ЭРДЭНЭТ ХОТОД "STARTUP CENTER" НЭЭГДЛЭЭ

 Орхон аймгийн Засаг дарга Д.Батлутын санаачилгаар байгуулагдсан  “Эрдэнэт ШУТП” өнөөдөр “Бизнес хөгжлийн төв”-өө нээлээ. Үүнд бизнес эрхлэгчдийг сургаж, бойжуулж, дадлагажуулахаас гадна  цаашид бизнесийн хамтрагч, хөрөнгө оруулагчдыг нь холбох зэрэг олон арга хэмжээг зохион байгуулна. 

“Бизнес хөгжлийн төв”-ийн байрыг Орхон аймаг 2015 онд 800  сая төгрөгөөр худалдан авч  Эрдэнэтэд үйлдвэрлэсэн бараа бүтээгдэхүүнийг борлуулдаг байв. Гэвч энэ нь оновчтой шийдэл биш байсан тул  аймгийн Засаг дарга уг байрыг  “Эрдэнэт шинжлэх ухаан, технологийн парк”-ийн мэдэлд шилжүүлж бизнес эрхлэх хүсэлтэй хэн бүхэнд нээлттэй, мэргэжлийн зөвлөгөө өгч тусалдаг төв болгохыг зорьсон юм. Үүний дагуу уг төв өнөөдөр нээлтээ хийлээ.

“Бизнес хөгжлийн төв” нь “Гарааны бизнес”, “Бизнес инкубатор” гэсэн чиглэлээр үйл ажиллагаа явуулна. Тухайлбал, бизнес хийх хүсэл, сонирхолтой иргэн, аж ахуйн нэгжийг сургалт, судалгаа, мэдээллээр хангаж улмаар хагас үйлдвэрлэл явуулахад нь талбайгаар туслах юм. Мөн бизнесийн шинэ санаануудыг танилцуулж хөрөнгө босгох, хөрөнгө оруулагчтай холбогдох мэдээлэл, гарцыг нь  зааж өгөх ажээ. 
 
“Бизнес инкубатор” –т  өнөөдрийн байдлаар зургаан бойжигч бойжиж байна. Тэд хоёр жил хүртэлх хугацаанд бизнес, санхүү, ажлын байрны туслалцааг үнэ төлбөргүй авна. 
 
Түүнчлэн “Гарааны бизнес” –ийг дэмжихдээ сургалт, хагас  үйлдвэрлэлийн чиглэлээр ажиллах нь Монголд байгаа “Гарааны бизнес төв” -үүдээс  давуу талтай гэж “Эрдэнэт ШУТП”-ийн захирал Г.Энхбаяр хэллээ. Мөн  “Оюуны өмчөөр бүртгэгдсэн, патенттай шинэ бүтээгдэхүүнийг –Иновацийн бүтээгдэхүүн гэнэ хуулиндаа заачихсан байгаа.  Үүнийг  “Гарааы компани” гэдэг.  Гарааны компанид маш олон давуу тал байдаг. Өнгөрсөн онд л гэхэд улсын хэмжээнд 400 гаруй төсөлд 16 тэрбум төгрөгийн буцалтгүй санхүүжилт өгсөн байна. Иймд бизнес эрхлэхдээ инновацийн бүтээгдэхүүн үйлдвэрлэж төрөөс олгож байгаа дэмжлэгийг ашиглах ёстой юм. Ер нь шинэ санаа-бодлын бөөгнөрөлийг яаж ашиглах вэ, хэрхэн бизнс хийх вэ, хөрөнгө оруулагчидтай хэрхэн холбогдох вэ гэдэг талаар манай төв зөвлөн тусалж, чиглүүлж ажиллана” гэсэн юм.
 
 
 
 
 
 
 
 
 
Мэдээллийн төв

 

Холбоотой мэдээлэл

2017-10-27 1417
“ГЭР БҮЛИЙН БОЛОВСРОЛ” СЭДЭВТ СУРГАЛТ ЭХЭЛЛЭЭ

Орхон аймгийн Боловсрол, соёл урлагийн газар, “Дэлхийн зөн Монгол олон улсын байгууллагын-Эрдэнэт нутгийн ...

2015-10-27 2100
“ХҮҮХЭД, ГЭР БҮЛ ХӨГЖИЛ, ХАМГААЛЛЫН ТӨЛӨӨ” САЙН ҮЙЛСИЙН АЯН-ы хүрээнд

Мөн Эрдэнэт цогцолбор сургуулийн ахлах ангид Монгол орны газар, газарзүйн чиглэлээр танин мэдэхүйн АХА ...

2021-09-06 276
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨН ХУРАЛДЛАА

Аймгийн Засаг даргын Даваа гараг бүрийн шуурхай зөвлөгөөн хуралдлаа. Хуралдааныг Орхон аймгийн Засаг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 10 Онлайн
  • 413 Өнөөдөр
  • 3039 Өчигдөр
  • 6538 Долоо хоногт
  • 100122 Сүүлийн сард
  • 6358098 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар