ХҮҮХДИЙН ЭМНЭЛЭГ ХЭВИЙН АЖИЛЛАЖ ЭХЭЛЛЭЭ

БОЭТ-ийн Захирал Ц.Наран-Эрдэнэ өнөөдөр сэтгүүлчдэд цаг үеийн асуудлаар мэдээлэл өглөө.

            Орхон аймгийн БОЭТ-ийн 2018 онд ашиглалтад ороод байсан Хүүхдийн эмнэлгийг Короновирусийн үеийн нөхцөл байдлаас шалтгаалан тодорхой хугацаанд короновирусийн халдвар авсан хүмүүсийг эмчлэх эмнэлэг хэлбэрээр ашиглаж байсан.
            Тэгвэл БОЭТ-ийн халдвартын тасгийн барилгын ажлын засвар дууссан, сүүлийн үед Короновирусийн халдвар буурч байгаа тул Хүүхдийн эмнэлгийн энэхүү барилгыг зориулалтын дагуу 3 үе шат бүхий ариутгал халдваргүйжүүлэлтийг шат дараатайгаар хийж дуусган маргаашаас эхлэн Хүүхдийн эмнэлэгийн үндсэн зориулалтаараа ажиллаж эхлэх гэж байна.
            Мөн сүүлийн үед томуу томуу төст өвчний дэгдэлт нэмэгдэж өмнөх 7 хоногоос 29.9 тохиолдлоор, өмнөх оны мөн үеээс 12.3 тохиолдлоор, сүүлийн 3 жилийн дунджаас 24.5 тохиолдлоор их байна. Томуу томуу төст өвчний нийт тохиолдлын 64.9 хувь нь 0-15 насны хүүхдүүд эзэлж байна. Ялангуяа 4 хүртэлх насны хүүхдүүд энэ жил томуу томуу төст өвчин нь гэдэсний гүйлгэлт суулгалт буюу ротовирусын халдвартай хавсарч байгаа нь эмч нарыг сэтгэлийг түгшээж байгаа аж.
            Ротавирус нь улирал харгалзахгүй идэвхтэй халдварладаг ба 9-1 дүгээр сарын хооронд идэвхжил хамгийн өндөр байдаг байна.
Ротовирусийн халдварт суулгалт нь таваас доош насны хүүхдийн өвчлөл, эндэгдлийн зонхилох шалтгааны нэг бөгөөд дэлхий дээр жилд 200 мянган хүүхэд тус өвчнөөс болж эндэж, олон мянган хүүхэд эмнэлэгт хэвтэн эмчлүүлж байна.
     Ротовирусийн үе хүүхэд бөөлжих, усархаг зүйлээр суулгах, халуурах шинж тэмдэг илэрдэг. Халдвараас сэргийлэхийн тулд гараа зааврын дагуу тогтмол зөв угаах, гэр бүлдээ хувийн ариун цэвэр сайн сахих шаардлагатай байдаг. Ротавирус нь гадаад орчинд 9-19 хоног амьдрах ба бохир гар, халуун амьсгалаар дамжин халдварладаг. ДЭМБ-аас манай орныг Ротавирусийн вакциныг товлолт дархлаажуулалтдаа оруулахыг зөвлөсөөр байгаа.
      2020 оны байдлаар дэлхийн 80 орчим улсад Ротавирусийн вакциныг товлолт вакцин болгожээ. Ротовирусийн вакцинд хамрагдсанаар хүүхэд насан туршийн дархлаатай болдог.
 
Мэдээллийн төв
 

 

Холбоотой мэдээлэл

2020-12-05 743
ӨНӨӨДӨР ХӨВСГӨЛ АЙМГИЙН 177 ИРГЭН НУТАГ БУЦНА

Орхон аймгаас гарах иргэдийг www.erdenet.mn цахим хуудсаар бүртгэн авч байгаа бөгөөд өчигдөр 20:00 цагийн ...

2014-11-07 3552
Салбарын сургалт зохион байгууллаа

Мэргэжлийн хяналтын ерөнхий газрын нэгдсэн төлөвлөгөөний дагуу Орхон аймгийн нутаг дэвсгэрт газрын тосны ...

2020-09-02 1250
ЗАСАГ ДАРГЫН ЗӨВЛӨЛ ХУРАЛДЛАА

Орхон аймгийн Засаг даргын зөвлөлийн 2020 оны 8-р хуралдаан өнөөдөр хуралдлаа.

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.80.249.22
2021-01-03-ний өдрөөс хойш.
  • 11 Онлайн
  • 935 Өнөөдөр
  • 1344 Өчигдөр
  • 7118 Долоо хоногт
  • 27731 Сүүлийн сард
  • 6523117 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар