ЗАСАГ ДАРГА ЖАРГАЛАНТ СУМАНД АЖИЛЛАЛАА

 Орхон аймгийн Засаг дарга С.Батжаргал өнөөдөр Жаргалант суманд ажиллалаа.

            Өвөлжилтийн бэлтгэл ажлын хүрээнд хийгдэж байгаа ажлууд болон тус сумын өмнө тулгамдаад байгаа асуудлуудын талаар энэ үеэр ярилцаж газар дээр нь шийдвэр гаргалаа.
            Жаргалант суманд Засаг даргын Хот байгуулалт дэд бүтцийн асуудал хариуцсан орлогч М.Түмэнжаргал, ЗДТГ-ын Хөрөнгө оруулалт, хөгжлийн бодлого төлөвлөлтийн хэлтсийн дарга С.Даваадорж, Хотын захирагчийн албаны инженер Б.Одгэрэл, ХББЗА-ны дарга Ц.Баяржаргал, ХХААГ-ын дарга Ж.Бат-Өлзий болон бусад албаны хүмүүс хамт ажиллав.
            2014 оноос хойш олны хэл аманд өртөөд байгаа Жаргалант суман дахь ЭКО хорооллыг цаашид хэрхэх талаар энэ үеэр яригдав. Анх 2013 онд Жаргалант суманд 100 айлын ЭКО хороолол барих шийдвэр гарч орон нутгийн хөрөнгө оруулалтаар цахилгаан дамжуулах агаарын шугамыг “Баян тогтоц” ХХК 87 сая, газар доорхи инженерийн шугам сүлжээг “Комфорт-импекс” ХХК нь 2013 онд 1 тэр бум 395 сая төгрөгөөр хийж гүйцэтгэсэн ч өнөөдөр тус хороололд ердөө 5 айл л амьдарч байна. Учир нь ийнхүү төрийн мөнгөөр инженерийн дэд бүтэц хийсэн ч өөр нэг хувийн компани хашаа барьж иргэдэд худалдан борлуулсан одоогоор 9 айл нь л гэрчилгээгээ гаргуулж авч чадсан бөгөөд бусад иргэд нь тухайн компаниас болж өнөөдрийг хүртэл хохирсон хэвээр байна.
            Мөн Жаргалант сумын хойд хорооллын нөөцийн усан санг мөн 2013 онд хийсэн боловч өнөөдрийг хүртэл ашиглах боломжгүй байгаа юм. Учир нь нөөцийн усан сангаас 180 өрхрүү 1238 метр цэвэр усны шугам татах ажлыг “Аварга соёо” ХХК нь 2013 оны намар хийж гүйцэтгэсэн боловч шугам хоолойг хувцанцар материалаар хийсэн, өвлийн улиралд хөрсний хөлдөлтийн гүнд байгаа, усны алдагдал гардаг зэрэг чанаргүй ажлууд байна. Мөн Жаргаланд суманд 2016 оны хавар 270 сая төгрөгөөр “Хуйвт уул констракшн” 505 тоннын багтаамжтай байцааны зоорийг 505 сая төгрөгөөр барьсан нь ч мөн өнөөдрийг хүртэл ашиглах боломжгүй байгаа юм. Эдгээр төсвийн хөрөнгөөр барьсан ч ашиглах боломжгүй болсон эдгээр барилга, объектуудыг цаашид хэрхэх талаар ярилцаж шийдвэр гаргахаар боллоо.
            Жаргалант суманд шинээр ашиглалтад орсон технологийн уур гаргадаг, 3 зуух бүхий шинэ уурын зуухны үйл ажиллагаатай газар дээр нь очиж ажиллан цаашид ХАБЭА-г сайтар хангаж ажиллах, технологийн горимын зүгшрүүлэлтийг сайтар хийх талаар үүрэг даалгавар өгсөн.
            Мөн технологийн уур үйлдвэрлэдэг өндөр хүчин чадал бүхий уурын зуухтай болсон учир Жаргалант суманд Агро паркийг хөгжүүлж жилийн 4 улиралд ургац авах боломж бүхий хүлэмжийн аж ахуйг хөгжүүлэхийг зорьж байгаа. Түүнчлэн мах сүүний чиглэлийн фермерийн аж ахуйг бодлогоор дэмжих юм.
            Өндөр хүчин чадалтай шинэ уурын зуух ашиглалтад орсноор Жаргалант суманд иргэд олноор очиж суурьших,  шинээр барилга, объект орон сууцны хороолол барих бүрэн боломжтой болж байгаа тул цэвэрлэх байгууламжийн асуудлыг шийдвэрлэх шаардлага зүй ёсоор тулгарч байна. 2022 оны төсөвт энэ асуудлыг шийдвэрлэхээр боллоо.
 
Мэдээллийн төв
 
 
 
 
 

 

Холбоотой мэдээлэл

2017-06-02 1986
ХОХИРОГЧ ХАМГААЛАХ БАЙРААР ҮЙЛЧЛҮҮЛЭГСДИЙН 64 ХУВЬ НЬ ХҮҮХЭД

Аймгийн Гэмт хэргээс урьдчилан сэргийлэх ажлыг зохицуулах зөвлөл өнгөрсөн сарын 31-нд хуралдаж гэр бүлийн ...

2016-08-17 1579
Цэцэрлэгт хүүхдүүдээ бүртгүүлэх эцэг эхчүүдийн анхааралд

Хүүхдийн цэцэрлэгийн үйл ажиллагаа эхлэх гэж байгаатай холбогдуулан 8 дугаар сарын 15-ны өдрөөс эхлэн ...

2014-04-06 2308
МЭРГЭЖЛИЙН ХЯНАЛТЫН ГАЗАР /2014.03.31-04.04/

Төлөвлөгөөт бус шалгалт: - Төмс хүнсний ногоо, жимс жимсгэнийн чанар байдалд хяналт шалгалт хийх ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.211.101.93
2021-01-03-ний өдрөөс хойш.
  • 4 Онлайн
  • 222 Өнөөдөр
  • 1539 Өчигдөр
  • 222 Долоо хоногт
  • 10925 Сүүлийн сард
  • 6449199 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар