“ЭКО” ХОРООЛЛЫН ТӨЛӨВЛӨЛТИЙГ ДУР МЭДЭН ӨӨРЧИЛЖЭЭ

“Эко” хороолол төслийн явцад шалгалт хийх ажлын хэсэг байгуулагдаж өнөөдөр гурав дахь удаагийн хуралдаанаа хийлээ. Энэ удаад төслийг гүйцэтгэгч “Монгол Дайван” ХХК-ийн мэдээллийг сонссон юм. Одоогоор “Эко” хороолол төсөлд төсвөөс 3.9 тэрбум төгрөгийн хөрөнгө оруулалт хийгээд байна. Өнөөдрийн байдлаар 67 айлын орон сууц ашиглалтад орсноос 30-ыг нь Улсын комисс хүлээж аваад байгаа юм. 

Уг төслийг хэрэгжүүлэх шийдвэрийг ИТХ-аас анх гаргахдаа Цагаанчулуут багийн 11.4 га газарт 200 айлын амины орон сууц барих төлөвлөлтийн хамт баталсан юм. Гэтэл эрх бүхий албан тушаалтан, байгууллагаас шийдвэр гараагүй байхад яагаад уг төлөвлөлтийг өөрчилж 168 болгож бууруулсныг ажлын хэсгийн гишүүд гүйцэтгэгч компаниас тодруулсан. Компанийн зүгээс энэ шийдвэрийг АЗДТГ-ын өмнөх дарга гаргасан гэж тайлбарлалаа. Гэхдээ Тамгын газрын дарга нь дээрх шийдвэрийг гаргах субъект биш юм. 
 
Мөн төслийг хэрэгжүүлэгч “Монгол Дайван” ХХК-ийн газар эзэмших хугацаа 2016 оны 8-р сард дууссан. Тиймээс аймгийн ГХБХБГ-аас шаардлага хүргүүлж ажлыг нь зогсоогоод байгаа аж. Энэ хорооллыг анхлан санаачлахдаа бага дунд орлоготой иргэдийг амины орон сууцтай болгох зорилготой гэж байсан. Харамсалтай нь гэрээ байгуулахдаа м.кв тутмыг нь 1 сая 350 мянган төгрөгөөр борлуулахаар тохирсон байжээ. Дээрх үнээр бодвол “Эко” хорооллын орон сууцууд нь  108-243 сая төгрөгийн үнэтэй болно. Энэ нь бага, дунд орлоготой иргэдийн худалдан авах чадварт нийцэхгүй гэж үзэж буйгаа ажлын хэсгийн зарим гишүүн илэрхийлсэн. 
 
Нөгөө талаар төсөл хэрэгжүүлэгч  “Монгол Дайван” ХХК орон нутгийн засаг захиргаа хооронд байгуулсан бүх гэрээ дууссан. Урьд нь байгуулсан гэрээнүүдийн эх хувь нь тус компанид байгаа атлаа төрийн байгууллагуудад алга байгаа нь хачирхалтай байгааг ажлын хэсгийнхэн онцолж байлаа. Ямартай ч ажлын хэсэг дүгнэлтээ удахгүй олон нийтэд танилцуулна. Ингэхдээ нэг талыг барилгүй бодит дүгнэлт гаргах болно гэдгээ Засаг даргын орлогч С.Батжаргал онцоллоо.  
 
 
 
 Мэдээллийн төв

 

Холбоотой мэдээлэл

2018-07-26 4355
ЭРДЭНЭТ ХОТОД 3,3 КМ ОРЧИМ ҮРГЭЛЖЛЭХ ҮЕРИЙН УСНЫ СУВАГ ШИНЭЭР БАЙГУУЛЖ БАЙНА

ЭРДЭНЭТ ХОТОД 3,3 КМ ОРЧИМ ҮРГЭЛЖЛЭХ ҮЕРИЙН УСНЫ СУВАГ ШИНЭЭР БАЙГУУЛЖ БАЙНА

2020-05-15 2384
“ЭРҮҮЛ АЮУЛГҮЙ АЖЛЫН БАЙРЫГ ЭРХЭМЛЭГЧ БАЙГУУЛЛАГА-2019” БОЛЗОЛТ УРАЛДААНД “ЭДЦС” ТӨХК ТЭРГҮҮН БАЙР ЭЗЭЛЖЭЭ

Хөдөлмөр нийгмийн хамгааллын яам, Хөдөлмөрийн аюулгүй байдал, эрүүл мэндийн төв, Хөдөлмөрийн аюулгүй ...

2015-06-10 2462
Тээвэрчдийн 2-р зөвлөгөөн” 2015 оны 6 сарын 10-ны өдөр УСО-нд амжилттай болж өндөрлөлөө

Монгол улсад Авто тээврийн салбар үүсч хөгжсөний 90 жилийн ойн хүрээнд Эрдэнэт үйлдвэрийн Авто тээврийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.81.62.78
2021-01-03-ний өдрөөс хойш.
  • 10 Онлайн
  • 390 Өнөөдөр
  • 1344 Өчигдөр
  • 6573 Долоо хоногт
  • 27186 Сүүлийн сард
  • 6522572 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар