НЭГ ӨРӨӨ БАЙРТАЙ АЙЛ САРД ОЙРОЛЦООГООР 70,000 ТӨГРӨГИЙН ХӨНГӨЛӨЛТ ЭДЭЛЖ БАЙНА

           

         Цар тахалтай холбоотойгоор өнгөрсөн онд гаргасан онцлох шийдвэрүүдийн нэг болох айл өрх аж ахуйн нэгжийн ус дулаан, тог цахилгаан хогны мөнгийг төрөөс даах болсон шийдвэр хүндхэн нөхцөлд байсан иргэдийн нуруун дээрээс том ачааг хөнгөлж чадсан. 

          Айл өрх, зарим аж ахуй нэгж байгууллагын цахилгаан, дулааны эрчим хүч, дулааны уур, цэвэр бохир ус, хог хаягдлын  үнийг төрөөс дааж тэрхүү санхүүжилтийг “Эрдэнэт Үйлдвэр” ТӨҮГ бүрэн хариуцах шийдвэр өнгөрсөн оны 12-р сарын нэгний өдрөөс хэрэгжиж эхэлсэн.

Урьдчилсан тооцооллоор улсын хэмжээнд 650 орчим тэрбум төгрөг зарцуулагдах төлөвлөгөө бий.
 
 
        Тэгвэл Эрдэнэт хотын хэмжээнд үйл ажиллагаа явуулж буй томоохон аж ахуйн нэгж болоод нэг өрх гэр хэчнээн төгрөгийн хөнгөлөлт эдэлж байгааг түүвэрчилсэн аргаар гаргасан судалгааг танд танилцуулъя.
 
        Нэг өрөө байрны 1 сарын дулааны мөнгө ойролцоогоор 21,669₮, цахилгааны төлбөр 30646₮, цэвэр бохир усны төлбөр 17,974₮ бөгөөд  нэг сард дунджаар 70,290 төгрөгийн хөнгөлөлт тооцогдож байна. Үүнийг өнгөрсөн 12-р сараас энэ оны долоо дугаар сар хүртэл тооцож үзвэл нийт 470,359 төгрөг нэг өрөө байртай айл өрхөөс хөнгөлөгдөж байгаа юм.
 
           Хоёр өрөө байртай айлын хувьд нэг сард ойролцоогоор 87,724 төгрөг хөнгөлөгдөж бүтэн долоон сарын хугацаанд нийт 579,352 төгрөг хөнгөлөгдөнө. 
 
          Гурван өрөө байрны хувьд дулаан, цахилгаан, цэвэр бохир усны төлбөр нийлээд нэг сард ойролцоогоор 102,128 төгрөгийн хөнгөлөлт, долоо дугаар сар хүртэл 674,210 төгрөг хөнгөлөгдөж байна.
 
       Дөрвөн өрөө байртай айл сард дунджаар 118,722 төгрөгийн хөнгөлөлт эдлэх бөгөөд долоо дугаар сар хүртэл нийт 783,791 төгрөгийг төрөөс даах тооцоолол гарч байгаа юм.  
 
        Харин гэр хорооллын айл өрхийн хувьд цахилгаан, цэвэр ус буюу Ус түгээх байрнаас авах усны мөнгө нийлээд сард ойролцоогоор 38600 төгрөгийн хөнгөлөлт эдэлж нийт 270,000 мянган төгрөг долоо дугаар сар хүртэл хөнгөлүүлж байна.
 
        Түүнчлэн манай аймгийн томоохон аж ахуйн нэгж байгууллагууд худалдаа үйлчилгээний газрууд хэдэн төгрөгийн хөнгөлөлт эдлэх вэ?
 
       Томоохон худалдааны төв болох Төгөл их дэлгүүрийн хувьд нэг сард төлсөн дулааны мөнгө ойролцоогоор 2,818,647 төгрөг, Цахилгааны төлбөр 4,314,286 төгрөг, цэвэр бохир усны төлбөр 1,292,794 төгрөг  байна. Энэ нь долоо дугаар сар хүртэл 50,655,198 төгрөгийн хөнгөлөлт эдлэх боломжтой гэсэн үг.
              Мөн томоохон ресторан, паб, бар нь сард дунджаар 2 сая төгрөгөөс 3 сая төгрөгийн хөнгөлөлт эдэлж долоон сарын хугацаанд ойролцоогоор 15-20 сая төгрөгийн төлбөр хөнгөлөгдөх боломжтой болж байгаа юм.
Энэ нь цар тахлын нөхцөл байдлаас шалтгаалан үйл ажиллагаа нь доголдож санхүүгийн хувьд хүндрэл учирч буй иргэд, аж ахуйн нэгжүүдийн хувьд томоохон дэмжлэг болсон юм.  
Мэдээллийн төв 
фото зургийг: Н.Батсүх 
 
 
 

 

Холбоотой мэдээлэл

2014-03-03 1398
40-өөс дээш насны иргэдийн хөдөлмөр эрхлэлтийг дэмжих арга хэмжээ 3-р сарын 05-нд манай аймагт эхэлнэ

“40-өөс дээш насны иргэдийн хөдөлмөр эрхлэлтийг дэмжих хөтөлбөр” болон бусад хөтөлбөрүүдийн ...

2017-05-05 2974
БАЯН-ӨНДӨР СУМАНД ХУРДАН МОРИНЫ УРАЛДААН ЗОХИОН БАЙГУУЛАХЫГ ХОРИГЛОЛОО

Аймгийн Мэргэжлийн хяналтын газрын дарга Б.Жигдэнгомбо энэ сарын 5-д буюу өнөөдөр тушаал гаргаж Баян-Өндөр ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.227.97.219
2021-01-03-ний өдрөөс хойш.
  • 11 Онлайн
  • 1020 Өнөөдөр
  • 2319 Өчигдөр
  • 13420 Долоо хоногт
  • 65411 Сүүлийн сард
  • 6432546 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар