ЗАСАГ ДАРГЫН САНААЧИЛСАН САЙН ҮЙЛСИЙН АЯН ҮРГЭЛЖИЛЖ БАЙНА

Орхон аймгийн Засаг дарга Д.Батлут өмнөх жилийн сар шинийн баярын үеэр сайн үйлсийн аяны санаачилга гарган өрнүүлж байсан бол мөн энэ жил уламжлал болгон зохион байгуулж нэг сарын цалингаа хандивласан юм. Энэхүү сайн үйлсийн аяныг Орхон аймгийн ЗДТГ-ын хэлтэс, агентлагууд, удирдлагууд дэмжин тодорхой хэмжээний мөнгөн хандив өргөсөн.
    Хурандаа Г.Батсуурь даргатай Орхон аймгийн Цэргийн штабын хамт олон 2017 онд цэргийн жинхэнэ албаны 1 болон 2 дугаар ээлжээр цэрэгт татагдан Зэвсэгт хүчин, Хилийн цэргийн анги, салбаруудад алба хааж буй байлдагчдаа шинэ жилийн үеэр эргэж, Засаг даргын мэндчилгээг хүргээд ирсэн бол цэргийн албанд татагдсан байлдагчдынхаа ар гэрийг байнга эргэж тойроч, амьдрал ахуйг нь судлаж байдаг.
    Засаг даргын санаачилсан энэхүү сайн үйлсийн аяны хүрээнд Хилийн цэргийн Замын-Үүд дэх 0108-р ангид алба хааж буй Оюунчимэгийн Оргилын ар гэрт дутуу бариад дуусгаж чадаагүй байсан байшинг нь гүйцээж барин ашиглалтад оруулж өглөө.
    Даваат багийн Манханы 4 дүгээр гудамжинд оршин суудаг энэхүү өррх толгойлсон ээж хүүгээ цэргийн албанд явуулаад хоёр охинтойгоо амьдарч байгаа, эрүүл мэндийн байдал тааруу учир хүнд ажил хийж чаддаггүй байна.
    Эднийх айлын гэр сарын 30000 төгрөгөөр түрээслэн амьдардаг байсан бөгөөд 4 сард эзэн нь гэрээ авна гэж байсан аж. Цэргийн штабын хамт олон өмнөх жилд мөн нэг айлын байшинг сэргээн засварлаж өгч байсан юм.
    Түүнчлэн Facebook-ийн “+25” группийн Эрдэнэт хот дахь хэсэг залуус “3000+” гэсэн хандивын аяныг өрнүүлжээ. 25 хоногийн хугацаанд үргэлжилсэн хандивын аян үр дүнд 2 сая 450 орчим мянган төгрөг цуглажээ. Энэхүү мөнгөөр Эрдэнэ багт 5 хүүхэдтэйгээ айлын гэрт  амьдардаг өрх толгойлсон нэгэн ээжид иж бүрэн 5 ханатай цоохор гэр авч доторхи тавилга тохижилтыг мөн хийж өчигдөр хүлээлгэн өглөө. Аяныг санаачилан өрнүүлсэн “+25” бүлгийн залуус гэр олгохдоо архины хамааралгүй байх цензур тавьжээ. Энэхүү хандивын аяныг дэмжиж Орон нутгийн төсөвөөс 800 орчим мянган төгрөг гаргаж өгснөөс гадна ЗДТГ-ын удирдлагууд хувиасаа мөн мөнгөн хандив өргөсөн юм. Өчигдөр гэрийг нь хүлээлгэн өгөхөд Орхон аймгийн Засаг даргын орлогч А.Түвшинжаргал оролцлоо. 

 

Мэдээллийн төв


 

Холбоотой мэдээлэл

2021-03-31 389
ЖАРГАЛАНТ СУМЫН ИРГЭДТЭЙ ЦАХИМ УУЛЗАЛТ ХИЙЛЭЭ

Аймгийн Засаг дарга С.Батжаргал өнөөдөр Жаргалант сумын иргэдтэй цахим уулзалт хийж санал хүсэлтийг нь ...

2017-02-13 7753
“ЭРДЭНЭТ-ШИНЖЛЭХ УХААН ТЕХНОЛОГИЙН ПАРК”-ЫН ДАРГЫГ ТОМИЛЖЭЭ

Г.Энхбаяр нь цахилгааны инженер мэргэжилтэй. Техникийн ухааны доктор, ОХУ, Украйн, БНХАУ-д мэргэжил дээшлүүлсэн ...

2014-11-02 1533
Газрын харилцаа, барилга, хот байгуулалтын газрын 7 хоногийн мэдээ

• 21 иргэнд газар өмчлүүлсэн захирамжийн хуулбар болон хянан баталгааны дүгнэлтийн хуулбараар үйлчилсэн. • ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 9 Онлайн
  • 403 Өнөөдөр
  • 3039 Өчигдөр
  • 6528 Долоо хоногт
  • 100112 Сүүлийн сард
  • 6358088 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар