МЭНДЧИЛГЭЭ

 МЭНДЧИЛГЭЭ

 
Эрхэм хүндэт хүүхэд багачууд, эцэг эхчүүд, багш сурган хүмүүжүүлэгчид,  
боловсролын салбарын ажилтан ажиллагсад аа!
 
Та бүхэнд 2020-2021 оны хичээлийн шинэ жилийн баярын мэнд хүргэе.
 
Энэ хичээлийн жилд манай аймагт төрийн болон хувийн хэвшлийн 38 цэцэрлэгт 9700 орчим хүүхэд хүмүүжиж, нэгдүгээр ангид шинээр 2200 гаруй сурагч элсэн суралцах бол 24 ерөнхий боловсролын сургуульд нийт 22600 сурагч суралцаж, 2700 шахам багш, ажилтан боловсролын байгууллагад ажиллана.
Дэлхий дахиныг хамраад буй цар тахалын улмаас энэ хичээлийн жил тодорхой дэглэмийн хүрээнд, хязгаарлагдмал байдлаар эхэллээ. Цаашид ч тодорхой хугацаанд хичээл сургалтын ажил өмнөх жилүүдээс онцлогтойгоор үргэлжлэх төлөвтэй байна. Чухам ийм үед хүүхэд багачууд, эцэг эхчүүд та бүхэн дор бүрнээ хичээцгээн, дүрэм журмаа ягштал баримтлан урьд өмнөхөөсөө ч улам илүү хичээн суралцах хариуцлагатай цаг үе гэдгийг ухамсарлаарай.
Орхон аймгийн Засаг даргын үндэсэн чиглэл, үйл ажиллагааны хөтөлбөрт “Хүний хөгжилд” чиглэсэн бодлогууд шат дараатайгаар хэрэгжиж байна. Үүний нэг хэсэг нь боловсрол, ирээдүй хойч үеийнхэнд чиглэгдсэн төсөл, хөтөлбөр юм. Тухайлбал, бид “Багш” дэд хөтөлбөрийг 4 дэхь жилдээ амжилттай хэрэгжүүлэн ажиллаж байна. 
       Багш нарын ажиллах орчин нөхцөл сайжруулах,  шинээр  цэцэрлэг сургуулийг барьж ашиглалтад оруулах талаар анхааран ажиллаж байна. Одоогийн байдлаар манай аймагт 2 цэцэрлэг, 5 өргөтгөлийн барилга шинээр ашиглалтад ороход бэлэн болоод байна.
Шинэ хичээлийн жилийн хонхны дуу хүүхэд, багачууд, залуус та бүхний их мөрөөдөл, зориг, итгэлийн тань түүчээ байх болтугай.
       Та бүхэнд 2020-2021 оны хичээлийн шинэ жилийн баярын мэндчилгээ дэвшүүлж, ажлын амжилт, сурлага, урлаг, спортын өндөр амжилт, сайн сайхан бүхнийг хүсэн ерөөе!
 
Орхон аймгийн Засаг даргын орлогч 
Сэмжидийн БАТЖАРГАЛ
 
2020-09-01

 

Холбоотой мэдээлэл

2018-05-03 3662
ОРХОН АЙМГИЙН ЗАСАГ ДАРГЫН МЭНДЧИЛГЭЭ

Шударга үнэний дуу хоолой болсон эрхэм сэтгүүлчид, хэвлэл мэдээллийн ажилтнууд аа!

2016-07-20 17380
Орхон аймгийн Засаг дарга Дамбын Батлут

Дамбын Батлут Төгссөн сургууль: 1999-2002 онд Ш.Отгонбилэгийн нэрэмжит Технологийн сургуулийг цахилгааны ...

2020-11-26 956
МЭНДЧИЛГЭЭ

Орхон аймаг, Эрдэнэт хотын иргэд ээ!

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 11 Онлайн
  • 1345 Өнөөдөр
  • 2319 Өчигдөр
  • 13745 Долоо хоногт
  • 65736 Сүүлийн сард
  • 6432871 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар