ЭЭЛЖИЙН АМРАЛТ АВСАН ШАЛТГААНААР ТӨЛӨВЛӨГӨӨТ АЖИЛ ХОЙШЛОХ ЁСГҮЙГ САНУУЛАВ

Аймгийн Засаг даргын ээлжит шуурхай хуралдаан боллоо. Уг хуралдааныг аймгийн Засаг даргын орлогч С.Батжаргал удирдан явуулсан. Тэрээр шуурхай хуралдааны үеэр төрийн байгууллагын удирдлагуудад хэд хэдэн чиглэлийн үүрэг даалгавар өглөө. 

Өнөөдрийн байдлаар их засвар хөрөнгө оруулалтын ажил ид өрнөж байна. Мөн өвөлжилтийн бэлтгэл, ирэх оны төсвийн төсөл гээд чухал баримт бичгүүд боловсруулах шатандаа явж буй. Эдгээрт өндөр ач холбогдол өгч, боловсруулалтыг сайн хийх хэрэгтэй гэлээ. Энэ үеэр хэн нэгэн албан тушаалтан ээлжийн амралтаа авснаас шалтгаалж төлөвлөгөөт ажил хойшлох ёсгүйг төрийн байгууллагуудын удирдлагуудад санууллаа. 
 
Түүнээс гадна өвөлжит хүндрэх төлөвтэй байгааг мэргэжлийн байгууллагууд анхааруулж буй. Тиймээс өвөлжилтөд нэн шаардлагатай санхүүжилт, бэлтгэл хангахтай холбоотой шийдвэр гаргуулах бол яаралтай танилцуул гэлээ. Түүнчлэн манай аймгийн малчид Сэлэнгэ аймгийн нутгаас хадлангаа бэлтгэдэг. Энэ үеэр малчдад зөвшөөрөл өгөхгүй байх асуудал үүсдэг. Иймд Жаргалант сумын удирдлагууд тус аймгийн засаг захиргааны байгууллагатай хэлцэл хийж шийдэлд хүрэх хэрэгтэйг онцоллоо. 
 
Мөн  2018 оны төлөвлөлтөд Шанд, Даваат багийн айл өрх, сургууль, цэцэрлэгийн эрчим хүчний асуудлыг тусгах үүргийг өглөө. Ингэхдээ менежментийн шинэчлэл хийхэд анхаар гэв. 
Тэрээр шуурхай хуралдааны үеэр аймгийн хэмжээнд аялал жуулчлалыг хөгжүүлэх ажл орхигдож байгааг шүүмжиллээ. Хувийн хэвшлийн аж ахуйн нэгжүүд жуулчдыг татах үйл ажиллагааг бие даан явуулах хүсэлт удаа дараа ирүүлсэн. Үүнийг судалж боломжит хувилбараар шийдэх үүргийг Хууль эрх зүйн хэлтсийн даргад өгсөн юм. 
 
Хичээлийн шинэ жил эхлэхээс өмнө сургууль орчмын тэмдэг тэмдэглэгээг сайжруулахад төсвөөс 3 сая төгрөг баталсан боловч одоог хүртэл хийгдээгүй байна. Уг ажлыг хариуцсан байгууллагууд ойрын хугацаанд үүнийг хийж гүйцэтгэх хэрэгтэйг Засаг даргын орлогч С.Батжаргал хэллээ. 
Мөн аймгийн Засаг даргын мөрийн хөтөлбөрийн хүрээнд 18 дэд хөтөлбөр батлан хэрэгжүүлж эхэлсэн. Үүний хүрээнд энэ онд тодорхой ажлууд хийгдэж байгаа бөгөөд ирэх онд хийгдэх ажлуудаа төлөвлөлт хийж танилцуулах чиглэлийг өглөө. 
 
 
 
 
 
Мэдээллийн төв

 

Холбоотой мэдээлэл

2021-08-11 786
БОЭТ-ИЙН НӨХЦӨЛ БАЙДАЛТАЙ ТАНИЛЦАЖ ЗАРИМ АСУУДЛЫГ ГАЗАР ДЭЭР НЬ ШИЙДВЭРЛЭВ

Аймгийн Засаг дарга С.Батжаргал БОЭТ-д ажиллаж цаг үеийн нөхцөл байдалтай холбоотой хэд хэдэн асуудлыг ...

2014-02-25 2836
Сэлэнгэ аймагт зохион байгуулсан Хангайн бүсийн хөдөлмөрийн хэлтсүүдийн хөдөлмөр эрхлэлтийн асуудал хариуцсан ажилтнуудын чадавхи бэхжүүлэх семинар

Засгийн газрын 2012-2016 оны үйл ажиллагааны хөтөлбөр, түүнийг хэрэгжүүлэх арга хэмжээний төлөвлөгөөнд ...

2014-07-20 1913
Хүүхэд гэр бүл хөгжлийн хэлтэс

Ардын хувьсгалын 93 жилийн ой Орхон аймгийн баяр наадамд эрлийз 3 насны, монгол 6 насны 594 хурдан хүлгүүд ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.227.97.219
2021-01-03-ний өдрөөс хойш.
  • 12 Онлайн
  • 1038 Өнөөдөр
  • 2319 Өчигдөр
  • 13438 Долоо хоногт
  • 65429 Сүүлийн сард
  • 6432564 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар