ОРХОН АЙМАГТ ЦАГААН ЗУД БОЛЖ БАЙНА

Аймгийн Онцгой комисс өнөөдөр хуралдаж өвөлжилт хүндэрсэнтэй холбоотойгоор зарим шийдвэрийг гаргалаа. 

Хуралдааны эхэнд Ус, цаг уур, орчны шинжилгээний газраас 2017-2018 өвөлжилтийн нөхцөл байдалд хийсэн судалгааны дүнг танилцуулсан. Үүнд дурдсанаар, Өнгөрсөн сарын байдлаар Баян-Өндөр суманд 34.5 мм цас орсон нь олон жилийн дунджаас 5.3 дахин, Жаргалант суманд 24.8 мм  цас орсон нь олон жилийн дунджаас 4.2 дахин их үзүүлэлт юм. Мөн тус газраас 2 сумын нутаг дэвсгэрт хэд хэдэн цэг сонгон авч хэмжилт хийжээ. Хэмжилтийн дүнг “Ган, зудын нөхцөл байдлыг үнэлэх” тухай Засгийн газрын журмын дагуу үнэлэхэд Орхон аймагт цагаан зудын нөхцөл байдал бий болсон гэж үзсэн байна. 
 
Энэ өвөл аймгийн хэмжээнд 100 орчим мянган  толгой мал өвөлжиж буй. Өвөлжилтийн бэлтгэл ажлын хүрээнд малчид 7000 гаруй тонн өвс нөөцөлсөн. Үүнээс гадна аймаг, сумын Аюулгүйн нөөцөд 360 тонн өвс, 130 тонн тэжээл бэлтгэсэн юм. 
 
Онцгой комиссын хуралдааны үеэр Хүнс, хөдөө аж ахуйн газрын дарга Ж.Бат-Өлзий хэлэхдээ “Энэ жил хадлангийн гарц муу байсан тул малчдын дийлэнх нь өвсөө худалдаж авсан. Өвөлжилт хүндэрсэн тул бод, бог гэлтгүй бүх мал байнгын тэжээлд орох шинжтэй байна” гэсэн юм. 
 
Тиймээс жил бүр 2-р сард гаргаж малчдад олгодог байсан хоёр сумын Аюулгүйн нөөцийн өвс, тэжээлийг ирэх сарын эхээр гаргах шийдвэрийг Онцгой комиссоос гаргалаа. Зах зээлд өвс 7500-9000, тэжээл нэг шуудай нь 13000-15000 төгрөгөөр зарагдаж байгаа. Тэгвэл Аюулгүйн нөөцийн өвсийг 5000, тэжээлийг 8000 төгрөгөөр малчдад олгохоор боллоо. 
 
Аливаа зуд, гамшигт үзэгдлийн үеэр малаас гадна хүний эрүүл мэндэд чухал ач холбогдол өгөх хэрэгтэй. Иймд малчдад шаардлагатай эм, тариа, амин дэм олгох зардлыг “Эрүүл мэндийг дэмжих сан”-аас санхүүжүүлэх асуудлыг судлах чиглэлийг Аймгийн Онцгой комиссын дарга Д.Батлут холбогдох байгууллагуудад өглөө. Түүнээс гадна аймгийн хэмжээнд малчдад туслах аян өрнүүлэхээр шийдвэрлэлээ. 
 
 
 
 
 
Мэдээллийн төв

 

Холбоотой мэдээлэл

2014-05-17 2103
МЭРГЭЖЛИЙН ХЯНАЛТЫН ГАЗРЫН ДОЛОО ХОНОГИЙН МЭДЭЭ /2014.05.12-16/

Мал эмнэлэг - АЗДТГ-аас баталсан хуваарь, тоо хэмжээгээр 2014 оны 01 сарын 14 –ний өдрөөс ...

2015-05-06 1582
ЯЛАЛТЫН 70 ЖИЛИЙН ОЙН БАЯРЫН МЭНДЧИЛГЭЭ

Манай хотод ажиллаж амьдарч байгаа Оросын Холбооны Улсын болон Тусгаар Улсуудын Хамтын Нөхөрлөлийн орнуудын ...

2019-01-31 1413
ӨВЛИЙН ХУРДАН МОРИНЫ УРАЛДААН ЗОХИОН БАЙГУУЛАХЫГ ХОРИГЛОХ ТУХАЙ

ӨВЛИЙН ХУРДАН МОРИНЫ УРАЛДААН ЗОХИОН БАЙГУУЛАХЫГ ХОРИГЛОХ ТУХАЙ

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 33 Онлайн
  • 1280 Өнөөдөр
  • 2319 Өчигдөр
  • 13680 Долоо хоногт
  • 65671 Сүүлийн сард
  • 6432806 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар