А.АМАРЫН ХӨШӨӨНД ЦЭЦЭГ ӨРГӨЖ, ТӨРИЙН ДЭЭД ОДОН МЕДАЛЬ ГАРДУУЛЛАА

 Өнөөдөр  Монгол Улс Үндэсний тусгаар тогтнолоо сэргээсний 105 жилийн ойн өдөр тохиож байна. Энэ нь 105 жилийн өмнө Монголчууд Манж Чин гүрний дарлалаас ангижирч тусгаар улс болсон түүхэн өдөр юм. Тодруулбал, 1911 оны 12-р сарын 29-нд Монголчууд  тусгаар тогтнолоо зарласан төдийгүй VIII Богдыг шашин төрийг хослон баригч, хэмжээгүй эрхт хаанд өргөмжилсөн байна. Улмаар таван яам бүхий засгийн газрыг байгуулж, Богд хаант Монгол Улсыг байгуулсан. Үндэсний тусгаар тогтнолоо зарласны 105 жилийн ойн баярыг тохиолдуулж өнөөдөр УИХ-ын гишүүн О.Баасанхүү, АИТХ-ын дарга П.Пүрэвлхагва, Засаг дарга Д.Батлут тэргүүтэй албаны хүмүүс А.Амарын хөшөөнд цэцэг өргөж хүндэтгэл үзүүллээ. 

 

 


86 ХҮН ТӨРИЙН ДЭЭД ОДОН МЕДАЛЬ ХҮРТЛЭЭ
 
Түүнчлэн Үндэсний тусгаар тогтнолоо зарласны 105 жилийн ойн баярыг тохиолдуулж Монгол Улсын Ерөнхийлөгчийн зарлигаар нийт 86 хүнийг төрийн дээд одон медалиар шагнаж урамшууллаа. Тодруулбал, Хөдөлмөрийн гавьяаны улаан тугийн одонгоор 5, Цэргийн гавьяаны улаан тугийн одонгоор 2, Алтан гадас одонгоор 44 хүн, Хөдөлмөрийн хүндэт медалиар 34 хүн, Цэргийн хүндэт медалиар 2 хүнийг тус тус шагнасан юм. Мөн Орхон аймгийн Хүндэт тэмдгээр 47, Оны тэргүүний ажилтнаар 9, Засаг даргын жуух бичгээр 200 гаруй хүнийг шагнаж урамшуулсан.Түүнээс гадна оны онцлох аж ахуйн нэгжийн шагналыг гурван байгууллагад олголоо. Энэ оноос эхлэн аймгийн Засаг дарга Оны шилдэг аж ахуйн нэгжүүдийг шалгаруулж цом, өргөмжлөл, гурван сая төгрөгөөр урамшуулахаар болсон. Энэхүү эрхэм хүндтэй шагналыг "Эрдэнэт текс" ХХК, "Эрдмийт" ХХК, "ОТК" ХХК, "Сүмийн нуга" хоршоо, "Жүр үр" ХХК-ийн Эрдэнэт салбарын хамт олон хүртсэн. Дээрх ААН-үүд нь сүүлийн гурван жилийн турш бүтээгдэхүүн үйлдвэрлэлт, ажлын байрны тоо, татвар төлөлт зэрэг үзүүлэлтээ  өсөлттэй байлгаж чадсан амжилтыг нь ийнхүү орон нутгийн төр захиргааны байгууллагаас өндрөөр үнэлж аймгийн Шилдэг аж ахуйн нэгжээр өргөмжилж байгаа юм. 
 
 
 
 
 
 
 
 
 
 
 
 
 
 
 

 

Холбоотой мэдээлэл

2016-11-24 2200
Хот байгуулалт барилга захиалагчийн албаны танилцуулга

Хот байгуулалт барилга захиалагчийн алба

2016-09-07 5273
1945 оны Чөлөөлөх дайнд оролцож байсан ахмад дайчдад хүндэтгэл үзүүллээ

Манай аймагт 1945 оны Чөлөөлөх дайн, 1940-1946 онд Улсын баруун хилийн зэвсэгт тулгаралтанд оролцож ...

2015-12-02 6746
Хөгжлийн бэрхшээлтэй иргэдийн эрхийг хамгаалах олон улсын өдрийг тэмдэглэн өнгөрүүлж байна

НҮБ-ын ерөнхий ассамблейгаас жил бүрийн 12 дугаар сарын 03-ны өдрийг Хөгжлийн бэрхшээлтэй иргэдийн эрхийг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.89.204.127
2021-01-03-ний өдрөөс хойш.
  • 11 Онлайн
  • 1030 Өнөөдөр
  • 1828 Өчигдөр
  • 15258 Долоо хоногт
  • 67249 Сүүлийн сард
  • 6434384 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1049

Facebook

Цаг агаар