2024 оны 03-р сарын 29

Оюут багийн 2А хороололд барилгажилтын төсөл хэрэгжүүлж буй ААН-үүдтэй уулзаж санал солилцлоо 

Аймгийн хэсэгчилсэн  ерөнхий төлөвлөгөөний дагуу Оюут багийн 2А хороололд барилгажилтын төсөл хэрэгжүүлж буй есөн аж ахуйн нэгжтэй Засаг даргын орлогч М.Түмэнжаргал уулзаж, санал солилцлоо. Уулзалтад Барилга захиалагчийн алба, "Эрдэнэт ус-ДТС" ОНӨХК, "Мэдээлэл холбооны сүлжээ" ТӨХК-ийн холбогдох албан тушаалтнууд байлцав. 
Уулзалтаар барилга болон авто замын өндөржилтийг нэг төвшинд  байлгах, хорооллын гадна тохижилт, үерийн ус зайлуулах нэгдсэн систеийг шийдэх зэрэг асуудлыг хэлэлцлээ. 

       Барилгын өндөржилт орон нутгийн зүгээс захиалсан авто замын зураг болон төсөл хэрэгжүүлж буй аж ахуйн нэгж байгууллагын зургийн төвшинтэй ижил төвшинд байх ёстой.  Автозамын өндөржилтөөс тус хорооллын замын өндөржилт адил бус төвшинд хийгдвэл тус хотхоны зоорийн давхар усанд автах  гэх мэт хожим үүсэх эрсдэлээс сэргийлж хаа хаанаа хяналттай, хариуцлагатай ажиллахыг М.Түмэнжаргал дарга анхааруулж, төсөл хэрэгжүүлэгчдэд орон нутгийн зүгээс захиалсан авто замын зургийн өндөржилтийг өгөхийг сануулав. 
Үүнтэй холбоотойгоор ирэх мягмар гаригт 2А хороололд холбогдох албаныхан ажиллахаар боллоо. 
       Төсөл хэрэгжүүлэгчдэд тулгамдаж буй нэг асуудал нь  өдрийн 50 мянган төгрөгийн цалинтай ажиллах хүчин Орхон аймгаас олдохгүй байгааг учирлаж байв. Иймд аймгийн Хөдөлмөр, халамжийн үйлчилгээний газар ажлын байрны зарыг илүү олонд хүргэхээр бэлтгэх цаашлаад ойролцоо аймгуудад санал болгох боломжтой  эсэх талаар санал хэлсэн. 
Мөн төсөл хэрэгжүүлэгч есөн аж ахуйн нэгжийн төлөөлөл 2А хорооллын гадна тохижилтыг төмөр саад хашлагагүй ногоон байгууламжаар хийхээр төлөвлөж байгаа талаар хэллээ. 

Мэдээллийн төв 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 44.192.71.254
  • 4 Онлайн
  • 272 Өнөөдөр
  • 357 Өчигдөр
  • 2548 Долоо хоногт
  • 19839 Сүүлийн сард
  • 6914607 Нийт хандалт