ӨНГӨРСӨН ОНД 1420 ШИРХЭГ ХИЙН ЗУУХ ОЛГОЖЭЭ

Аймгийн Засаг даргын зөвлөл хуралдаж өнгөрсөн онд аймгийн агаарын бохирдлыг бууруулах хүрээнд хийгдсэн ажлын биелэлтийг хэлэлцлээ.

2017 онд агаарын бохирдлыг бууруулахаар АЗДТГ-ын Хөрөнгө оруулалт, хөгжлийн бодлого төлөвлөлтийн хэлтэс, Байгаль орчин, аялал жуулчлалын газраас 3 зорилт 20 арга хэмжээ төлөвлөн хэрэгжүүлжээ. Энэ нь 80 хувийн биелэлттэй гарсан гэж дүгнэсэн байна. Үүний хүрээнд 6 багийн 1420 өрхөд хийн зуух, 8 багийн 2422 өрхөд 2 тарифт тоолуурыг 70 хувийн хөнгөлөлттэй үнээр олгожээ. Мөн 2016, 2017 онд 530 орчим тонн “Нако” түлшийг хөнгөлөлттэй үнээр нийлүүлсэн байна. Түүнээс гадна Дэлхийн банкны хөрөнгө оруулалтаар манай аймагт цахилгаан эрчим хүчний найдвартай эх үүсвэрийг бий болгох төсөл хэрэгжихээр болсон. Иймд гэр хорооллын айлуудад цахилгаан халаагуур нэвтрүүлэх боломжийг судлах зорилгоор 50 орчим өрхөд импра туяаны халаагуур суурилуулж туршжээ.   
 
2017 онд манай хотын агаар дахь хүхэрлэг хий өмнөх онуудаас өссөн үзүүлэлттэй гарсан. Энэ нь айл өрхүүд галлагаандаа нүүрс ихээр ашиглаж байгаатай холбоотойг гэж мэргэжлийн байгууллагууд үзэж байна. Мөн өнгөрсөн онд азотын давхар исэл өмнөх жилүүдээс буурсан ч эхний 4 сард өсжээ. Энэ нь авто машины тоо өссөнтэй шууд холбоотой гэнэ. Одоогоор аймгийн хэмжээнд 24 мянган авто машин бүртгэлтэй байна.
 
Тиймээс цаашид хэд хэдэн чиглэлд анхаарлаа хандуулах хэрэгтэй байгааг холбогдох байгууллагуудаас танилцууллаа. Тодруулбал, Хотын хэмжээнд үйл ажиллагаа явуулж буй томоохон үйлдвэрүүдэд агаар бохирдуулагч бодисын нарийвчилсан судалгааг явуулах, гэр хорооллын айлуудын дулааны алдагдлыг судалж, ногоон барилгын технологийн нутагшуулах хэрэгтэй гэж үзжээ.
 
Мэдээллийн төв

 

Холбоотой мэдээлэл

2014-11-07 4004
Үндэсний бахархалт өдрийг тэмдэглэх комисс байгуулна

Өвлийн эхэн сарын шинийн нэгэн буюу эзэн богд Чингис хааны мэндэлсэн өдрийг үндэсний бахархалт өдөр ...

2018-02-01 2031
УЛСЫН АВАРГА МАЛЧИН, ТАРИАЛАНЧИД ТОДОРЛОО

Засгийн газрын хуралдаанаар 17 дугаар жарны гал Тахиа жилийн улсын аварга малчин, хошой аварга малчин, ...

2014-04-25 1330
ҮНИЙН САНАЛ АВАХ УРИЛГА

Огноо:2014 оны 04-р сарын 24-ны өдөр Тендер шалгаруулалтын нэр: Төрийн үйлчилгээг иргэдэд үзүүлсний ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 10 Онлайн
  • 1323 Өнөөдөр
  • 1539 Өчигдөр
  • 1323 Долоо хоногт
  • 12026 Сүүлийн сард
  • 6450300 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар