ОЛОН НИЙТИЙН ХЭЛЭЛЦҮҮЛЭГ ЗОХИОН БАЙГУУЛАХ СУРГАГЧ БАГШ БЭЛТГЭХ СУРГАЛТ БОЛЛОО

Монгол Улсын Үндсэн хуульд нэмэлт, өөрчлөлт оруулах асуудлаар явуулсан Анхдугаар зөвлөлдөх санал асуулгын зөвлөмжийн дагуу Ажлын хэсгээс боловсруулсан төслийг олон нийтээр хэлэлцүүлэхээр болсон.

 
Олон нийтийн хэлэлцүүлэг гурван үе шаттай явагдах бөгөөд эхний шатанд УИХ-ын Тамгын газраас аймаг орон нутагт бүсчилсэн сургалт явуулж, Үндсэн хуульд нэмэлт, өөрчлөлт оруулах төслийн талаар танилцуулж, сургагч багш нарыг бэлтгэх юм. Энэ ажлын хүрээнд УИХ-ын Төрийн байгуулалтын байнгын хорооноос өнөөдөр сургагч багш бэлтгэх цахим сургалтыг зохион байгууллаа. 
 
Уг сургалтыг УИХ-ын гишүүн Д.Лүндээжанцан, Л.Болд, Д.Тогтохсүрэн, Зөвлөлдөх зөвлөлийн дарга, Улсын Бага Хурлын гишүүн асан, Үндсэн хууль судлаач Д.Ламжав нар удирдаж яам, агентлаг, төрийн захиргааны байгууллагуудын төлөөлөл, УИХ-ын Тамгын газрын ажилтнууд хамрагдав. Түүнчлэн Монгол Улсын 21 аймгийн засаг захиргааны байгууллагуудын төлөөлөлтэй цахимаар шууд холбогдон мэдээллээр хангасан юм.

Манай аймгийн хэмжээнд уг асуудлаар олон нийтийн дунд хэлэлцүүлэг зохион байгуулах, иргэд олон нийтийг мэдээллээр хангах зорилгоор Засаг дарга Д.Батлут захирамж ажлын хэсгийг байгуулсан. Уг ажлын хэсэг нь 10 гаруй хүний бүрэлдэхүүнтэй бөгөөд АИТХ-ын Ажлын албаны дарга Д.Эрдэнэцэцэг даргаар нь томилогдсон. Өнөөдөр болсон сургагч багш бэлтгэх сургалтад дээрх ажлын хэсгийн гишүүд, Засаг даргын орлогч С.Батжаргал, ЗДТГ-ын дарга Д.Соёлчхүү болон багийн Засаг дарга нар оролцож Үндсэн хуулийн өөрчлөлттэй холбоотой мэдээллийг авлаа. 
 
Энэ удаагийн сургалтаар Үндсэн хуульд нэмэлт, өөрчлөлт оруулах төсөлд тусгагдсан бүлэг асуудал тус бүрийн талаар танилцуулга хийсэн бөгөөд нэгдүгээр бүлэг буюу Монгол Улсын Их Хурлын сонгуулийн тогтолцоо, Улсын Их Хурлыг тараах, төсвийн зардлын шинэ төрөл үүсгэх, зарлага нэмэгдүүлэхийг хориглох, Улсын Их Хурлыг хяналтын бүрэн эрхээ хэрэгжүүлэхэд нь дэмжлэг үзүүлж ажиллах төрийн хяналтын байгууллагын тухай зэрэг асуудал төсөлд хэрхэн тусгагдсан талаар УИХ-ын гишүүн Д.Лүндээжанцан танилцууллаа.
 
Хоёрдугаар бүлэгт Монгол Улсын Ерөнхийлөгч, гуравдугаар бүлэгт Засгийн газар, дөрөвдүгээр бүлэгт Шүүх эрх мэдэл, тавдугаар бүлэгт Монгол Улсын Засаг захиргаа, нутаг дэвсгэрийн нэгж, түүний удирдлагын тогтолцоонд оруулах өөрчлөлтийн асуудлууд тусгагджээ.
Бэлтгэгдсэн сургагч багш нар нь сум, баг бүрт хэлэлцүүлгийн хоёр, гуравдугаар үе шатыг зохион байгуулна. 
 
 
 
 
 
 
 

 

Холбоотой мэдээлэл

2014-11-23 1781
Орхон аймгийн Хөдөлмөрийн хэлтсийн 7 хоногийн мэдээ /2014 оны 11 сарын 14-нөөс 21/

Энэ хугацаанд 20 албан бичиг хүлээж авч 15 албан бичгийн хариуг холбогдох газруудад хүргүүллээ. 9 албан ...

2016-05-09 2004
БУУДЛЫН ҮЙЛЧИЛГЭЭНИЙ СТАНДАРТЫГ ТАНИЛЦУУЛАВ

Орхон аймгийн ЗДТГ-ын нийгмийн хөгжлийн хэлтсээс Зочид буудлын болон Дэн буудлын үйлчилгээ эрхэлж байгаа ...

2017-01-05 2443
НИЙГЭМШҮҮЛЭХ ҮЙЛЧИЛГЭЭНД ХАМРАГДСАН 50 ОРЧИМ ИРГЭН АРХИНЫ ХАМААРЛААС ГАРЧЭЭ

Аймгийн Засаг даргын Тамгын газрын Нийгмийн бодлогын хэлтсээс орон гэргүй болон архины хамааралтай иргэдийг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 37 Онлайн
  • 79 Өнөөдөр
  • 4048 Өчигдөр
  • 26284 Долоо хоногт
  • 203478 Сүүлийн сард
  • 6242698 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар