ЭРДЭНЭТЭД ЮУ БОЛОВ?

 

 

Аймгийн Онцгой комисс хуралдаж Жаргалант суманд тогтоосон хорио цээрийн дэглэмийг цуцлах шийдвэр гаргалаа.Жаргалант сумын нутаг дэвсгэрт өнгөрсөн сарын 15-аас 30 хоногийн хугацаанд хорио цээрийг дэглэм тогтоосон. Энэ хугацаанд буюу өвчний халдвар авсан сүүлийн үхэр устсанаас 21, вакцинжуулалт хийснээс хойш 14 хоногийн хугацаанд голомтын бүсэд өвчний халдвар илрээгүй тул дээрх шийдвэрийг гаргажээ. Ингэснээр үхэр нь шүлхийгээр өвчилсөн 5 өрхийн хүрээнд өнөөдрөөс 14 хоногийн хугацаанд хязгаарлалтын дэглэм тогтоолоо.

 

 

Орхон аймаг 2015 онд нийт 44.6 км үерийн хамгаалалтын далан барих зураг төслийг боловсруулж үүнийг хэрэгжүүлэхэд 22.3 тэрбум төгрөг шаардлагатай гэсэн саналыг Засгийн газар, ОБЕГ-т удаа дараа  хүргүүлж байсан ч санхүүжилт байхгүйн улмаас ажил хэрэг болж чадаагүй юм. Иймд аймгийн Засаг дарга Д.Батлут БНСУ-аас Орхон аймгийн дэд бүтцийг сайжруулах төслийн хүрээнд авах гэж буй зээлийг үерийн хамгаалалтын далан барихад зарцуулж болох эсэх талаар судалж байгаа ажээ. Одоогоор хэдий хэмжээний мөнгийг ямар хугацаатай зээлэх талаар мэдээлэл өгөх боломжгүй гэнэ.

  

 

Аймгийн Засаг даргын нэрэмжит ”Багш-лиг 2018” волейболын тэмцээн эхэллээ. Гурав дахь жилдээ болж буй уг тэмцээнд 19 байгууллагын 24 багийн 231 тамирчин оролцож байна. Багууд хоёр бүс болон өрсөлдөж бүсээс шалгарсан нь медалийн төлөө тоглоно. Энэ жилийн тэмцээнд их, дээд сургууль, цэцэрлэгийн багш нар оролцож байгаа нь онцлог юм. 

 


Хөтөлбөрийг хэрэгжүүлснээр нийт 5000 иргэн хог хаягдлыг ангилан ялгах, зөв дадал зуршлын талаарх сургалтад хамрагдаж, ангилан ялгах тогтолцоо бий болж, өдөрт 300 тонн хог боловсруулах хүчин чадалтай үйлдвэр байгуулагдаж, энгийн хог хаягдлын төлбөрийг нэг иргэнээр тооцож, хог ачилт 14 хоног тутамд ачдаг болно гэж дэд хөтөлбөрийг боловсруулсан ажлын хэсгээс үзэж байна. 

 

 

2017 онд манай хотын агаар дахь хүхэрлэг хий өмнөх онуудаас өссөн үзүүлэлттэй гарсан. Энэ нь айл өрхүүд галлагаандаа нүүрс ихээр ашиглаж байгаатай холбоотойг гэж мэргэжлийн байгууллагууд үзэж байна. Мөн өнгөрсөн онд азотын давхар исэл өмнөх жилүүдээс буурсан ч эхний 4 сард өсжээ. Энэ нь авто машины тоо өссөнтэй шууд холбоотой гэнэ. Одоогоор аймгийн хэмжээнд 24 мянган авто машин бүртгэлтэй байна.

 Мэдээллийн төв

 

 

Холбоотой мэдээлэл

2014-01-16 1428
Мэргэжлийн хяналтын газраас мэдээллэж байна.

Орхон аймгийн Мэргэжлийн хяналтын газар 2014 онд шалгалтанд хамруулах объектын жагсаалт мөн туслах үйлчилгээнд ...

2015-02-09 28668
ОЛОН УЛСЫН ЭПИЛЕПСИЙН ӨДӨР

Зорилго: 1. Эпилепсийн тусламж үйлчилгээг сайжруулж, эпилепситэй иргэний амьдралын чанарыг дээшлүүлэх 2. ...

2018-12-12 1216
ОРХОН АЙМГИЙН ЗАСАГ ДАРГЫН ОРЛОГЧ С.БАТЖАРГАЛ НИЙТИЙН ТЭЭВРИЙН ҮЙЛЧИЛГЭЭНД ХЯНАЛТ ТАВИВ

Сүүлийн үед нийтийн тээврийн үйлчилгээтэй холбоотой санал, гомдол Орхон аймгийн ЗДТГ-ын 70353511 дугаарын ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.227.97.219
2021-01-03-ний өдрөөс хойш.
  • 12 Онлайн
  • 1036 Өнөөдөр
  • 2319 Өчигдөр
  • 13436 Долоо хоногт
  • 65427 Сүүлийн сард
  • 6432562 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар