АЙМАГ, НИЙСЛЭЛ БОЛОН ДҮҮРГҮҮДИЙН ЗАСАГ ДАРГЫН ТАМГЫН ГАЗРЫН ДАРГА НАРЫГ ЧАДАВХЖУУЛАХ СУРГАЛТ ЗОХИОН БАЙГУУЛЛАА
Монголын Улаан Загалмайн Нийгэмлэгийн дэмжлэгтэй Монгол Улсын Засгийн газар, Төрийн албаны зөвлөл, Нэгдсэн Үндэстний Байгууллагын Хөгжлийн хөтөлбөрөөс Канад улсын Засгийн газрын санхүүжилттэйгээр Төрийн албаны зөвлөлтэй хамтран хэрэгжүүлж буй “Монгол Улсад мэргэжлийн, иргэн төвтэй төрийн албыг төлөвшүүлэх нь” төсөл хамтран “Аймаг, нийслэл, дүүргийн Засаг даргын Тамгын газрын дарга нарыг чадавхжуулах” сургалт 2 өдрийн хугацаанд зохион байгуулагдлаа.
Сургалтад Монгол Улсын Төрийн албаны зөвлөлийн дарга Б.Баатарзориг, гишүүн Ц.Амартөгс, Б.Идэрчулуун, ЗГХЭГ-ын Орон нутгийн удирдлага, зохицуулалтын газрын дарга П.Зоригтбаатар, төслийн менежер П.Хулангоо, холбогдох албан хаагчид, 21 аймаг, нийслэл, дүүргийн Засаг даргын Тамгын газрын дарга нар оролцлоо.
Өнөөдрийн хөтөлбөрийн дагуу гишүүн Ц.Амартөгс Төрийн албан дахь удирдах ажилтны манлайлал, ур чадварууд, гишүүн Б.Идэрчулуун Төрийн албан хаагчийн ёс зүйн асуудал, төслийн менежер П.Хулангоо, бусад зөвлөхүүд төрийн албан хаагчийн цогц чадамж, сэтгэлгээний өөрчлөлт зэрэг сэдвээр сургалт хийхээс гадна төрийн албаны бодлого, төлөвлөлт, өөрчлөлт, шинэтгэлийн талаар зөвлөлийн дарга Б.Баатарзориг мэдээлэл өгч, хэлэлцүүлэг өрнүүлэв.
Төрийн албаны зөвлөлийн дарга Б.Баатарзориг, “Төрийн албаны шинэтгэлийн үйл явц судалгаанд суурилсан шийдвэрүүдийг гаргах үйл ажиллагаагаар эхэлсэн бөгөөд шийдвэр хэрэгждэг болсон, тодорхой үр дагаварт шилжсэн хэмээн дүгнэн хэлэв. Төрийн албаны шинэтгэлийн бодлого тогтолцоо /систем/-ийн, үйл явц /нөхцөл байдал/-ын шинэтгэлийн төлөвлөлтөөр хийгдэх бөгөөд уг төлөвлөгөөний зорилгыг ажиллах нөхцөл нийгмийн баталгаагаар хангагдсан, чадварлаг ёс зүйтэй, бүтээмж өндөртэй оновчтой бүтэцтэй төрийн алба, хаагчийг бүрдүүлэх бодлого, төрийн албанд ил тод, нээлттэй, иргэн төвтэй үйлчилгээний тогтолцоог бүрдүүлнэ хэмээн тодорхойллоо. Эдгээр зорилгыг матриц төлөвлөлтөөр хэрэгжүүлэх юм” гэж онцлов.
