БАЯР НААДМЫН ҮЕЭР НОЦТОЙ ХЭРЭГ ЗӨРЧИЛ ГАРААГҮЙ

Орхон аймгийн Засаг даргын шуурхай зөвлөгөөн өнөөдөр боллоо.

Хуралдааныг Засаг даргын Хот байгуулалт, дэд бүтцийн хөгжлийн асуудал хариуцсан орлогч С.Батжаргал, Нийгмийн хөгжлийн асуудал хариуцсан орлогч А.Түвшинжаргал нар удирдан явууллаа.
    Аймгийн хэмжээнд 2020 оны хөрөнгө оруулалтаар хийгдэх нийт ажлын 70 хувьтай нь гэрээ байгуулан ажил нь эхлээд байна. Үүнээс улсын комисс ажиллан ашиглалтад авсан ажил 27 хувь, техникийн комисс ажилласан 12 хувь, бусад ажлууд 10-60 хувийн ажлын гүйцэтгэлийн явцтай байна.
     Баяр наадмын өдрүүдэд гал түймэр болон онц ноцтой гэмт хэрэг, зөрчил бүртгэгдээгүй бөгөөд цагдаагийн газарт 308, эмнэлгийн яаралтай түргэн тусламжийн төвд 203 дуудлага тус тус иржээ. 
Гэмт хэрэг, зөрчлийн талаар ирсэн нийт дуудлагаас ахуйн болон нийтийн эзэмшлийн гудамж талбайд архидан согтуурсан тухай мэдээлэл, дуудлага зонхилж байсан бол БОЭТ-ийн яаралтай түргэн тусламжийн төвд архи болон хоолны хордлого, ходоод гэдэс өвдөх, цусны даралт ихсэх, буурахтай холбоотой дуудлага ихэнх хувийг эзэлжээ. 
     Мөн 2020 оны 7 дугаар сарын 11-ний өдрийн 16:00-17:00 цагийн үед хүчтэй аадар борооны улмаас Баян-Өндөр сумын 4 багийн 70 гаруй өрх усанд автсан бөгөөд тэрхүү гудамж талбайд ариутгал, халдваргүйтгэлийн ажил хийсэн байна.
      Шуурхай хуралдааны төгсгөлд аймгийн удирдлагуудын зүгээс 7-8-р сард зарим үед хэт халах, түр зуурын дуу цахилгаантай ширүүн бороо орох урьдчилсан мэдээтэй байгаа тул ард иргэдэд цаг агаарын сэрэмжлүүлэг мэдээг тогтмол хүргэж ажиллах, энэ жил иргэд аялал зугаалгаар явах үедээ хачигт хазуулан халдвар авах тохиолдол их байгаа зэргийг анхааруулж ажиллахыг холбогдох байгууллагын удирдлагуудад үүрэг болголоо.
     Түүнчлэн зарим байгууллагын удирдлагууд ээлжийн амралтаа авч буй тул оронд нь ажиллах орлогч нарыг ажилдаа хариуцлагатай хандахыг үүрэг болгов.
 
Мэдээллийн төв 
 

 

Холбоотой мэдээлэл

2020-03-05 2741
ЭМЧ, ЭМНЭЛГИЙН АЖИЛЧДАД “ЭМЧ” ДЭД ХӨТӨЛБӨРИЙН НИЙГМИЙН ДЭМЖЛЭГИЙН БАТЛАМЖ ГАРДУУЛЛАА

2016 оноос хойш манай аймаг бодлогоор “Эрдэнэтчүүд Эрдэнэтчүүддээ хайртай”, “Багш”, “Ач санах”, “Чөлөөт ...

2018-11-30 1622
АЙМГИЙН ИТХ-ЫН ЭЭЛЖИТ 12 ДУГААР ХУРАЛДААН ЭХЭЛЛЭЭ

Аймгийн Иргэдийн Төлөөлөгчдийн Хурлын Ээлжит XII хуралдаан аймгийн ЗДТГ-ын Хурлын танхимд эхэллээ.

2017-04-26 2991
ХӨДӨЛМӨРИЙН ӨДӨРЛӨГ ЗОХИОН БАЙГУУЛАГДАЖ БАЙНА

Монгол улсын Засгийн газар, Хөдөлмөр, нийгмийн хамгааллын яамнаас болон аймаг орон нутгийн зүгээс иргэдийг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.227.97.219
2021-01-03-ний өдрөөс хойш.
  • 15 Онлайн
  • 1019 Өнөөдөр
  • 2319 Өчигдөр
  • 13419 Долоо хоногт
  • 65410 Сүүлийн сард
  • 6432545 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар