СУРАГЧДАД ГАР УТАС ГАРДУУЛАН ӨГЛӨӨ

Мобиком корпораци, Дэлхийн зөн” ОУ-ын байгууллага хамтран нийгмийн хариуцлагын хүрээнд хүүхдийн боловсролыг дэмжих, тэгш, хүртээмжтэй байдлыг хангах зорилготой “SMART EDUCATION” төслөө эхлүүлж байгаа бөгөөд энэ төслийн хүрээнд өнөөдөр Орхон аймгийн ЗДТГ-ын Ёслол хүндэтгэлийн өргөөнд 11 сурагчид Samsung Galaxy M12 гар утас, бүтэн жилийн дата эрхтэй шинэ дугаар гардуулан өглөө.

    Энэ төслийн хүрээнд нийслэлийн 9 дүүрэг 21 аймагт нийтдээ 1500 сурагчид гар утас бэлэглэхээс манай аймгийн 40 орчим сурагчид гар утас бэлэглэх юм.
 
       Ковид-19 цар тахлын улмаас бүх шатны сургуулиудын тэнхимийн үйл ажиллагаа зогсож, хичээл сургалтын хөтөлбөр цахим хэлбэрт шилжээд байв. Үндэсний статистикийн хорооны судалгаагаар 2020 онд тухайн хичээлийн жилийн сургалтын нийт хугацааны 47%-д цахимаар хичээллэсэн бол 2021 онд аймаг, орон нутагт 62%-тай, нийслэлд 68%-тай тэнцэхүйц  хугацаанд зайнаас хичээллэсэн байна. Энэ жилийн хувьд танхимын болон зайн сургалтыг хослуулж 5 хоног танхимаар, 9 хоног цахимаар ээлжлэн хичээллэх шийдвэр гарсан.
     Улс орны хэмжээнд интернэтгүй, гэрэл цахилгаангүй, гэр бүлийн орчинд нь техникийн боломж нөхцөл бүрдээгүй зэрэг шалтгаанаар цахим хичээлээ үзэж чадахгүй 180 мянга орчим сурагч байна гэсэн судалгаа гарч байв. . Эдгээр хүүхдүүд сурах чин хүсэл эрмэлзэлтэй ч техник технологийн хүртээмжгүй байдлаас шалтгаалан үе тэнгийнхнээсээ тусгаарлагдах, хичээлийн хоцрогдолд орох зэрэг асуудлууд гарч байна.   
      Чухам энэ цаг үед Ерөнхий Боловсролын Сургуулийн зорилтот бүлгийн сурагчдад технологийн дэмжлэг үзүүлэхэд энэ төслийн гол зорилго чиглэгдэж байгаа юм.
     Тус төсөлд хамрагдсан сурагчид жилийн турш ашиглах V00 үйлчилгээний багц, Academy дата багц, жилийн турш сар бүр идэвхжих 3GB дата багц, аав ээжтэйгээ үнэгүй ярьдаг STARS үйлчилгээнд мөн хамрагдаж байна.
 
Мэдээллийн төв
 
 
 
 
 
 
 

 

Холбоотой мэдээлэл

2014-05-18 3081
Газрын харилцаа барилга хот байгуулалтын газрын долоо хоногийн ажлын мэдээ /2014.05.12-16/

Газрын төлбөр, үнэлгээний чиглэлээр: · Газар эзэмшиж, ашиглаж буй 248 иргэн, хуулийн ...

2014-10-15 1603
Орхон аймаг улсад түрүүллээ

Эдийн засгийн бодлого, өрсөлдөх чадварын судалгааны төвөөс аймгийн өрсөлдөх чадварын хоёр дах тайланг ...

2014-07-18 5282
Бурхан багшийн сэрэг дүрийн гагнуурын ажил 30 хувьтай явж байна

Бурхан багшийн сэрэг дүрийн сэргээн засварлах ажил одоогийн байдлаар гагнуурын ажил эхлээд 30 хувьтай ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.211.101.93
2021-01-03-ний өдрөөс хойш.
  • 11 Онлайн
  • 248 Өнөөдөр
  • 1539 Өчигдөр
  • 248 Долоо хоногт
  • 10951 Сүүлийн сард
  • 6449225 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар