АУГАА ИХ, ЭХ ОРНЫ ДАЙНЫ ЯЛАЛТЫН 73 ЖИЛИЙН ОЙ ТОХИОЖ БАЙНА

Урт удаан үргэлжилсэн дэлхийн 2-р дайныг 1945 оны тавдугаар 9-нд шилжих шөнө бүр мөсөн дуусгаж, Гитлерийн Герман үг дуугүй бууж өгөх гэрээнд гарын үсэг зурсан юм.
     Дэлхийн хоёрдугаар дайнд 61 улс орон, дэлхийн хүн амын 80 шахам хувь нь ямар нэг хэмжээгээр татагдан оролцож, 110 сая гаруй хүн цэргийн албанд татагджээ. Энэхүү дайнд 60 сая хүн үрэгдсэний 20 сая нь цэрэг, 40 сая нь энгийн иргэд байв.
      Дайны нийт өртөг нь 1944 оны ханшаар 1.6 их наяд ам.доллар болсон нь түүхэн дэх хамгийн өндөр өртөгтэй дайн гэж тооцогддог байна. Дайны хамгийн хүнд бэрхийг тухай үеийн Оросын улаан арми үүрсэн юм. Дэлхийн хоёрдугаар дайны эхнээс дуусах хүртэл нь манай улс ЗХУ-ыг тууштай дэмжиж, Зөвлөлтийн улаан армид туслаж байлаа. Монгол улсын зүгээс дэлхийн хоёрдугаар дайны үед ЗХУ-д нийт 6 удаагийн тусламжийн цувааг илгээж, тухайн үеийн ханшаар нийт 435  сая төгрөгийн үнэ бүхий мал, эд материалын зүйл ба З00 орчим кг алтыг өгч, улсаас тогтоосон үнээр  фронтод зориулан 485,000 морьд худалдаж, 32,500 гаруй шилдэг хүлгийг  бэлэглэжээ.  
Дайны турш 120 гаруй сая хүн амтай АНУ-аас ЗХУ-д  665 мянган тн нөөшөлсөн мах, 54 мянган тн ноос нийлүүлсэн байхад, 800 мянган хүн амтай  Монгол улс энэ хугацаанд 500 мянган тн мах, 64 мянган тн ноос нийлүүлж байсан сонирхолтой баримт байдаг.
      Аугаа их, эх орны дайны ялалтын 73 жилийн ойн баярыг тохиолдуулан Орхон аймгийн Засаг дарга Д.Батлут, Засаг даргын орлогч А.Түвшинжаргал, “Эрдэнэт үйлдвэр” ХХК-ийн Ерөнхий захирал Х.Бадамсүрэн нарын удиррдлагууд ОХУ-ын консулын газрын дэргэдэх “Эх орны дайны баганат хөшөө”, “Эрдэнэт үйлдвэр” ХХК-ийн Ерөнхий захиргааны өмнөх жанжнуудын хөшөө болон “Найрамдал” өндөрлөгт цэцэг өргөх ёслол боллоо. Дараа нь “Амарын талбай” хүртэл “Үхэшгүй мөнхийн хороо” баярын жагсаал боллоо.
 

Мэдээллийн төв


 

 

Холбоотой мэдээлэл

2015-04-13 1392
Сургалтанд бүртгэж байна

“Хөдөлмөр эрхлэлтийн ур чадвар олгох, ажлын байр хадгалах хөтөлбөр”-ийн мэргэжлийн сургалт ...

2017-01-10 2765
ШИНЭ ҮНДСЭН ХУУЛЬ БАТЛАЛЦСАН ДЕПУТАТУУДАД ХҮНДЭТГЭЛ ҮЗҮҮЛЛЭЭ

Энэ сарын 13-нд шинэ Үндсэн хууль батлагдсаны 25 жилийн ойн баяр тохиох юм. Уг ойг угтаж аймгийн Иргэдийн ...

2021-05-05 1419
АХМАД НАСТНУУДАА ДАРХЛААЖУУЛЖ ДУУССАНЫ ДАРАА 18-45 НАСНЫ ИРГЭДЭЭ ХАМРУУЛНА

Орхон аймаг насанд хүрсэн нийт 71000 гаруй иргэдээ вакцинжуулалтад хамруулах төлөвлөгөөтэй ажиллаж байгаа. ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 30 Онлайн
  • 4022 Өнөөдөр
  • 3423 Өчигдөр
  • 26179 Долоо хоногт
  • 203373 Сүүлийн сард
  • 6242593 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар