СУРАГЧИД ЧӨЛӨӨТ ЦАГААРАА СПОРТ ЗААЛАНД ХИЧЭЭЛЛЭХЭД ЯМАР НЭГЭН ТӨЛБӨР АВДАГГҮЙ БОЛЛОО

Даваа гараг бүр хуралддаг Орхон аймгийн Засаг даргын шуурхай зөвлөгөөн өнөөдөр хуралдлаа. Хуралдааныг Засаг дарга С.Батжаргал удирдлаа.

              Ирэх 2022 онд 1,6 тэрбум төгрөгөөр гэр хорооллын багуудын гэрэлтүүлгийн тэжээлийн блок, толгой, кабель солих, 60 сая төгрөгийн төсвөөр Цагаанчулуут багийн 0,4 км зам болон ТОСК, 7-р хорооллын гэрэлтүүлэг, Эрдэнэ багийн Жаргалант, Сархиа уулын хэсэгт улсын төсвийн хөрөнгө оруулалтаар хийгдсэн 3,4 км хатуу хучилттай замыг мөн гэрэлтүүлэгтэй болгохоор зураг төсөл хийжээ.
            "ЭБЦТС" ТӨХК 2022 оны хөрөнгө оруулалтаар хотын 35 кВ-ын Цахилгаан дамжуулах агаарын шугамыг кольцоо схемд оруулах зураг төсөл боловсруулан Эрдэнэ багийн Хабитатын хэсэгт шинээр 35/6 кВ-ын ЦРП, 35 кВ-ын Цахилгаан дамжуулах агаарын шугам барих ажлууд хийхээр төлөвлөн ажиллаж байна.
            Хотын хэмжээнд байгаа дулааны шугам сүлжээнд горимын тооцоог хийснээр хотын дулааны шугамын насжилт, өргөтгөл шинэчлэлт хийх шаардлагатай шугам сүлжээнүүд тодорхой болсон. Үүний дагуу эхний ээлжид “ЭДЦС”-аас 9-р цэг хүртэл Ду700мм-ийн 3,5 км дулааны төв шугамыг шинээр барих, Цагаанчулуут багийн өргөх насос станцаас Наран багийн УДХТ хүртэлх Ду125, 159 мм-ийн 1,2 км ил дулааны шугамыг шинэчилж сувагт хийх ажлын зураг төслийг боловсруулах ажлын санхүүжилтийг 2022 оны Орон нутгийн төсөвт тусгахаар төлөвлөжээ. Ингэснээр Эрдэнэт хотын дулаан болон цахилгаан эрчим хүчний найдвартай ажиллагаа хангагдаж цаашид шинээр барилга обьект, орон сууцны хорооллууд баригдах боломж нэмэгдэх юм.
            Аймгийн ХХААГ-ын мэдээлэлд 2021-2022 онд өвөлжих болон хэрэгцээт малын судалгаагаар аймгийн хэмжээнд нийт мал сүргийн 24.1 хувь буюу 45.8 мянган толгой малыг эдийн засгийн эргэлтэд оруулахаар байна.
            Намрын ургац хураалтын нэгдсэн дүн гарсан бөгөөд энэ жил үр тариа 13.485 тн, Тэжээлийн ургамал 1992 тн, төмс 3216.4 тн, хүнсний ногоо 5798 тн-ыг тус тус хураан авчээ.
            Хуралдааны төгсгөлд аймгийн удирдлагуудын зүгээс зарим хэлтэс агентлаг, сумдын удирдлагуудад тодорхой үүрэг чиглэл өглөө. Тухайлбал, саяхан боловсролын салбарын ёс зүйн хороо хуралдсан бөгөөд зарим цэцэрлэг сургуулийн удирдлага ажилтнуудтайгаа зүй бус харьцсан, ажлын байрны дарамт учруулсан талаарх асуудал хэлэлцэгджээ. Иймээс цаашид сургууль, цэцэрлэгийн эрхлэгч нарыг сэлгэн ажиллуулах талаар Баян-Өндөр сумын засаг даргад үүрэг болгов.
            Мөн ЕБС-ийн сурагчид сургуулийнхаа спорт залаанд чөлөөт цагаараа ямар нэгэн төлбөр авахгүй байхыг аймгийн Засаг даргын зүгээс үүрэг болголоо.  
 
Мэдээллийн төв
 
 
 
 
 
 
 
 

 

Холбоотой мэдээлэл

2021-07-07 444
ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.07.07-ны 10:00 цагийн байдлаар/

ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.07.07-ны 10:00 цагийн байдлаар/ ...

2014-08-17 1907
Газрын харилцаа, барилга хот байгуулалтын чиглэлээр: 2014 оны 08 сарын 11-нээс 15

Газрын харилцаа, барилга хот байгуулалтын чиглэлээр: 2014 оны 08 сарын 11-нээс 15: Нутгийн захиргааны ...

2014-08-29 2449
ОРХОН АЙМАГ ДАХЬ ЦАГДААГИЙН ГАЗРЫН НИЙТИЙН ХЭВ ЖУРАМ ХАМГААЛАХ ТАСГИЙН ДАРГА, ЦАГДААГИЙН ДЭД ХУРАНДАА М.МӨНХБАЯРЫН МЭДЭЭЛЭЛ

ОРХОН АЙМАГ ДАХЬ ЦАГДААГИЙН ГАЗРЫН НИЙТИЙН ХЭВ ЖУРАМ ХАМГААЛАХ ТАСГИЙН ДАРГА, ЦАГДААГИЙН ДЭД ХУРАНДАА ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.80.249.22
2021-01-03-ний өдрөөс хойш.
  • 16 Онлайн
  • 966 Өнөөдөр
  • 1344 Өчигдөр
  • 7149 Долоо хоногт
  • 27762 Сүүлийн сард
  • 6523148 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар