2024 оны 02-р сарын 28

Аймгийн Засаг даргын үйл ажиллагааны хөтөлбөрийн хэрэгжилтийг  91,1 хувьтай дүгнэлээ

ИТХ-ын ээлжит 17-р хуралдаанаар Аймгийн Засаг даргын 2020-2024 оны үйл ажиллагааны хөтөлбөрийн 2023 оны биелэлтийг  хэлэлцэн 91,1 хувьтай дүгнэлээ. 

          Засаг даргын Үйл ажиллагааны хөтөлбөрийг боловсруулахдаа “Эрдэнэт хүн - Хүний хөгжлийн цогц бодлого”, “Эрдэнэт хот – Хотын хөгжлийн цогц бодлого”, “Эрдэнэт хүч – Хөгжлийн алсын хараа” гэсэн 3 үндсэн бодлогыг хамруулан  үндсэн 8 бүлэг, 124 зорилт, 251 арга хэмжээг хэрэгжүүлэхээр төлөвлөжээ.  
          Хөтөлбөрийн хэрэгжилтийг хангах хүрээнд аймгийн хэмжээнд “Цахим Эрдэнэт-1”, “Эх хэл-Эрдэнэт”, “Эмэгтэйчүүдийн хөгжлийн хөтөлбөр” “Өвлийн спортыг хөгжүүлэх”, “”Төрийн албан хаагчдын хөгжлийн хөтөлбөр”  зэрэг 20 гаруй хөтөлбөрүүдийг батлуулан ажиллаж байна. 
        Энэ онд эрүүл мэндийн салбарт нийт 3,2 тэрбум төгрөгийн хөрөнгө оруулалт хийж эрүүл мэндийн салбарын тоног төхөөрөмжийн хангалт 95 хувьд хүрэв. Түүнчлэн орон нутагтаа хавдрын бай эмчилгээ, дурангийн тасаг, тархины цус харвалт, зүрхний шигдээсийг эмчлэх оношлох үйлчилгээг нэвтрүүлсэнээр III шатлалын эмнэлэг рүү зорчих иргэдийн тоо буурав. 
         Боловсролын салбарт улс болон орон нутгийн төсвийн 20,9 тэрбум төгрөгийн хөрөнгө оруулалт хийжээ. Үүнд ЕБ-ын сурагчдын 92 хувийг стандартад нийцсэн ширээ сандлаар хангаж, “Ирээдүйн Одод”, “Уран эгшиг” зэрэг төрөлжсөн сургалттай ЕБС-иудын засвар өргөтгөлийн ажлыг хийж гүйцэтгэв. 
          Орон нутгийн төсвийн нийт 2.65 тэрбум төгрөгийн хөрөнгө оруулалтаар Хот тохижуулах газрын парк шинэчлэлтийг хийж байна. 
2023 онд Жижиг дунд үйлдвэрийг хөгжүүлэх сангаас журмын шаардлага хангасан 5 төсөлд 894.0 сая, Хоршоо хөгжүүлэх сангаас 27 иргэн, аж ахуйн нэгжид 533.0 сая төгрөгийн зээлийг тус тус олгоод байна.
         Монгол Улсын Ерөнхийлөгчийн санаачилсан "Тэрбум мод" үндэсний хөдөлгөөнийг дэмжих ажлын хүрээнд 2023 онд таримал ойн хэмжээг 36.76 га талбайгаар нэмэгдүүлж, өссөн дүнгээр 92.76 га талбайд нийт 3.3 сая ширхэг мод тарьж, ойн төгөл, зурвас байгууллаа. Аймгийн хэмжээнд нийт ногоон байгууламж 92.76 га талбай болсноор 1 хүнд ноогдох ногоон байгууламж 8.7 м.кв -д хүргэсэн.
          Улсын төсвийн 2.7 тэрбум төгрөгийн хөрөнгө оруулалтаар Баян-Өндөр сумын Зэст багийн цогцолбор төвийн барилгыг энэ онд багтаан ашиглалтад оруулснаар 5 дах цогцолбор байр болж байна. “Цахим Эрдэнэт-1” хөтөлбөрийн хүрээнд Орхон аймгийн иргэдэд зориулсан Смарт Эрдэнэт платформ байгуулах ажлыг дуусган хэрэглээний туршилтын шатанд ажиллаж эхлээд байна. Мөн энэ онд орон нутгийн 735,0 сая төгрөгийн хөрөнгө оруулалтаар нийт 133 камерийг шинээр суурилуулан ажиллаж байна.
 

Мэдээллийн төв

 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57572

Facebook

Цаг агаар

Вебийн статистик

Таны IP хаяг: 44.222.218.145
  • 10 Онлайн
  • 334 Өнөөдөр
  • 580 Өчигдөр
  • 1531 Долоо хоногт
  • 10887 Сүүлийн сард
  • 6893669 Нийт хандалт