Аймгийн Хөдөлмөрийн аюулгүй байдал, эрүүл ахуйн зөвлөл хуралдлаа
Аймгийн Хөдөлмөрийн аюулгүй байдал, эрүүл ахуйн зөвлөлийн 2023 оны хоёрдугаар хурлаа хийлээ. Хурлыг аймгийн Засаг даргын орлогч, аймгийн ХАБЭА-н зөвлөлийн дарга А. Түвшинжаргал удирдан явуулав.
Энэ удаагийн хурлаар Хөдөлмөр нийгмийн хамгааллын сайдын 2019 оны А/64 дүгээр тушаалаар батлагдсан “Эрүүл аюулгүй ажлын байрыг эрхэмлэгч байгууллага” шалгаруулах улсын уралдаанд Орхон аймгаас төрийн болон төсөвт байгууллагаас оролцохоор материал ирүүлсэн байгууллагуудын дүнг хэлэлцэв.
Дөрвөн байгууллага материал ирүүлснээс шаардлага хангасан хоёр байгууллаггыг дэмжин ХНХЯ-нд хүргүүлэхээр шийдвэрлэлээ. Мөн хурлаар аймгийн зөвлөлийн 2023 оны жилийн ажлын төлөвлөгөөний төсөл, Хөдөлмөрийн аюулгүй байдал, эрүүл мэндийн 2021-2025 оны үйл ажиллагааны хөтөлбөрийг 2023 онд хэрэгжүүлэх арга хэмжээний төлөвлөгөөний төслийг хэлэлцэж батлав. Энэ онд ХАБЭА-н сарын аян, улсын удирамжит үзлэг шалгалт, сургалт, сурталчилгаа, мэдээлэл зөвлөгөө өгөх, оны шилдэг шалгаруулах зэрэг ажлуудыг зохион байгуулахаар шийдвэрлэлээ.
Мэдээллийн төв
