ТӨРИЙН БАЙГУУЛЛАГУУДАД ШАЛГАЛТ ЯВУУЛНА

 Орхон аймгийн Засаг даргын Даваа гараг бүрийн шуурхай хуралдаан өнөөдөр зохион байгуулагдлаа. Шуурхай зөвлөгөөнийг аймгийн Засаг дарга С.Батжаргал удирдан явууллаа.

            Хуралдааны эхэнд ЗДТГ-ын ХШҮДАХ-ийн мэргэжилтэн Ж.Баасансүрэн өнгөрөгч 7 хоногийн шуурхай зөвлөгөөнөөс өгөгдсөн үүрэг даалгаврын биелэлтийн талаар танилцууллаа.
            Манай аймгийн ойролцоох Булган аймгийн Бугат, Сэлэнгэ аймгийн Баруунбүрэн сумдад малын гоц халдварт шүлхий өвчин гарч сүүлийн өдрүүдэд голомтын тоо нэмэгдэж байгаатай холбогдуулан аймгийн Шуурхай штаб хуралдаж 4 зүйл, 10 арга хэмжээ бүхий төлөвлөгөө боловсруулжээ. Мөн Баян-Өндөр, Жаргалант сумдын Мал эмнэлгийн тасаг багийн ажлын албатай хамтран 45 малчин өрхөд идэвхтэй тандалт, 8 мал эмнэлэг үйлчилгээний нэгжээр дамжуулан 242 малчин өрхөд идэвхгүй тандалтыг хийн шүлхий өвчнөөс урьдчилан сэргийлэх зөвлөмжийг малчдад хүргэж ажиллажээ. Мал эмнэлгийн газар, Цагдаагийн газар, сумдын ЗДТГ, Мал эмнэлгийн тасагтай хамтарсан хяналтын суурин пост 3, хөдөлгөөнт эргүүл 4, нийт 7 хяналтын цэг ажиллуулж байна.
            Сүүлийн үед аймгийн ЗДТГ-ын 70353511 дугаарын санал хүсэлт хүлээн авах утсанд нийтийн тээврийн үйлчилгээтэй холбоотой санал гомдол их ирж байна. Иймээс аймгийн удирдлагуудын зүгээс Тээвэр, авто замын газрыг ажлаа сайжруулахыг үүрэг болголоо.
  Мөн иргэн, ААН-ийн цахилгаан эрчим хүчний төлбөрийг төрөөс хариуцаж байгаа энэ үед зарим айлууд халаагч хэрэгсэл ихээр залгаж байгаа, эрчим хүчний хэмнэлт хийхгүй байгаагаас шалтгаалан цахилгаан эрчим хүчний дэд станцууд дээр өндөр ачаалал үүсэж байгаа талаар Хотын захирагчийн албаны дарга С.Ганцогт мэдээлэв. Өөрөөр хэлбэл манай аймгийн цахилгаан эрчим хүчний зарцуулалт өмнөх оны өвлийн оргил ачааллын үеэс 30-40 хувиар өндөр байна.
  Жаргалант сумын дулааны шугамд даралтын зөрүү байгаагаас шалтгаалан Ерөнхий боловсролын сургууль, Спорт заал, Эрүүл мэндийн төв, Соёлын төв зэрэг зарим байгууллагуудад халаалт тааруу байгаа аж. Иймээс энэ 7 хоногт Орхон аймгийн Засаг даргын орлогч М.Түмэнжаргал, Хотын захирагчийн албаны дарга С.Ганцогт нараар ахлуулсан ажлын хэсэг Жаргалант суманд очиж ажиллахаар боллоо.
Хуралдааны төгсгөлд аймгийн Засаг даргын зүгээс зарим нэг үүрэг даалгавар өглөө. Тухайлбал, ирэх хавар иргэдийн хүнсний хэрэгцээний зориулах нөөцийн махыг бүрдүүлэх тал дээр анхаарч ажиллах, төрийн байгууллагуудын ажлын цаг ашиглалт, албан хаагчдын сахилга хариуцлагыг дээшлүүлэх талаар төрийн байгууллагуудад хяналт шалгалт хийх үүрэг өглөө.
 
Мэдээллийн төв
 
 
 

 

Холбоотой мэдээлэл

2015-01-12 1381
Нийгмийн халамж үйлчилгээний хэлтсийн долоо хоногийн мэдээ

• Нийгмийн халамжийн тэтгэврийн эрх үүссэн, сунгалт хийлгэсэн – 125 иргэн, • ...

2017-05-08 2555
ЭЛЭГНИЙ ВИРУСЫН ЭСРЭГ ҮЙЛЧИЛГЭЭТЭЙ ЭМИЙН ХӨНГӨЛӨЛТӨД 607 САЯ ТӨГРӨГ ТӨСӨВЛӨЖЭЭ

2017 онд 40-65 нас, 2018 онд 15-39 насныханд элэгний В, С вирус илрүүлэх, оношлох, эмчлэх арга хэмжээ ...

2015-04-12 1844
ОРХОН АЙМГИЙН НОМЫН ТӨВИЙН 7 ХОНОГИЙН АЖЛЫН МЭДЭЭ /2015.04.02-09/

Уншлага үйлчилгээ 175 хүнд шинээр карт нээж 1855 ирэгсдэд 2400 ном олгож үйлчилсэн байна. Гэр олголтоор ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 34.207.247.69
2021-01-03-ний өдрөөс хойш.
  • 12 Онлайн
  • 95 Өнөөдөр
  • 1828 Өчигдөр
  • 14323 Долоо хоногт
  • 66314 Сүүлийн сард
  • 6433449 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1048

Facebook

Цаг агаар