ОРХОН АЙМГИЙН 13 ДАХЬ ЗАСАГ ДАРГААР С.БАТЖАРГАЛ ТОМИЛОГДЛОО

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуульд зааснаар Монгол Улсын Ерөнхий сайд аймаг, нийслэлийн Засаг дарга нарыг томилдог.

        Орхон аймгийн ИТХ-ын  8 дахь удаагийн бүрэн эрхийн Анхдугаар хуралдаанаар Сэмжидийн Батжаргалыг Орхон аймгийн Засаг даргад томилуулахаар  Монгол Улсын Ерөнхий сайдад санал болгосон. 
С.Батжаргалыг Орхон аймгийн Засаг даргаар томилсон Монгол Улсын Ерөнхий Сайд У.Хүрэлсүхийн 2020 оны 10 дугаар сарын 30-ны өдрийн 72 дугаар захирамжийг өнөөдөр танилцууллаа.
              Түүнчлэн 2016-2020 онд Орхон аймгийн Засаг даргаар ажиллаж байсан, одоогийн УИХ-ын гишүүн Д.Батлут аймгийн Засаг даргын Тамгыг гардуулан өгсөнөөр Орхон аймгийн 13 дахь Засаг дарга үүрэгт ажилдаа орлоо. 
           УИХ-ын гишүүн Д.Батлут хэлэхдээ: Ажлын амжилт бол нэг зүг рүү харж чаддаг баг, хамтран хүчин зүтгэж чаддаг тэр зүтгэлээс хамаардаг учраас энэ он жилүүд  амжилт дүүрэн байна гэдэгт итгэлтэй байна. Бид бүхэн нэг баг, нэг зүтгэлтэй хамт олон гэдгийг онцоллоо. 
          Түүнчлэн Орон нутгийн хөгжлийн бодлого шийдвэрийг хүний хөгжилд чиглүүлж олон төсөл хөтөлбөрүүдийг бид бүхэн орон нутагтаа амжилттай хэрэгжүүлэн ажиллаж ирсэн. Үүний үр дүнд орон нутгийн болоод иргэдийн өмнө тулгамдсан олон асуудлуудыг шийдвэрлэж, тодорхой үр дүн гарсаар ирсэн. 
Ажлынхаа үр дүнгээр бид 3 жил дараалан улсдаа шилдэг аймгаар шалгарч чадсан. Энэ амжилт, төрийн бодлогын залгамж халааг хадгалж, илүү оновчтой зохион байгуулалт төлөвлөлтүүдийг хийж, Эрдэнэтийн ард иргэдийн аюулгүй сайхан амьдрах, ажил орлоготой, эрүүл энх байхын төлөө бодлогоо хэрэгжүүлэн ажиллахыг хүсье! гэлээ.
         Орхон аймгийн Засаг дарга С.Батжаргал Монгол төрийн залгамж халааг баталгаатай байлгаж үргэлжлүүлэн ажиллах болно.  Иргэд рүүгээ чиглэсэн олон олон арга хэмжээг хэрэгжүүлэн ажиллана. Тун удахгүй 2021 оны төсөл хөтөлбөр, хөрөнгө оруулалтын ажил, үйл ажиллагааны хөтөлбөр, таван жилийн үндсэн чиглэл батлагдан гарна. Үүнийг иргэддээ нээлттэй танилцуулна. Аливаа асуудалд их бага гэхгүй нээлттэй байж, өөрийн биеэр оролцож явах, аль болох иргэддээ ойр Засаг дарга байхыг зорин ажиллах болно. Бодлогын хувьд үргэлжлүүлэн хийх ажлууд олон байна. Шинээр хийгдэх ажлуудаа мөн төлөвлөсөн байгаа. Ийнхүү баг хамт олонтойгоо үр бүтээлтэй сайхан ажиллана хэмээн сэтгэгдлээ илэрхийллээ.
 
Мэдээллийн төв 
 
 

 

Холбоотой мэдээлэл

2018-06-12 2360
АЖЛАА ЧАНАРГҮЙ ГҮЙЦЭТГЭСЭН КОМПАНИУД ХАГАС ТЭРБУМ ТӨГРӨГ ЭРГЭН ТӨЛНӨ

АЗДТГ-ын Хууль эрх зүйн хэлтэс ажлаа чанаргүй гүйцэтгэсэн нэр бүхий компаниудаас гомдол гаргаснаар Шүүхийн ...

2014-06-19 1173
ХӨНГӨН ҮЙЛДВЭРИЙН ГАЗРЫН ДАРГААР АХЛУУЛСАН МОНИТОРИНГ ХИЙХ АЖЛЫН ХЭСЭГ МАНАЙ АЙМАГТ ИРЖ АЖИЛЛАЛАА

Засгийн газрын 2013 оны 394 дүгээр тогтоолоор баталсан “Үндэсний боловсруулах үйлдвэрт арьс ...

2021-04-10 4490
ДУГААР ИЛРҮҮЛЭГЧТЭЙ КАМЕР ТАВИХААР ТӨЛӨВЛӨЖ БАЙНА

Аймгийн Засаг дарга С.Батжаргал Жаргалант, Баян-Өндөр сумдын иргэдтэй хийх цахим уулзалт өнөөдөр Бүрэнбүст, ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.227.97.219
2021-01-03-ний өдрөөс хойш.
  • 14 Онлайн
  • 1090 Өнөөдөр
  • 2319 Өчигдөр
  • 13490 Долоо хоногт
  • 65481 Сүүлийн сард
  • 6432616 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар