АЙМГИЙН ОНЦГОЙ КОМИСС ХУРАЛДЛАА

 Өнөөдөр өглөөний 8 цагаас Орхон аймгийн Онцгой комисс цахимаар хуралдаж сая өндөрлөлөө.

            2021-2022 оны хичээлийн жил эхэлж, үүнийг дагаад бусад аймаг сумдаас иргэд зорчигчид ихээр ирж байгаа тул сүүлийн өдрүүдэд халдварт цар тахлын халдвар нэмэгдэх хандлагатай,  Короновируст халдварын 3 дахь давалгаа энэхүү 9-р сарын дунд үеэс эхэлж болзошгүй байгаа тул аймгийн Онцгой комисс ийнхүү хуралдлаа. Хуралдааныг Орхон аймгийн Засаг дарга С.Батжаргал удирдан явууллаа.
            Хуралдааны эхэнд аймгийн ЭМГ-ын дарга Д.Сүхээ короновируст халдварын нөхцөл байдлын талаар мэдээлэл хийлээ.
            Иргэдийн дархлаажуулалтад хамрагдалт 1-р тунд 93,2 хувь, 2-р тунд 88,2 хувьтай байна. Аймгийн нийт хүн амын 5,7 хувь коронавируст халдвар авчээ. ДЭМБ-ын аргачлалаар тооцоход 2021 оны 9 дүгээр сард хүн амын дунд ковид-19 халдварын тархалт нэмэгдэж нийт хүн амын 6,5 хувьд хүрэх магадлалтай аж.
Түүнчлэн Короновирусын Дельта хувилбар нь одоогийн байдлаар дэлхийн 148 улс оронд тархаад байна. SARS-CoV-2 вирусийн Дельта хувилбар нь халдварлах чадвар хамгийн өндөр бөгөөд SARS-CoV-2 вирусийн Альфа хувилбартай харьцуулахад 60 хувиар илүү халдварлах чадвартай байна.
Монгол улсын хэмжээнд нийт 951 сорьцод дельта хувилбар илрүүлэх ПГУ шинжилгээ хийснээс эерэг илрэлт 236 буюу 24,8 хувьтай байгаа юм. Улаанбаатар хот болон 16 аймгийн хүн амын дунд Дельта вирус илэрсэн. Орхон аймгийн хувьд 10 сорьц шинжилснээс 6 сорьцод дельта хувилбар илэрсэн байна.
Эрүүл мэндийн сайдын 539 дүгээр тушаалаар 3 дахь тунгийн нэмэлт вакцинжуулалт өчигдрөөс эхэллээ.Ингэхдээ,
·         55 наснаас дээш насны иргэд,
·         Боловсролын сургалтын байгууллагын багш ажилтан,
·         Эрхтэн шилжүүлэх мэс засал, эмчилгээ хийлгэсэн, хепатитын В,С вирусийн архаг халдвартай, дархлаа дарангуйлах, гемодиализ, эмчилгээнд хамрагддаг иргэд
·         Хөхүүл, жирэмсэн үедээ вакцинд хамрагдсан эмэгтэй
·         Ковид 19 хариу арга хэмжээний багийн гишүүд
·         Хүндэтгэх шалтгаантай зорилтод бүлгийн иргэдийг сайн дурын үндсэн дээр дархлаажуулах юм. Иргэд өөрсдөө Файзер үйлдвэрийн “Комирнети”, Синофарм /ВIBP үйлдвэрийн –”Cor V” гэсэн хоёр вакцинаас сонголтоо хийж болно.
Хүйтэн сэрүүний улирал эхлэхэд улирлын томуугийн халдвар нэмэгддэг тул энэ жил 10-р сарын 1-ээс эхлэн хүүхдүүдийг энгийн томуугийн вакцинд хамруулах төлөвлөгөөтэй байна.
            Онцгой комиссын хуралдааны үеэр БОЭТ-ийн захирал Ц.Наран-Эрдэнэ мөн мэдээлэл хийлээ. Энэ оны 3-р сард Короновируст халдварын улмаас 16 хүн эмнэлэгт хэвтэн эмчлүүлж байсан бол 8-р сарын байдлаар 899 хүн болж нэмэгдсээр байна. Өвчтөнүүдийн биеийн байдал хүндэрч эмнэлэгт ирэх, нас баралт ч мөн нэмэгдэж байгаа юм. Сүүлийн үед хэвтэн эмчлүүлэгчдийн тоо өсөх тусам эмчилгээний зардал ч мөн харьцангуй өсжээ. Короновирусын эсрэг эмчилгээнд хэрэглэгддэг “Remdesiver” гэх тариа гэхэд л нэг бүрийн үнэ 180.000-130.000 төгрөг байдаг аж. Цаашид короновируст цар тахлын 3 дахь давалгаа эхэлж өвчтөнүүд эмнэлэгт хэвтэх нь нэмэгдвэл 400 хүнд шаардлагатай 2400 ширхэг тарианд 240 сая төгрөгийн зардал гарахаар байна. БОЭТ-д халдвар авсан нэн хүнд өвчтөнийг зөөх тээвэрлэх, шинжилгээ авах цэгүүдэд хүргэхэд гадна орчноос тусгаарладаг сөрөг даралтын бүхээг 2 ширхгийг авчээ.  
            БОЭТ-д Эрүүл мэндийн яамны хөрөнгө оруулалтаар 512 сая төгрөгийн өртөг бүхий Хүчилтөрөгчийн бэсрэг үйлдвэр байгуулагдаад байна. Энэхүү үйлдвэр нь 50 өвчтөнд нэгэн зэрэг хүчил төрөгч түгээхээс гадна цагт 2 баллон хүчилтөрөгч үйлдвэрлэх хүчин чадалтай юм. Үйлдвэрийн угсралт тохируулгын ажил хийгдэж байна.
            2021-2022 оны хичээлийн шинэ жилд сургуулиуд танхимаар хичээллэх тул хүүхдүүд, багш нар короновирусын халдвар авах эрсдэл нэмэгдэж болзошгүйг анхааруулав. Мөн багш нар ажлын байрандаа өөрсдийгөө халдвараас хамгаалж ажиллахыг аймгийн ЗДТГ-ын даргын зүгээс анхаарууллаа.
            Танхимын хичээл 30-35 минутаар өглөө 08:00-12:00 цагийн хооронд, үдээс хойш хоёрдугаар ээлжийн хичээл 13:00-17:00 цагийн хооронд байхаар зохицуулжээ.
            Түүнчлэн багш нарыг нэг өрөөнд олноор цуглуулж хурал, сургалт зохион байгуулахгүй, шаардлагатай тохиолдолд цахимаар хуралдахыг мөн үүрэг болгов.
 
Мэдээллийн төв
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-10 1362
АЙМГИЙН СТАТИСТИКИЙН ХЭЛТСЭЭС АЙМГИЙН ЭДИЙН ЗАСАГ, НИЙГМИЙН ХӨГЖЛИЙН 2014 ОНЫ 08 САРЫН ДҮНГ ТАНИЛЦУУЛЛАА

1.Макро эдийн засаг Төсөв санхүү Аймгийн төсөвт 25.9 тэрбум төгрөгийн орлогыг төвлөрүүлж, төсвийн ...

2018-11-30 1539
АЙМГИЙН ИТХ-ЫН ЭЭЛЖИТ 12 ДУГААР ХУРАЛДААН ЭХЭЛЛЭЭ

Аймгийн Иргэдийн Төлөөлөгчдийн Хурлын Ээлжит XII хуралдаан аймгийн ЗДТГ-ын Хурлын танхимд эхэллээ.

2014-11-04 2591
Орхон аймгийн хөгжлийн бэрхшээлтэй иргэдийн холбоод АЗДТГ-ын даргатай уулзлаа

Өнөөдөр Орхон аймгийн хөгжлийн бэрхшээлтэй иргэдийн холбоод, спортынхоны төлөөллүүд аймгийн Засаг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.212.116
2021-06-10-ний өдрөөс хойш.
  • 57 Онлайн
  • 3648 Өнөөдөр
  • 5198 Өчигдөр
  • 3648 Долоо хоногт
  • 180842 Сүүлийн сард
  • 6220062 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  998

Facebook

Цаг агаар