл урлагийн арга хэмжээ 10-ны өдрийн үдшийн шоу, хэв журам болон Хот тохижуулах газрын ажилтан алба хаагчдын урамшууллыг нэмэх асуудлаар санал дэвшүүлж, төсвийг 100 сая төгрөгөөр нэмэгдүүлэн , баяр наадмын нийт төсвийг 700 сая төгрөгөөр баталлаа.
Мэдээллийн төв
