“ЭРДЭНЭТ ХОТЫН ӨДӨР”- ИЙГ ТАВ ДАХЬ ЖИЛДЭЭ ТЭМДЭГЛЭЖ БАЙНА

    Энэ сарын 11-нд “Анхдагч илгээлтийн эздийн өдөр” болон “Эрдэнэт хотын өдөр” тохионо. Хотын өдрийг тохиолдуулан хүчит бөхийн барилдаан, бүтээн байгуулалтын нээлтүүд болно. Мөн ирэх баасан гаригт аймгийн ИТХ-ын төлөөлөгчид болон орон нутгийн удирдлагууд ерөнхий боловсролын сургуулийн ахлах ангийн сурагчдад “Эрдэнэтийн алдартнууд” сэдвээр хичээл заана. Түүнчлэн 12 дугаар сарын 9-11 хүртэл “Сархиа” цанын бааз, 11-ний өдөр аймгийн музей иргэдэд үнэ төлбөргүй үйлчлэх болно. 

     Мөн Баян-Өндөр, Жаргалант сумдын соёлын төвүүд 12-р сарын 11-ний өдөр өөрсдийн байрандаа  урлагийн тоглолт  үнэ төлбөргүй зохион байгуулах юм. 
    Энэ жил Орхон аймагт соёлын төв, багийн нэгдсэн байр, өрхийн эрүүл мэндийн төв, цэцэрлэг гээд 10 гаруй барилга байгууламж ашиглалтад орсон. Тэгвэл “Эрдэнэт хотын өдөр”-ийг тохиолдуулан Их-Залуу багт “Энхжихмандариваа”, Булаг багт “Нийцэл” ӨЭМТ, Баянцагаан багт “Багийн нэгдсэн байр” ашиглалтад орж нээлтээ хийнэ.
    Мөн “Соёлыг түгээе” сарын аяны хаалтыг хийж Соёлын яамны ажлын хэсэг соёл урлагийн байгууллагын ажилчдад цуврал лекц тавьж, сургалт хийх бол, Монгол Улсын Ерөнхийлөгчийн зөвлөх Д.Бум-Очир “Аялгуут”  сэдвээр  “Уурхайчин” соёлын ордоны их танхимд лекц орно. 
     Мөн Энэ өдрийг угтаж Жаргалант, Баян-Өндөр сумдын багийн иргэдийн дунд спортын гурван төрлөөр тэмцээн уралдаан зохион байгуулагдаж амжилттай өндөрлөсөн. 
    2017 онд аймгийн ИТХ-ын Тэргүүлэгчдийн хурлаар жил бүрийн 12 дугаар сарын 11-нд “Эрдэнэт хотын өдөр”-ийг тэмдэглэх шийдвэр гарсаны дагуу Орхон аймаг тав дахь жилдээ уг өдрийг тэмдэглэх гэж байна.   Энэ жил олон нийтийг хамарсан арга хэмжээ зохион байгуулахгүй ч уламжлалт ёсоор “Анхдагч Илгээлтийн эзэд”, “Найрамдлын өндөрлөг” хөшөөнд цэцэг өргөнө. Мөн баярын хурал, концерт болно. 
     1975 оны 12 дугаар сарын 11-нд  Ардын Их Хурлын Тэргүүлэгчдийн зарлигаар Булган аймгийн Эрдэнэт хороог улсын зэрэглэлтэй хот болгохоор шийдвэр гарсаны дагуу Эрдэнэт хот байгуулагдсан түүхтэй.  
 
Мэдээллийн төв 
 

 

Холбоотой мэдээлэл

2017-02-07 3778
С.БАТЖАРГАЛ: “СӨХ”-ДЫН ҮЙЛ АЖИЛЛАГААГ ХАМДТАА ШИНЭ ШАТАНД ГАРГАЯ

Жишээлбэл, 2 өрөө байртай айлаас сард 8900 төгрөгийн хураамж авдаг. Үүнээс 1080 төгрөгийг “Эрдэнэт Ус” ...

2017-01-05 2082
МАЛЧДЫН ӨВӨЛЖИЛТИЙН БАЙДАЛТАЙ 11 ЧИГЛЭЛД ТАНИЛЦАНА

Аймгийн Онцгой комиссын шийдвэрээр малчдын өвөлжилтийн байдалтай танилцах ажлын хэсгийг байгуулсан.

2015-04-13 1702
Мэргэжилтэй ажилтан бэлтгэх хүсэлтэй аж ахуйн нэгжтэй хамтарч ажиллана

“Хөдөлмөр эрхлэлтийн ур чадвар олгох, ажлын байр хадгалах хөтөлбөр”-ийн хүрээнд тухайн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.80.249.22
2021-01-03-ний өдрөөс хойш.
  • 17 Онлайн
  • 962 Өнөөдөр
  • 1344 Өчигдөр
  • 7145 Долоо хоногт
  • 27758 Сүүлийн сард
  • 6523144 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар