Олон улсын сувилагчдын өдрийн баярын хурал боллоо
Жил бүрийн тавдугаар сарын 12-нд “Олон улсын сувилагчдын өдөр” тохиодог. Манай улс энэ өдрийг 1995 оноос хойш жил бүр тэмдэглэж ирсэн билээ. Өнөөдөр эл өдрийг угтсан сувилагчдын баярын хурал Соёл урлагийн цогцолборт боллоо.
Баярын хуралд Засаг дарга М.Түмэнжаргал оролцож, сувилагч нартаа баяр хүргэн мэндчилгээ дэвшүүлэв. Тэрээр, хүн ардынхаа энхийн манаанд зогсож, эх орон ард түмнийхээ эрүүл мэнд, сайн сайхныг бүтээхийн төлөө өдөр шөнөгүй ажиллаж байгаа цагаан нөмрөгт баатрууд болох сувилагч нартаа аймгийн нийт иргэдийнхээ нэрийн өмнөөс болон хувиасаа чин сэтгэлийн баяр хүргэе" гэв.
Мөн тэрээр, цаашид сувлагч нарынхаа ажлын ачааллыг тэнцвэржүүлэхэд анхаарч ажилд нь дэмжлэг үзүүлж шинэ дэвшилтэт технологуудыг нэвтрүүлэх, сувилахуйн тусламж үйлчилгээг хөгжүүлэхэд аймаг орон нутгийн зүгээс анхаарч ажиллахаа илэрхийлсэн. Аймгийн хувийн хэвшлийн болон улсын эрүүл мэндийн салбарын 167 байгууллагад 507 сувилагч, 338 тусгай мэргэжилтэн ажиллаж байна.
Орон нутгаас “Эмч” хөтөлбөрийг хэрэгжүүлж эмч, сувилагч, тусгай мэргэжилтний нийгмийн хамгааллыг сайжруулах, цалин хөлсийг нэмэгдүүлэх, ажиллах орчин нөхцөл, хөдөлмөрийн аюулгүй байдлыг хамгаалахад олон талт арга хэмжээг хэрэгжүүлж буй. Энэ чиглэлээр сүүлийн таван жилд 960 гаруй сая төгрөгийн хөрөнгө оруулалт хийжээ. Мөн сүүлийн таван жилд 10 туслах сувилагчийг орон тоогоор ажиллуулж, шаардлагатай 320 сая төгрөгийн санхүүжилтыг орон нутгийн төсвөөс шийдвэрлэсэн.
Энэ өдрийг угтан сувилагч нарын мэргэжил, мэдлэгийг дээшлүүлэх, сурталчлах, эрдэм шинжилгээ, судалгааны ажлыг дэмжих зэрэг өргөн хүрээтэй үйл ажиллагааг зохион байгуулдаг уламжлалтай. Баярын хурлын үеэр ажил үйлсээрээ манлайлсан сувилагчдаа алдаршуулж, шагнаж урамшууллаа.
Мэдээллийн төв
