2022 оны 08-р сарын 10

Төрийн жинхэнэ албан хаагчийн тангараг өргөх ёслол боллоо 

Төрийн албаны тухай хуулийн дагуу төрийн  жинхэнэ албан хаагчийн тангараг өргөх ёслолын үйл ажиллагааг Төрийн албаны Орхон аймаг дахь салбар зөвлөлөөс  өнөөдөр зохион байгууллаа.   Төрийн жинхэнэ албан хаагчийн тангараг өргөх ёслолын үйл ажиллагаанд Засаг дарга С.Батжаргал, Засаг даргын орлогч А.Түвшинжаргал,  ЗДТГ-ын дарга, Төрийн албаны Орхон аймаг дахь салбар зөвлөлийн дарга Д.Соёлчхүү болон салбар зөвлөлийн гишүүд, агентлаг, газар хэлстүүдийн дарга нар оролцлоо. 
       1994 онд  Төрийн албаны  тухай хуулийг батлан гаргаснаар төрийн албаны харилцаа өөрийн гэсэн тусгай хуулиар зохицуулагдаж, төрийн албан хааагчдын эрх үүрэг үйл ажиллагааны хэм хэмжээ хуулиар баталгаажин хэрэгжих эрх зүйн үндэс бүрдсэн. Үүнээс хойш  2017 оны арванхоёрдугаар сарын 7-нд УИХ-аас Төрийн албаны тухай хуулийг шинэчлэн баталж, 2019 оны нэгдүгээр сарын 1-нээс мөрдөж эхэлсэн.  


     Уг хуулийн онцлог нь иргэн бүр төрийн албаны шалгалт өгөх боломжтой болж,  төрийн албан хаагчийн сахилга хариуцлага, ёс зүйн шаардлага тодорхой болсон. 
ЗДТГ-ын дарга, Төрийн албаны Орхон аймаг дахь салбар зөвлөлийн дарга Д.Соёлчхүү “Монгол Улсын иргэн төрийн захиргааны албанд ажилд анх орохдоо Төрийн албаны тухай хуулийн дагуу төрийн албаны ерөнхий болон тусгай шалгалтыг өгч тухайн байгууллагадаа тодорхой хугацаанд ажилласан байх шаардлагыг тавьдаг.  Тухайн албан хаагчийн байгууллагын удирдлагын тангараг өргүүлэх шийдвэрийг үндэслэн Төрийн албаны зөвлөлөөс тангараг өргүүлдэг журамтай. Үүний дагуу өнөөдөр Төрийн захиргааны албанд шинээр элсэн орж буй Баян-Өндөр сумын ИТХ, сумыдн ЗДТГ ЭМГ, ХХААГ, Татварын хэлтэс , Мал эмэнэлгийн газар  зэрэг найман төрийн захиргааны байгууллагын 39 албан хаагч төрийн жинэхэнэ албан хаагчийн тангараг өргөх ёслолын ажиллагааг зохион байгуулж байна” гэв. 


         Засаг дарга С.Батжаргал “Төрийн албан хаагч төрийн аль ч байгууллагад ажиллах нь хамаагүй иргэнд хуулийн дагуу шударга, түргэн шуурхай, үйлчлэх ёстой гэдэг нэг л зүйлээрээ ижил байдаг.  Монголын төр төрд ажиллах албан хаагчдаа тусгайлан тангараг өргүүлж эгнээндээ нэгтгэдэг түүхэн уламжлалтай.  Тийм ч учраас төрийн албаны тангараг өргөж төрд ажиллана гэдэг нэр төрийн хэрэг. Төрд ажиллана гэдэг  хүний хийж бүтээх боломж юм. Энэ боломжийг сайн ашиглаж өөрийн түүхээ бичнэ гэдэгт итгэлтэй байна” гэлээ. 
Өөрийн сурсан мэдсэнээ аймаг орон нутаг, улс эх орондоо зориулж, хууль дүрмийг чанд мөрдөн, үнэнч шударгаар ажиллахаа төр, ард түмэндээ батлан тангараглаж, төрийн жинэхэн албан хаагч болсон Та бүхэнд  ажлын амжилт хүсье. 

Мэдээллийн төв 


 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.239.4.127
  • 1 Онлайн
  • 203 Өнөөдөр
  • 277 Өчигдөр
  • 480 Долоо хоногт
  • 2173 Сүүлийн сард
  • 6649990 Нийт хандалт