Нээлтийн үйл ажиллагаанд УИХ-ын гишүүн Д.Батлут, ИТХ-ын дарга Д.Мөнхбат, Орхон аймгийн Засаг дарга С.Батжаргал, Аймгийн Засаг даргын орлогч М.Түмэнжаргал, Баян-Өндөр сумын Засаг дарга Б.Баасансүрэн нар болон бусад албаны хүмүүс оролцлоо. 

        Барилгын ажлыг улсын төсвийн 1,5 тэрбум төгрөгийн хөрөнгө оруулалтаар 2018 онд эхлүүлжээ. 

Соёлын төв ашиглалтад орсноор 5 хүн байнгын ажлын байраар хангагдаж, Даваат, Шанд багийн иргэд, хүүхэд, багачууд соёлын төрөл бүрийн үйлчилгээг оршин суугаа газраасаа хүртэх, чөлөөт цагаа зөв боловсон өнгөрүүлэх нөхцөл боломж бүрдэж байна. 

    Дашрамд дурдахад аймгийн Засаг даргын 2020-2024 оны үйл ажиллагааны хөтөлбөрт соёл урлагийн байгууллагын материаллаг бааз, хөрөнгө оруулалтыг нэмэгдүүлэх, иргэдэд үзүүлэх соёл урлагийн үйлчилгээний хүртээмжийг нэмэгдүүлэх чиглэлээр олон арга хэмжээ төлөвлөгдсөн.

     Эдгээр ажлын эхлэл болгож орон нутгийн төсвийн хөрөнгө оруулалтаар Номын өргөө бүхий цогцолбор төвийн барилгын ажлыг энэ онд эхлүүлнэ. Мөн улс төсвийн хөрөнгө оруулалтаар аймгийн Номын төвийн өргөтгөл,  Наран багт баригдаж буй 250 хүний суудалтай соёлын төвийн барилгын ажлууд үргэлжлэн явагдана.