ШИНЖЛЭХ УХААН, ИННОВАЦИЙГ ХЭРЭГЖҮҮЛЭГЧ БАЙГУУЛЛАГУУДЫН ХАМТЫН АЖИЛЛАГАА УЯЛДАА ХОЛБООГ САЙЖРУУЛАХ ШААРДЛАГАТАЙ БАЙНА

Өнөөдрийн эдийн засгийн форумд УИХ-ын гишүүд, Элчин сайдын яамд, Орхон аймгийн ИТХ-ын дарга, төлөөлөгчид, аймгийн удирдлагууд, ЗДТГ-ын албан хаагчид, хэлтэс, агентлагийн дарга нар, МУ-ын ЗГХЭГ-ын төлөөлөгчид, Үндэсний хөгжлийн газрын дарга, мэргэжилтнүүд, НҮБ, БСШУЯ, Германы хамтын ажиллагааны GIZ төсөл, Эрдэнэт үйлдвэр ТӨҮГ-ын удирдлага, албан тушаалтнууд, хөрөнгө оруулагчид, эрдэмтэн, судлаачид, 7 аймгийн ЗДТГ-ын удирдлага, мэргэжилтнүүд, аж ахуйн нэгж, бизнес эрхлэгчид зэрэг танхимаар болон цахимаар нийт 670 хүн холбогдоод байна.

Үдээс хойш Орхон аймгийн Нутгийн удирдлагын ордны хурлын танхимд “Технологи ба инноваци” салбар хэлэлцүүлэг боллоо.
            Модератороор “Эрдэнэт ШУТП ОНӨХК-ийн захирал Ш.Энхбаяр ажиллав. Хэлэлцүүлгийн эхэнд ШУТИС-ийн Эрдэнэт цогцолбор сургуулийн дэд захирал Ц.Төгсбуян тус сургуулиас хийж хэрэгжүүлж байгаа эрдэм шинжилгээ, судалгааны ажлын тоймын талаар илтгэл танилцууллаа. Тухайлбал, ШУТИС-ийн Эрдэнэт цогцолбор сургуулийн оюутны байрыг сэргээгдэх эрчим хүчээр хангах судалгаа хийгдсэн бөгөөд одоогийн байдлаар өдөр бүр 20-25 киловатт цахилгаан эрчим хүчийг нарны үүсгүүрээс гарган авч байгаа аж. Түүнчлэн “Эрдэнэт үйлдвэр” ТӨҮГ-ын Хаягдлын аж ахуйн далангийн цагаан шорооноос галд тэсвэртэй керамик материал гарган авах туршилт судалгаа, Хаягдлын аж ахуйн цагаан тоосны тархалтын судалгаа, Хуримтлагдсан хог хаягдлыг дахин боловсруулах судалгаа, Зэс молибденыг дахин боловсруулах гэх мэт шинжилгээ судалгаа нь олны анхаарлыг татаж байлаа.
            Түүнчлэн тус сургуулийн багш нар болон “Эрдэнэт үйлдвэр” ТӨҮГ-ын зарим ажилтан ажиллагсад Олон улсын эрдэм шинжилгээний санд нэвтрэх, сонирхсон материал, эрдэм шинжилгээний өгүүллүүдийг үнэ төлбөргүй татан авах эрхтэй болжээ.
            Үүний дараа  Шинжлэх ухаан, технологийн сангийн хэлтсийн дарга Э.Бат-Эрдэнэ тус сангийн талаар танилцуулга хийлээ. Монгол улсын Засгийн газрын 1993 оны 12 дугаар сарын 24-ний өдрийн 192-р тогтоолоор Шинжлэх ухаан, технологийн санг үүсгэн байгуулсан байдаг.
            Тус сан нь ахисан төвшний бүтээлч судалгааг тогтмол санхүүжүүлэх замаар Монгол улсын тогтвортой хөгжилд хувь нэмрээ оруулах зорилготой юм. Цаашид манай аймагт эрдэм шинжилгээний туршилт судалгаа хийдэг байгууллага, эрдэмтэд тус сантай хамтран ажиллах боломжтой юм.
            Хэлэлцүүлгийн үеэр Эрдэнэт ШУТП ОНӨХК-ийн захирал Ш.Энхбаяр мөн ШУТП-д хэрэгжүүлж буй төсөл, шинжилгээ судалгааны ажлынхаа талаар товч мэдээлэл хийлээ.
            Хэлэлцүүлгийн төгсөлд хуралд оролцогчдын зүгээс дараах санал, зөвлөмжийг гаргаж орон нутгийн удирдлагууд болон холбогдох яам байгууллагуудад илгээхээр боллоо. Үүнд:
1.    Орон нутагт технологи, инноваци хөгжүүлэх хүний нөөц бэлтгэх тал дээр анхаарч ажиллах
2.    Орон нутгийн төвшинд технологи, инноваци шинээр бий болгох орчин үеийн судалгааны лаборатори байгуулах
3.    БСШУЯ-ны Шинжлэх ухаан, технологийн сангийн хөрөнгөөр орон нутгийн судалгааны ажлыг хийлгэдэг болоход анхаарах, орон нутгийн бизнес эрхлэгчид сангийн судалгааны ажлын гүйцэтгэгч болоход зуучлах
4.    Эрдэнэт цогцолбор дээд сургуультай хамтын ажиллагааг өргөжүүлэх, мөн дээд сургуулиар дамжуулан ШУТИС-ийн бусад бүрэлдэхүүн сургуулиудын судлаачид, лабораториуд, “Эрдэнэт үйлдвэр” ТӨҮГ-ын инженер, техникийн ажилтнуудтай технологийн салбарт хамтран ажиллах зэрэг болно.
 
Мэдээллийн төв
 
 
 
 
 
 
 
 

 

Холбоотой мэдээлэл

2017-08-16 1118
СЭРЭМЖЛҮҮЛЭГ

Үер усны үед халдварт өвчнөөс сэргийлэн хувийн ариун цэврийг сахиж гарыг тогтмол савандаж угааж хэвших, ...

2014-05-03 1954
МЭРГЭЖЛИЙН ХЯНАЛТЫН ГАЗРЫН ДОЛОО ХОНОГИЙН МЭДЭЭ /2014.04.28-05.02/

Эрүүл ахуй, халдвар судлал Байгаль орчин, аялал жуулчлал Барилга Хэмжил зүй Авто зам Хөдөлмөрийн ...

2014-06-14 2222
“Бид-Эрдэнэтийнхэн” арга хэмжээ эхэллээ

Орхон аймгийн ЗДТГ, “Эрдэнэт үйлдвэр” ХХК, Улаанбаатар хот дахь “Эрдэнэт” нутгийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.211.101.93
2021-01-03-ний өдрөөс хойш.
  • 8 Онлайн
  • 231 Өнөөдөр
  • 1539 Өчигдөр
  • 231 Долоо хоногт
  • 10934 Сүүлийн сард
  • 6449208 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар