Хоршооны гишүүн малчин 50 хүртэлх сая төгрөгийн зээл авах боломжтой
Хойд бүсийн “Шинэ хоршоо хөдөлгөөн”-ий нээлтийн арга хэмжээ үргэлжилж байна. Тус хөдөлгөөний хүрээнд хоршоо хэлбэрээр үйл ажиллагаа явуулах малчдад санхүүгийн дэмжлэг үзүүлэх хөрөнгийн эх үүсвэрийг нь шийдсэн. Өөрөөр хэлбэл, малчдыг мал аж ахуйн чиглэлээр санаж бодсон зүйлээ бусадтай эвлэлдэн нэгдэж, хамтран бодит ажил болгох боломжийг бүрдүүлээд байна.
Хоршооллын гишүүн малчин 50 хүртэлх сая төгрөгийн зээл авах боломжтой. Зээлийн хугацаа 30-60 сар, эхний 12 үндсэн төлөлтгүй, зээлийн хүү 6 хувь байна. Жишээлбэл, 10 гишүүнтэй хоршоо 500 сая төгрөгийн зээл аван цагаан идээ, дайвар бүтээгдэхүүн эсвэл өнөө цагт үнэгүйдээд буй түүхий эдээ боловсруулан нэмүү өртөг шингээн тогтмол орлого олох боломжтой юм.
Харин зээлийн барьцаа хөрөнгө нь хүрэлцэхгүй байгаа малчдад Зээлийн батлан даалтын сан тухайн зээлийн 60 хүртэлх хувьд зээл гаргана. Шинэ хоршоологчдод 80-100 хувьд нь батлан даалт гаргана.
Зээлийн зориулалт буюу үндсэн хөрөнгөд хөрөнгө оруулалт нь....
- үржлийн мал худалдан авах, малын хашаа, хороо, саравч худалдан авах, барих
- Мал аж ахуйд зориулсан барилга байгууламж барих, өргөтгөх, засварлах,
- Тоног төхөөрөмж, тусгай зориулалтын тээврийн хэрэгсэл /автомашин/ худалдан авах, шинэчлэх
- Дэд бүтцийг сайжруулах,
Чиглэлүүд нь...
- Бэлчээрт худаг, уст цэг гаргах;
- Малын тэжээл, тэжээлийн ургамал тариалах, тэжээл үйлдвэрлэлийн цех;
- Мал бордох чиглэлийн үйл ажиллагаа;
- Мах, сүү, цагаан идээ бэлтгэх, боловсруулах, энэ чиглэлийн үйлдвэрлэл эрхлэх;
- Үржлийн мал худалдан бойжуулах, борлуулах;
- Ноос, ноолуур, арьс шир бэлтгэх, анхан шатны тордолт хийх;
- Дайвар бүтээгдэхүүн үйлдвэрлэл;
- Мал, малын гаралтай түүхий эдийн агуулах, зоорь, хөргүүр байгуулах;
- Мал нядалгааны цех байгуулах
- Мал аж ахуйн үйлдвэрлэлд зориулагдсан малчдын хөдөлмөрийг хөнгөвчилсөн техник, технологи, тоног төхөөрөмж худалдан авах
Зээл хүсэгчдэд тавигдах шаардлага нь...
1. Хоршооны гишүүн малчин байх;
2. Мал тооллогод хамрагдсан байх;
3. Тухайн аймагт оршин суудаг байх;
4. Хугацаа хэтэрсэн, чанаргүй зээлийн өр төлбөрийн үлдэгдэлгүй байх;
5. Хоршооны бизнес төлөвлөгөөтэй байх; /100 сая төгрөгөөс доош зээлд хамаарахгүй/
6. Өмчлөх, эзэмших, ашиглах эрхтэй газартай байх (суурин барилга байгууламж барих, өргөтгөхөөс бусад зориулалтаар зээл хүсэхэд уг шаардлага хамаарахгүй);
7. Банкнаас тавигдах бусад холбогдох шаардлага.
Мэдээллийн төв
