ГЭРЭЭГЭЭР ХҮЛЭЭСЭН ҮҮРГЭЭ БИЕЛҮҮЛЭХГҮЙ БАЙГАА КОМПАНИУДААР ДАХИН БҮТЭЭН БАЙГУУЛАЛТЫН АЖИЛ ГҮЙЦЭТГҮҮЛЭХГҮЙ

Аймгийн Засаг даргын ээлжит  шуурхай зөвлөгөөн өнөөдөр хуралдлаа. Хуралдааныг Орхон аймгийн Засаг даргын орлогч С.Батжаргал удирдан явуулав. 

Хуралдааны эхэнд өмнөх долоо хоногт 70353511 дугаарт ирсэн өргөдөл гомдлын шийдвэрлэлт, үүрэг даалгаврын биелэлтийг танилцуулж, зарим хэлтэс агентлагийн дарга нар  цаг үеийн мэдээлэл хийлээ. 
2020-2021 оны хичээлийн жилд 1 дүгээр ангид элсэн орж буй хүүхдийн бүртгэл цахимаар явагдаж байна. Нийт 2457 хүүхэд бүртгүүлэхээс энэ сарын 21-ний байдлаар 1066 хүүхэд бүртгүүлээд байна. Цахим бүртгэл 26-ны өдрийг дуустал явагдана. 
       Мөн энэ сарын 18, 19-ний өдрүүдэд Орхон аймгийн төрийн болон хувийн хэвшлийн сургууль, цэцэрлэгийн захирал, сургалтын менежер, эрхлэгч, арга зүйч нарт "Өндөржүүлсэн бэлэн байдлын үед хичээлийн шинэ жилийн бэлтгэл хангах, цэцэрлэг, сургуулийн орчинд ариутгал, халдваргүйтгэл хийх, орон нутгийн онцлогт тулгуурлан хичээл сургалтын үйл ажиллагааг эхлүүлэхэд анхаарах асуудал, "Ковид-19" цар тахлын эсрэг хариу арга хэмжээ, эрүүл аюулгүй орчин бүрдүүлэх, хичээлийн хуваарь, анги зохион байгуулалт" зэрэг чиглэлээр сургалт, семинаруудыг зохион байгуулжээ. Аймгийн ОБГ-аас 18-ны өдрөөс эхлэн цэцэрлэг, сургуулийн гадна болон дотор талбайд ариутгал халдваргүйтгэлийн ажлыг хийж эхлээд байна. 
     Шуурхай хуралдааны үеэр Орхон аймгийн ЗДТГ-ын дарга Д.Соёлчхүү  COVID-19-ийн нөхцөл байдлаас шалтгаалан хоёр настай хүүхдүүдийг цэцэрлэгт хамруулахгүй болсонтой холбогдуулан бага насны хүүхэдтэй ажилтнуудынхаа ажлын цагт уян хатан хандаж, тодорхой шийдэл гарган ажиллах талаар зөвлөлөө.
      Хуралдааны төгсгөлд аймгийн Засаг даргын орлогч С.Батжаргал энэ жил гэр хорооллын айл өрхүүдэд хийгдэх ЭКО 00-ын ажлыг яаралтай эхлүүлэх, хөрөнгө оруулалтын ажил хийгдэж байгаа газруудад мэдээллийн самбар байршуулж иргэдийг мэдээллээр хангах, авто замын нөхөөс хийх ажлыг яаралтай дуусгах, барилгын ажил хийгдэж байгаа орчинд иргэдийн аюулгүй байдлыг ханган ажиллах, тендерт шалгарсан ч гэрээнийхээ дагуу ажилаа гүйцэтгэхгүй байгаа компаниудын жагсаалтыг гарган танилцуулах, цаашид эдгээр  компаниудаар дахин хөрөнгө оруулалт бүтээн байгуулалтын ажил гүйцэтгүүлэхгүй байх чиглэлийг холбогдох алба, хэлтсийн удирдлагуудад өглөө.
 
Мэдээллийн төв
 
 
 
 
 
 
  

 

Холбоотой мэдээлэл

2018-04-10 2096
АЙМГИЙН АВАРГА ШАЛГАРУУЛАХ ГИМНАСТИКИЙН ТЭМЦЭЭН ЭХЭЛЛЭЭ

ЕБС-иудын сурагчдын дунд 16 дахь жилдээ зохион байгуулагдаж буй Орхон аймгийн аварга шалгаруулах гимнастикийн ...

2014-02-06 4990
ХҮНСНИЙ ТУХАЙ ХУУЛЬ БОЛОН ХҮНСНИЙ БҮТЭЭГДЭХҮҮНИЙ АЮУЛГҮЙ БАЙДЛЫГ ХАНГАХ ТУХАЙ ХУУЛИЙГ ХЭРЭГЖҮҮЛЭХТЭЙ ХОЛБОГДОН ХҮНС ҮЙЛДВЭРЛЭГЧДЭД ТАВИГДАХ ШААРДЛАГА

Хүнс үйлдвэрлэгч нь хүнсний түүхий эд, бүтээгдэхүүнийхээ аюулгүй байдлыг хуулийн өмнө бүрэн хариуцна. Хүний ...

2014-07-28 1476
Иргэдийн санал хүсэлтийг хүлээн авах 70353511 төвийн 7 хоногийн мэдээлэл

Нийт 89 өргөдөл гомдол ирсэн Шийдвэрлэж хариу өгсөн 37 Шийдвэрлэх шатандаа байгаа 52

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.232.99
2021-06-10-ний өдрөөс хойш.
  • 20 Онлайн
  • 345 Өнөөдөр
  • 3086 Өчигдөр
  • 3431 Долоо хоногт
  • 97015 Сүүлийн сард
  • 6354991 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1024

Facebook

Цаг агаар