КОМПЬЮТЕР ТОГЛООМЫН ГАЗРУУДЫН ҮЙЛ АЖИЛЛАГААГ ЦЭГЦЭЛНЭ

Орхон аймгийн Засаг даргын ээлжит шуурхай зөвлөлгөөн өнөөдөр хуралдлаа.
Энэ удаагийн харалдааныг Орхон аймгийн Засаг даргын орлогч А.Түвшинжаргал удирдан явуулав.
        Манай аймгийн нийт мал сүргийн 60 орчим хувь нь өөрийн аймгийн нутагт, 40 орчим хувь нь бусад аймгийн нутагт отроор өвөлжиж байгаа. Зундаа гантай, өвөл эрт цас их хэмжээгээр орсноос шалтгаалан мал өвөлжилтөд хүндрэл учирч, малчдын өөрсдийнх нь базаасан өвс тэжээлийн нөөц дуусч байгаатай холбоотойгоор аймаг, сумдын аюулгүйн нөөцийн өвсийг малчдад хөнгөлөлттэй нөхцөлөөр олгож эхэлсэн. Маргаашнаас эхлэн 11 чиглэлд явж малчдаа эргэж өвөлжилтийн байдалтай танилцах юм. Чиглэл бүрт хүн, малын эмч, ХАА-н мэргэжилтэн, Нийгмийн даатгалын хэлтсийн төлөөлөгч нар явж малд үзлэг хийх, малчдад эрүүл мэндийн тусламж үзүүлэх, өвсний нөөц, малын хорогдлыг судалгааг хийх талаар ХХАА-н газрын дарга Ж.Бат-Өлзий мэдээллээ.  
       Орхон аймгийн Засаг дарга Д.Батлут бүх багуудаар явж иргэдтэйгээ уулзалт хийсэн бөгөөд иргэдээс гарсан саналын мөрөөр хэрэгжүүлэх ажлын төлөвлөгөөг гаргаж, харъяа хэлтэс агентлагууд 2018 оны чиглэлдээ анхаарч ажиллахыг үүрэг болгов. Мөн компьютер тоглоомын газруудад хүүхдүүд олноор орж тоглож байгаа, шөнө хүүхдүүдийг хонуулж тоглуулдаг, компьютер тоглохын тулд хүүхдүүд хулгай дээрмийн хэрэг үйлдэх, дэлгэцийн хамааралтай болох, хүмүүжил төлөвшилд нь сөргөөр нөлөөлөх байдал нэмэгдэх хандлагатай болсон  тул Эрдэнэт хотод үйл ажиллагаа явуулж буй компьютер тоглоомын газруудын үйл ажиллагааг цэгцлэх ажлыг зохион байгуулахыг даалгав.
      Түүнчлэн Засгийн газар болон орон нутгийн зүгээс иргэдийн хөдөлмөр эрхлэлтийг нэмэгдүүлэх, шинээр ажлын байр бий болгох, өрхийн үйлдвэрлэл, жижиг дунд үйлдвэрлэлийг хөгжүүлэхэд чиглэгдсэн бага хүүтэй олон зээлийн хөтөлбөрүүд хэрэгждэг бөгөөд энэ талаар иргэд мэдээлэл дутмаг байгаагаас шалтгаалан хамрагдаж чадахгүй байгааг анхааралдаа авч, иргэдэд мэдээлэл хүргэх ажлыг зохион байгуулах, шинээр газар олгогдсон захын хорооллуудад цахилгаан дамжуулах агаарын шугам тавих, нийтийн тээврийг хүргэх талаар төлөвлөлт хийх зэрэгт 2018 онд анхаарч ажиллахыг үүрэг болголоо.  
 

Мэдээллийн төв


 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-02-26 1622
Санхүүгийн хяналт, аудитын албаны санхүүгийн хяналт шалгалтын ажлын тайлан “Оюу цэцэрлэг”

Оюу цэцэрлэг нь 2014 онд улсын төсвөөс 412166.3 мян.төгийн санхүүжилтийн төсөв батлагдсан бөгөөд гүйцэтгэлээр ...

2014-02-21 1493
Эрүүл мэндийн сайд Н.Удвал манай аймагт ажиллалаа

Эрүүл мэндийн сайд Н.Удвал манай аймагт ирж, ЭМГ, БОЭТ-ийн яаралтай тусламжийн тасгийн үйл ажиллагаа ...

2018-11-17 1182
ЭРДЭНЭС-ТАВАН ТОЛГОЙ ЭРДЭНЭТЭД

“Эрдэнэс Тавантолгой” ХК-иас иргэд, хувьцаа эзэмшигчиддээ хөрөнгийн зах зээл, үнэт цаас, “1072 хувьцаа” ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 57 Онлайн
  • 4226 Өнөөдөр
  • 4737 Өчигдөр
  • 8963 Долоо хоногт
  • 186157 Сүүлийн сард
  • 6225377 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар