“ЭРДЭНЭТ ХӨГЖИЛ 2021” ЭДИЙН ЗАСГИЙН ФОРУМ ЭХЭЛЛЭЭ

         Эрдэнэт хотын хөгжлийн шийдэл гарцыг хэлэлцэх, танилцуулах зорилготой “Эрдэнэт хөгжил 2021” эдийн засгийн форум өнөөдөр эхэллээ.  Орхон аймгийн Засаг даргын Тамгын газраас зохион байгуулж буй уг форумын  үйл ажиллагаа цахим болон танхимын хосолсон хэлбэрээр зохион байгуулагдаж байгаа юм. 

      Технологи, Түншлэл, Хөрөнгө оруулалт уриан дор эхэлж буй тус форумын нээлтийн үйл ажиллагаанд гадаад, дотоодын зочид төлөөлөгчид, 15 орны Элчин сайдууд болон УИХ-ын гишүүд, Орхон аймагтай ах, дүүгийн найрамдалт харилцаатай улс орны төлөөлөгчид, НҮБ, GIZ төслийн төлөөлөгчид оролцлоо.
Форумын үйл ажиллагаанд амжилт хүсч  АНУ, ОХУ, БНЧ, Унгар, Япон улсын Элчин сайд нар УИХ-ын гишүүд мэндчилгээ дэвшүүлсэн юм. 
     Аймгийн Засаг дарга С.Батжаргал форумын үйл ажиллагааг нээж “Орхон аймгийн хөгжлийн одоо ба ирээдүй” сэдвээр илтгэл тавьсан бөгөөд Орхон аймагт 2021-2024 онд эдийн засгийн хөгжлийн чиглэлээр хэрэгжүүлэх зарим төсөл, арга хэмжээнүүдийг танилцууллаа. 
     Аймгийн хөгжлийн зорилтуудыг хэрэгжүүлэхдээ Монгол Улсын “Алсын хараа - 2050” урт хугацааны хөгжлийн бодлого, Орхон аймаг, Эрдэнэт хотын таван жилийн үндсэн чиглэлийн бодлогын баримт бичгийг үндэслэн “Орлогод нийцсэн орон сууцны төсөл”, “Ногоон хөгжил-Ногоон Эрдэнэт төсөл”, “Миний гэр-Бидний гудамж” зэрэг төслүүдийг хэрэгжүүлж ирэх жилүүдэд гэр хорооллыг орон сууцжуулах ажлыг эрчимжүүлнэ гэдгийг онцоллоо. Түүнчлэн энэхүү форумын эцсийн үр дүн бол Эрдэнэт хот, Эрдэнэтчүүдийн хөгжилд хувь нэмэр болохуйц шийдэл байх ёстой гэв.  
      УИХ-ын гишүүн Д.Батлут мэндчилгээ дэвшүүлэхдээ, “Энэхүү  форум нь төр, бизнесийн байгууллагуудын олон талт түншлэл, харилцаа холбоог сайжруулж, хөрөнгө оруулалтыг татах, шинэлэг, технологид суурилсан бизнесийн төслүүдийг хэрэгжүүлж эдийн засгийн эргэлтэд оруулах замаар Эрдэнэт хот, бүс нутаг, цаашлаад улс орны эдийн засгийн хөгжилд бодит хувь нэмрээ оруулахуйц үр дүнтэй хэлэлцүүлэг болно гэдэгт итгэлтэй байна” гэсэн юм.  
    Мөн аймгийн ИТХ-ын дарга Д.Мөнхбат хэлэхдээ, “Орхон аймгийг хөгжүүлэх урт болон дунд хугацааны бодлогын баримт бичигт эдийн засгийн бүтцийн шинэчлэлийг эхлүүлж, өрсөлдөх чадварыг нэмэгдүүлэн, экспортод чиглэсэн хүнд, хөнгөн үйлдвэрлэлийг хөгжүүлэх, эдийн засгийг тэтгэсэн, уян хатан, олон талт санхүүгийн үйлчилгээг хөгжүүлэхээр тусгасан. Үүнийг хэрэгжүүлэх ажлын нэг хэсэг нь технологи, инновацын төслүүдийг үйлдвэрлэл, үйлчилгээнд нэвтрүүлж түншлэл, хөрөнгө оруулалтыг дэмжих замаар эдийн засгийн хөгжлийг хурдасгах зорилготой  “Эрдэнэт хөгжил 2021” эдийн засгийн форум уулзалт билээ” хэмээн онцолсон юм. 
 
 
Форумын нээлтийн ажиллагаанд МУ-ын Засгийн газрын хэрэг эрхлэх газрын төлөөлөгчид, Үндэсний хөгжлийн газрын дарга Х.Батжаргал, Аймгийн Засаг даргын орлогч А.Түвшинжаргал, “Эрдэнэт Үйлдвэр” ТӨҮГ-ын удирдлагууд, хөрөнгө оруулагчид, аж ахуйн нэгж, бизнес эрхлэгчид, оролцогчид зэрэг нийт 680 гаруй хүн цахим болон танхимаар оролцлоо.
 
 
 
Мэдээллийн төв 
 

 

Холбоотой мэдээлэл

2014-02-20 2264
Шингэрүүлсэн шатдаг хийн түгээгүүрийн эрх зүйн болон баталгаажуулалтын тухай мэдээлэл

Дээрх хэмжих хэрэгслүүд нь Монгол Улсын Засгийн Газрын Агентлагийн “Эрх зүйн байдлын тухай“ ...

2015-01-07 1494
Шилэн дансны тухай хууль хэрэгжиж эхэллээ

Монгол улсын Ерөнхийлөгч Ц.Элбэгдоржийн санаачилсэн Шилэн дансны тухай хууль хэрэгжиж эхэллээ.

2021-05-05 936
ХАВСАРСАН ӨВЧЛӨЛТЭЙ НЭГ ИРГЭНИЙ БИЕИЙН БАЙДАЛ ХҮНД БАЙНА

Сүүлийн 24 цагийн хугацаанд нийт 908 PCR шинжилгээ хийж ойрын хавьтлын 5 иргэнээс коронавирусын халдвар ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.211.101.93
2021-01-03-ний өдрөөс хойш.
  • 10 Онлайн
  • 247 Өнөөдөр
  • 1539 Өчигдөр
  • 247 Долоо хоногт
  • 10950 Сүүлийн сард
  • 6449224 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар