“ОЮУТАН ЦЭРЭГ”-ИЙН ЦЭРГИЙН МЭРГЭЖЛИЙН БЭЛТГЭЛ ШАТНЫ СУРГАЛТ ЭХЭЛЛЭЭ

“Оюутан цэрэг”-т цэргийн мэргэжил олгох сургалтын Цэргийн ерөнхий бэлтгэл шатны сургалт (2 багц цаг буюу 96 цагийн хичээл)-ыг 4 дүгээр сарын 1-ний өдрөөс Бямба, Ням гарагуудад аймгийн Цэргийн штаб, Ш.Отгонбилэгийн нэрэмжит ШУТИС дээр танхимын сургалтын хэлбэрээр зохион байгуулан явуулсан билээ.

         Цэргийн мэргэжлийн бэлтгэл шатны сургалт (14 багц цаг буюу  560 цагийн хичээл)-ыг 6 дугаар сараас 15-аас эхлэн 2 сарын хугацаатайгаар Зэвсэгт хүчний 186 дугаар ангийн сургалтын төвийг түшиглэн танхимын болон хээрийн дадлага, сургуулийн хэлбэрээр зохион байгуулна.
Монгол айлд хүүгээр бүл нэмэхэд “Эх орноо манах эр цэрэгтэй боллоо” хэмээн бэлгэшээдэг. Монголын сайхан эх орноо, ард түмнээ айх аюулгүй, амар жимэр амьдруулах энэхүү эрхэм агаад хариуцлагатай үүргийг мянга мянган жил Монгол цэрэг нуруундаа үүрч, өнөөгийн бидэнд буухиалан хүргэсэн. Энэ дайчин уламжлалыг оюутан залуус улбаалан өвлөж байна. 
Улс орныхоо аюулгүй байдал, батлан хамгаалах хэрэгцээ, шаардлагыг хангах нь Монгол төрийн нэн тэргүүний үүрэг.Энэ чиглэлд хийж буй олон чухал ажлын нэг нь “Оюутан-цэрэг”-т цэргийн мэргэжил олгох сургалт юм. Уг арга хэмжээ “Оюутан цэрэг” хөтөлбөр нэртэйгээр хэрэгжээд 3 жил болж байна. Үүнд улсын хэмжээнд 2500 гаруй оюутан хамрагдсан.
“Оюутан цэрэг”-т цэргийн мэргэжил олгох сургалт нь агуулга багтаамж сайтай, шахуу сургалт. Манай иргэд, залуусын талархал дэмжлэгийг хамгийн их хүлээдэг төр засгийн сайн ажил юм. Ийм ч учраас “Оюутан цэрэг”-т цэргийн мэргэжил олгох сургалтын арга хэмжээг аймгийн эдийн засаг, нийгмийг хөгжүүлэх 2017 оны үндсэн чиглэл болон батлан хамгаалахын сайдтай аймгийн Засаг дарга 2017 онд хамтран ажиллах гэрээнд тусгаж  анх удаа манай аймагт зохион байгуулагдаж байгаа бөгөөд цаашдаа  “Оюутан цэрэг”-т цэргийн мэргэжил олгох сургалтыг жил бүр зохион байгуулах болно.
Орчин үед цаг хугацааны болон мэдлэг чадварын үнэ цэн улам бүр нэмэгдэж байна. Манай оюутан залуус сонгосон мэргэжлээ эзэмшихийн зэрэгцээ, цэргийн албаа хаах үүргээ давхар биелүүлэх нь тэр бүр тохиохгүй ховор нандин боломж юм.
“Оюутан цэрэг” сургалтын хөтөлбөрийг бүрэн хангасан оюутан, суралцагч нь цэргийн мэргэжлийн бэлтгэл шатны сургалтын төгсгөлд 2017 оны 08 дугаар сарын 13-нд Цэргийн тангараг өргөх юм.
Хээрийн бэлтгэл сургуулилт эхэлсэнтэй холбогдуулан Дархан-Уул аймаг болон Орхон аймгийн цэргийн штабын офицерууд газар дээр нь очиж “Оюутан цэрэгт” цэргийн мэргэжил олгох хээрийн сургалтын нээлтийн ёслолд оролцож, сургалтын үйл явцтай танилцлаа.
 
Мэдээллийн төв
 
 
 
 
 
 
 
 
 
 
 
 
 
 
 

 

Холбоотой мэдээлэл

2021-08-31 930
1, 2 ДУГААР БИЧИЛ ХОРООЛЛЫН АЙЛ ӨРХҮҮДИЙН ХАЛУУН УСЫГ 9 ДҮГЭЭР САРЫН 15 ГЭХЭД ӨГӨХ ҮҮРЭГ ДААЛГАВАР ӨГЛӨӨ

“Эрдэнэт үйлдвэр” ТӨҮГ-ын ажилчдын орон сууцны “Москва-300” хороолол руу дулааны шугам сүлжээ татах ажил ...

2016-08-19 2627
“Эко хороолол”-ын гадна хашааг нээж хэд, хэдэн газарт гарц нээхээр болов

Аймгийн Засаг даргын орлогч А.Түвшинжаргалаар ахлуулсан ажлын хэсэг Цагаанчулуут багт байрлах “Эко хороолол” ...

2016-09-15 4155
Цэнгэлдэх хүрээлэнгийн гадаах ил худалдааг цэгцэлж байна

Цэнгэлдэх хүрээлэнгийн гадна талбай буюу “Хангайн бүс” худалдааны төвийн замын эсрэг талд төмс, хүнсний ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.227.97.219
2021-01-03-ний өдрөөс хойш.
  • 14 Онлайн
  • 1087 Өнөөдөр
  • 2319 Өчигдөр
  • 13487 Долоо хоногт
  • 65478 Сүүлийн сард
  • 6432613 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар