БНХАУ-ын аж ахуйн нэгжүүд “Аж үйлдвэрийн парк” байгуулах төсөлд хамтрах саналаа илэрхийлжээ

       Энэ сарын 3-5-ны өдрүүдэд БНХАУ-ын Эрээн хотод болсон “ОХУ, БНХАУ, Монгол Улсын худалдаа, эдийн засгийн хамтын ажиллагаа”-ны чуулга уулзалтад аймгийн Засаг даргын орлогч тэргүүтэй албаны хүмүүс оролцоод ирлээ. Айлчлалын  бүрэлдэхүүнд ЗДТГ-ын Гадаад харилцааны бодлого, зохицуулалт хариуцсан ажилтан Ц.Ганбаяр, АИТХ-ын Төсөв, санхүүгийн хөгжлийн хорооны дарга С.Ганцогт, Орхон аймаг дахь ХАҮТ-ын дарга М.Ганбат болон бизнес эрхлэгчдийн төлөөлөл багтсан юм.


       Уг хуралдаанд гурван улсын төр, бизнесийн байгууллагын төлөөллөөс бүрдсэн 400 гаруй хүн оролцсон юм. Энэ үеэр Засаг даргын орлогч А.Түвшинжаргал Орхон аймагт “Аж үйлдвэр технологийн парк” байгуулах төслийг танилцуулсан. Тэрээр “Манай аймагт Аж үйлдвэр технологийн парк байгуулах газар, эрх зүйн орчин бүрдсэн. Тиймээс энэ төсөлд хөрөнгө оруулалт хийх байгууллагуудтай нээлттэй хамтран ажиллах болно” гэдгээ илэрхийлсэн юм. Үүний дараа  БНХАУ-ын хэд хэдэн аж, ахуйн нэгж байгууллага хамтран ажиллах сонирхлоо илэрхийлж манай аймагт зочлохоор боллоо.  Хэрэв тус парк ашиглалтад орвол Орхон аймагт 5000 иргэн шинээр ажлын байртай болох боломжтой юм.


      “Гурван улсын эдийн засгийн хамтын ажиллагааны чуулга” уулзалтын үеэр  БНХАУ-ын Эрээн хотын даргатай орон нутгийн удирдлагууд уулзаж нийтийн тээвэр, хот тохижилт,  боловсрол, эрүүл мэндийн салбарын хамтын ажиллагааг шинэ төвшинд хүргэх боломжтой хэмээн үзжээ. Үүний хүрээнд Эрээн хотын  сургуулиудад манай аймгийн сурагчид суралцах,  эмч мэргэжилтнүүд туршлага судлах,  тоног төхөөрөмж нийлүүлэх боломжтой болох аж.


 Хэвлэл мэдээлэл, Олон нийттэй харилцах алба
 

 

Холбоотой мэдээлэл

2016-08-18 3324
Засаг даргын орлогч А.Түвшинжаргал: Иргэд төрийн үйлчилгээг нэг дороос хүртэх боломжийг хангана

Аймгийн Засаг даргын орлогч А.Түвшинжаргал Монголын Үндэсний Олон нийтийн Радиод өвөлжилтийн бэлтгэл ...

2017-05-12 6593
А.ТҮВШИНЖАРГАЛ: “ЭРДЭНЭТЧҮҮД ЭРДЭНЭТЧҮҮДДЭЭ ХАЙРТАЙ” ДЭД ХӨТӨЛБӨРИЙН ХҮРЭЭНД 2000 ГАРУЙ ИРГЭНИЙГ АЖЛЫН БАЙРТАЙ БОЛГОНО

Аймгийн Засаг дарга Д.Батлутын 2016-2020 оны үйл ажиллагааны хөтөлбөр төлөвлөгөөнд 18 дэд хөтөлбөр батлан ...

2015-09-25 2158
Аймгийн Засаг даргын зөвлөлийн 2015 оны XVIII хуралдаан боллоо

Ээлжит XVIII хуралдаанаар доорх асуудлуудыг хэлэлцлээ.

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.90.49.108
2021-01-03-ний өдрөөс хойш.
  • 10 Онлайн
  • 738 Өнөөдөр
  • 1638 Өчигдөр
  • 2376 Долоо хоногт
  • 69786 Сүүлийн сард
  • 6436921 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1049

Facebook

Цаг агаар