“ХОТЫН СОЁЛ- ХАМТЫН СОЁЛ” УРИАН ДОР ЗОХИОН БАЙГУУЛАГДАЖ БУЙ “СОЁЛЫГ ТҮГЭЭЕ” АЯНЫ НЭЭЛТ БОЛЛОО

Орхон аймгийн иргэд, хүүхэд залуусыг нийгмийн ёс зүйг дээдэлсэн, өөрийн хотын үнэт зүйлсээр бахархдаг, эерэг харилцаа хандлага бүхий ухамсарт зан үйл, соёлд суралцуулж, төрийн байгууллага, хувийн хэвшил болоод аж ахуйн нэгж байгууллагуудын байгууллагын соёлыг нэмэгдүүлэх зорилгоор зохион байгуулж буй “Соёлыг түгээе” аян өнөөдөр нээлтээ хийлээ.

     Орхон аймгийг хөгжүүлэх 5 жилийн үндсэн чиглэл, аймгийн Засаг даргын 2020-2024 оны үйл ажиллагааны хөтөлбөрт тусгагдсаны дагуу, аймгийн Засаг даргын санаачилгаар хэрэгжиж буй уг аян нь “Хотын соёл- Хамтын соёл” уриан дор 10-р сарын 11-ээс 11-р сарын 11-ний хооронд нэг сарын хугацаанд үргэлжилнэ.
     “Соёлыг түгээе” аяныг нээж аймгийн Засаг дарга С.Батжаргал үг хэлсэн бөгөөд нийтийн соёлыг дээшлүүлж, нийгмийг соён гэгээрүүлэх зорилготой уг аяны үйл ажиллагааг дэмжиж, идэвхтэй оролцохыг нийт иргэддээ уриаллаа.
     Аяны хүрээнд “Хотын соёлыг түгээе” зохиомжит гэрэл зургийн уралдаан, “Эрдэнэтийн хүмүүс” гэрэл зургийн үзэсгэлэн, төрийн захиргааны болон үйлчилгээний албан хаагчид, соёл урлагийн байгууллагын ажилтнуудад зориулсан соёлын төрөл бүрийн сургалтууд, хүүхэд залууст чиглэсэн төрөл бүрийн лекц, өдөрлөг зэрэг нийгмийн бүхий л салбарт чиглэсэн 30 гаруй арга хэмжээг зохион байгуулна.
     Аяны эхлэл болж өнөөдөр номын соёлыг түгээх чиглэлээр үйл ажиллагаа явуулдаг “Номын соёлт ертөнц” ТББ болон бусад аж ахуйн нэгж байгууллагуудтай хамтран Номын баярын арга хэмжээ Амарын талбайд болж байна. Хоёр өдрийн турш үргэлжлэх номын баярт шинээр хэвлэгдэн гарч буй номын нээлтүүд, зохиогчийн гарын үсэгтэй болон хямдралтай номын худалдаа, Орхон, Булган, Дархан, Сэлэнгэ аймгуудын зохиолчдын уулзалт зөвлөгөөн болно.
    Номын баярын үйл ажиллагаанд Улаанбаатар хот болон бусад орон нутгаас 60 гаруй уран бүтээлч хэвлэн нийтлэгч, ном сонирхогчид оролцож байгаа бөгөөд Орхон аймгийн зохиолч, уран бүтээлчидтэй нийлээд нийт 80 гаруй уран бүтээлч бүтээлээ дэлгэн тавьжээ.
Мэдээллийн төв
 
 
 
 
 
 
 

 

Холбоотой мэдээлэл

2015-07-20 2628
Хүнсний чиглэлийн үйл ажиллагаа эрхлэгчдэд зөвлөмж

Хүнсний чиглэлийн үйл ажиллагаа эрхлэгч “Хүнсний бүтээгдэхүүний аюулгүй байдлыг хангах тухай” ...

2014-11-18 1862
Бодлогын хяналт шинжилгээ (ХШ), Гүйцэтгэлийн үнэлгээ

1. Логик хөтөлбөрийн загварууд - Логик хөтөлбөрийн загварчлал нь тухайн хөтөлбөрийн гүйцэтгэлийн харилцан ...

2014-06-17 1765
СТАНДАРТЧИЛАЛ ХЭМЖИЛЗҮЙН ХЭЛТСИЙН МЭДЭЭ

Хэмжих хэрэгсэл баталгаажуулалтын чиглэлээр хуваарийн дагуу гэрээт байгууллага “Эрдэнэт-Ус ДТС” ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.211.101.93
2021-01-03-ний өдрөөс хойш.
  • 9 Онлайн
  • 239 Өнөөдөр
  • 1539 Өчигдөр
  • 239 Долоо хоногт
  • 10942 Сүүлийн сард
  • 6449216 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар