ДЭД БҮТЦИЙН АЖЛУУД УДААШРАЛТАЙ БАЙГАА ГАЗРУУДАД ХОЛБОГДОХ БАЙГУУЛЛАГУУД АЖИЛТНАА ЗОГСООЖ ХЯНАЛТ ТАВИУЛАХ ҮҮРЭГ ӨГӨВ

Аймгийн Засаг даргын шуурхай хуралдаан халдвар хамгааллын дэглэм баримтлах үүднээс цахимаар зохион байгуулагдаж байсан бол өнөөдөр төрийн байгууллагын дарга удирдлагуудыг оролцуулан хүүхдийн ордонд танхимаар зохион байгуулагдлаа. 
     Шуурхай хуралдааны эхэнд аймгийн Засаг даргын дэргэдэх захиргааны байгууллагуудын 2020 оны үйл ажиллагаанд хийсэн хяналт, шинжилгээ үнэлгээний үр дүнгээр тэргүүлсэн төрийн байгууллагуудад шагналыг нь гардуулан өглөө. Нийт таван байгууллага шалгарсан бөгөөд Б.Туул даргатай статистикийн хэлтэс, Ж.Бат-Өлзий даргатай ХХААГ, Б.Цэвээнсүрэн даргатай татварын хэлтэс, хурандаа Г.Ганбаатар даргатай ОБГ, С.Жаргалсайхан даргатай БОАЖГ тэргүүлж өргөмжлөл тус бүр 3 сая төгрөгийн мөнгөн шагналаар шагнагдлаа. 
     Шуурхай хуралдааныг аймгийн Засаг дарга С.Батжаргал удирдан явуулж Хотын захирагчийн албаны дарга С.Ганцогт, Баян-Өндөр, Жаргалант сумдын Засаг дарга нар мэдээлэл хийлээ. 
    Аймгийн хэмжээнд 18 байршилд инженерийн шугам сүлжээтэй холбоотойгоор авто зам сэтэлсэн бөгөөд өнөөдрийн байдлаар 8 байршилд засвар хийгдсэн байна. Энэ долоо хоногт зам сэтэлгээний засварын ажлыг бүрэн дуусгах талаар мэдээлэл хийлээ. Үүнээс гадна өнөөдрийн байдлаар 1510 метр квадрат замын нөхөөсийн ажил хийгдээд байна. 
     Инженерийн шугам сүлжээний ажлууд болон, зам сэтэлж ажил гүйцэтгэж байгаа газруудад өнөөдрөөс эхлэн холбогдох байгууллагуудаас хяналт шалгалт хийх ажилтнаа зогсоох үүрэг өглөө. Мөн  хувийн компаниуд ажил гүйцэтгэх явцдаа зөвшөөрөл аваагүйгээс үүдэж хаана хаана кабель болон, шугамын гэмтэл гаргаж байгаа талаар олон нийтэд мэдээлэл хийж байх талаар анхааруулсан юм.
    Түүнчлэн өнөөдрөөс эхлэн “Соёлыг түгээе” аян зохион байгуулагдаж байгаа бөгөөд дэд бүтцийн чиглэлийн байгууллагуудыг идэвхитэй оролцож, тодорхой үр дүн гаргахыг үүрэг болголоо. 
Мэдээллийн төв 

 

Холбоотой мэдээлэл

2014-10-28 1633
Аймгийн ИТХ-ын дарга Б.Мягмарсүрэн болон Засаг дарга Г.Зоригт тэргүүтэй хурал, захиргааны байгууллага Улаан-Үд хотод албан айлчлал хийлээ

Аймгийн ИТХ-ын дарга Б.Мягмарсүрэн болон Засаг дарга Г.Зоригт тэргүүтэй хурал, захиргааны байгууллага ...

2015-10-19 1920
“Дэлхийн статистикийн өдөр”-ийг угтан ерөнхий боловсролын сургуулийн ахлах ангийн сурагчдад таниулах сургалт хийлээ

“Дэлхийн статистикийн өдөр”-ийг угтан хэлтсээс зохион байгуулж байгаа төлөвлөгөөт ажлуудын ...

2021-01-05 997
“ТОГТВОРТОЙ ХӨГЖЛИЙН БОЛОВСРОЛ II” ТӨСӨЛ МАНАЙ АЙМГИЙН ДӨРВӨН СУРГУУЛЬД ХЭРЭГЖИНЭ

“Тогтвортой хөгжлийн боловсрол 2” төсөлд манай аймгийн 4-р сургууль, 5-р сургууль, 15-р сургууль, 14-р ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.211.101.93
2021-01-03-ний өдрөөс хойш.
  • 6 Онлайн
  • 220 Өнөөдөр
  • 1539 Өчигдөр
  • 220 Долоо хоногт
  • 10923 Сүүлийн сард
  • 6449197 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар