БОЛОВСРОЛ, ШИНЖЛЭХ УХААНЫ ДЭД САЙД Г.ГАНБАЯРААР АХЛУУЛСАН АЖЛЫН ХЭСЭГ МАНАЙ АЙМАГТ АЖИЛЛАЖ БАЙНА

Боловсрол, Шинжлэх ухааны дэд сайд Г.Ганбаяраар ахлуулсан ажлын хэсэг өнөөдөр манай аймагт ажиллаж байна. Тус ажлын хэсэг өглөө аймгийн ЗДТГ-т ажиллаж орон нутгийн удирдлагууд болон холбогдох алба хэлтсийн дарга нартай уулзалт хийлээ. Уулзалтын үеэр аймгийн БСУГ-ын дарга О.Ариунгэрэлт цаг үеийн мэдээлэл болон  Орхон аймагт хэрэгжүүлж эхлээд буй төсөл хөтөлбөрүүдийг танилцуулсан.

            Түүнчлэн аймгийн Засаг даргын орлогч А.Түвшинжаргал манай аймагт хэрэгжиж буй “Багш” дэд хөтөлбөрийн хэрэгжилтийг танилцуулсан бол ЗДТГ-ын дарга Д.Соёлчхүү сургууль бүрд сурагчдын гутал хувцас болон, зарим хичээлийн хэрэглэлээ хийх зориулалттай шүүгээг тавьж өгөхөд нийт 900 гаруй сая төгрөг шаардлагатай байгаа зэрэг тодорхой саналуудыг танилцууллаа. Мөн Монгол улсын Ерөнхий сайд Л.Оюун-Эрдэнэ өмнө нь манай аймагт ажиллах үеэр цэцэрлэгийн багш нарыг гурван ээлжээр ажиллуулах саналыг аймгийн удирдлагуудын зүгээс танилцуулсан бөгөөд үүнийг яаралтай шийдвэрлэх талаараа БШУ-ны дэд сайд Г.Ганбаяр амлалаа.
            Түүнчлэн аймгийн Засаг дарга С.Батжаргалын санаачилгаар сургууль бүрт сурагч хөгжлийн танхим байгуулахаар ажиллаж байгаа билээ.  
            Дараа нь Боловсрол, Шинжлэх ухааны дэд сайд Г.Ганбаяраар ахлуулсан ажлын хэсэг 1-р сургуулийн өргөтгөлийн ажилтай газар дээр нь  очиж танилцлаа.
Тус өргөтгөлийн барилга Улсын төсвийн 4,3 тэрбум төгрөгний хөрөнгө оруулалтаар 2018 оноос баригдаж эхэлсэн ч ажил удаашралтай байгаа. Барилгын гүйцэтгэгчээр “Немон констракшн” ХХК ажиллаж байгаа бөгөөд энэ оны 12-р сард ашиглалтад оруулна хэмээн компанийн инженерүүд ярьж байна.
920 сурагчийг хүлээн авах хүчин чадалтай 3 давхар энэхүү сургуулийн барилгын чанарын асуудал дээр анхаарч, хугацаанд нь хүлээлгэн өгөхийг тус компанид, захиалагчийн хяналтыг сайтар тавихыг БЗХБА-нд Боловсрол, Шинжлэх ухааны дэд сайд Г.Ганбаяр тус тус үүрэг болголоо.
Боловсрол, Шинжлэх ухааны дэд сайд Г.Ганбаяр өнөөдөр үдээс хойш “Эрдэнэт үйлдвэр” ТӨҮГ-ын харъяа ШУТИС, МУИС-ын харъяа “Эрдэнэт” сургуульд тус тус ажиллаж багш оюутнуудын төлөөлөлтэй уулзах юм.
 
Мэдээллийн төв
 
 
 
 
 
 
 

 

Холбоотой мэдээлэл

2014-08-22 1673
Орхон аймгийн Цагдаагийн газраас мэдээлж байна.

Орхон аймгийн Цагдаагийн газрын 7 хоногийн мэдээлэл 2014 оны 08 дугаар сарын 15-21-ний хооронд

2018-08-15 2997
ОРХОН АЙМГИЙН ЗАЛУУЧУУДЫН ШИЛДЭГ БИЗНЕС САНААНД 10,000,000 ТӨГРӨГИЙН САНХҮҮЖИЛТ ОЛГОНО

ОРХОН АЙМГИЙН ЗАЛУУЧУУДЫН ШИЛДЭГ БИЗНЕС САНААНД 10,000,000 ТӨГРӨГИЙН САНХҮҮЖИЛТ ОЛГОНО

2014-11-18 1477
Орхон аймгийн Хөдөлмөрийн хэлтсийн нээлттэй хаалганы өдөрлөг болно

Орхон аймгийн Хөдөлмөрийн хэлтэс нь 2014.11.19-ны өдөр Хорооллын эцэст байрлах Төрийн захиргааны ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 26 Онлайн
  • 1212 Өнөөдөр
  • 1539 Өчигдөр
  • 1212 Долоо хоногт
  • 11915 Сүүлийн сард
  • 6450189 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар