“ЕВРО ЭКО ТӨГӨЛ” ХОРООЛЛЫГ БАРЬЖ БУЙ КОМПАНИЙГ ХҮЛЭЭСЭН ҮҮРГЭЭ БИЕЛҮҮЛЭХИЙГ ХҮСЛЭЭ

Бүгд Найрамдах Чех Улсын парламентын төлөөлөгчдийн танхимын гишүүн Хатагтай Зузка Бэбарова Руюброва, тус улсаас манай улсад суух Элчин сайд Ивана Гроллов  тэргүүтэй  албаны хүмүүс манай аймагт ажиллалаа. Эдгээр зочдыг АИТХ-ын дарга П.Пүрэвлхагва, Засаг дарга Д.Батлут, Засаг даргын орлогч А.Түвшинжаргал зэрэг орон нутгийн удирдлагууд хүлээн авч хамтран хэрэгжүүлж буй болон шинээр эхлүүлэх төсөл хөтөлбөрүүдийн талаар санал солилцлоо. 
 
Уулзалтын эхэнд Засаг дарга Д.Батлут хэлсэн үгэндээ “Манай Эрдэнэт үйлдвэрийн шавыг Чех Улсын геологичид тавьсан. Манай хоёр улсын харилцаа хамтын ажиллагаа өндөр түвшинд хөгжсөн гэж дүгнэдэг. Эрдэнэт хот Бүгд Найрамдах Чех Улстай бүх талаар харилцан ашигтай байдлаар хамтран ажиллахад бэлэн байна. Энэ онд манай хот Чех Улстай хамтран мах боловсруулах үйлдвэр байгуулахаар эхний шатны хэлэлцээр хийгдэж байна” гэсэн юм. Тэгвэл  тус улсын парламентын төлөөлөгчдийн танхимын гишүүн Хатагтай Зузка Бэбарова Руюброва Эрдэнэт хот Чех Улсын бизнес эрхлэгчид, хөрөнгө оруулагчидтай хамран ажиллах нөхцөл, боломж бүх талаар нээлттэй гэдгийг онцлон хэллээ. 
 

“ЕВРО ЭКО ТӨГӨЛ” ХОРООЛОЛ ТӨСЛИЙН ЯВЦТАЙ ТАНИЛЦЛАА

Манай аймгийн 7-р хороололд Чех Улсын хөрөнгө оруулагч “Finep” компани “Евро эко төгөл” хороолол төслийг хэрэгжүүлж буй. Аймгийн Засаг дарга Д.Батлут болон Бүгд Найрамдах Чех Улсын парламентын төлөөлөгчдийн танхимын гишүүн Хатагтай Зузка Бэбарова Руюброва тэргүүтэй бүрэлдэхүүн уг төслийн явцтай танилцлаа. Уг хорооллыг барьж байгуулахад орон нутгийн засаг захиргаа болон гүйцэтгэгч компанийн хооронд байгуулсан гэрээний дагуу газар, инженерийн шугам сүлжээний зардлыг төрөөс 100 хувь шийдвэрлэсэн. Компани орон сууц барьж борлуулахаас гадна нийгмийн байгууламж буй 1200 хүүхдийн сургууль, 280 хүүхдийн багтаамжтай хоёр цэцэрлэг барих ёстой. 
 
Орон нутгийн Засаг захиргааны зүгээс өөрөөс шалтгаалах бүх асуудлыг шийдвэрлэсэн. Гэхдээ “Евро эко төгөл” хороолол төслийг хэрэгжүүлэгч “Finep” компани орон сууц зарж борлуулж байгаа боловч гэрээгээр хүлээсэн цэцэрлэг барих үүргээ биелүүлээгүй байгаад сэтгэл дундуур байгаагаа Засаг дарга Д.Батлут илэрхийллээ. Тиймээс энэ үүргээ биелүүлэх хэрэгтэйг сануулсан юм. 
“Евро эко төгөл” хороолол төслийн хүрээнд өнөөдрийн байдлаар 270 айлын 6 блок орон сууц ашиглалтад ороод байна. 2020 он хүртэл нийтдээ 1324 айлын орон сууц барихаар төлөвлөсөн юм. “Евро эко төгөл” хороолол баригдах Цагаанчулуут багийн нутаг дэвсгэрт одоогоор 80 гаруй айлын хашаа бий. Тухайн газрыг дахин төлөвлөж гүйцэтгэгч компанийн зүгээс дээрх хэсэгт амьдарч буй айлуудын газар дээр барилга барьсныхаа төлөө 70 айлыг орон сууцаар хангах үүрэгтэй. 2015 онд байгуулсан гэрээний дагуу дээрх үүргээ 2020 гэхэд бүрэн гүйцэтгэх ёстой юм. 
 
 “Евро эко төгөл” хорооллыг барьж буй Finep” компанийн удирдлагууд ипотекийн зээл олголт зогссоноор борлуулалт багассан гэлээ. Ингэснээр дараагийн ээлжийн хөрөнгө оруулалт хийх боломжгүй болсон нь гэрээний үүргээ биелүүлж чадахгүй байгаа гол шалтгаан болсон гэж тайлбарлалаа. Аймгийн Засаг дарга төслийг амжилттай хэрэгжүүлж, гэр хорооллын айлуудыг орон сууцаар хангахын тулд төр захиргааны байгууллагын зүгээс боломжит дэмжлэгийг үзүүлнэ гэдгээ уулзалтын төгсгөлд илэрхийллээ.  
 
 
 
 
 
 
 
 
 
Мэдээллийн төв

 

Холбоотой мэдээлэл

2014-08-31 1890
Газрын харилцаа, барилга хот байгуулалтын чиглэлээр: 2014 оны 08 сарын 25 наас 29

Газрын харилцаа, барилга хот байгуулалтын чиглэлээр: 2014 оны 08 сарын 25 наас 29: Нутгийн захиргааны ...

2014-12-09 4278
ЕВРО- ЭКО ТӨГӨЛ-ийн эхний байрууд ашиглалтанд орлоо

Өнөөдөр Орхон аймагт хэрэгжүүлж буй ЕВРО-ЭКО ТӨГӨЛ төслийн хүрээнд Монгол- Чехийн хамтарсан “Их ...

2016-01-07 6837
Орон сууцны VII хорооллын хэсэгчилсэн ерөнхий төлөвлөгөөний тодотгол

Орон сууцны VII хороололд шинээр 2172 өрхийн 206.8 мянган м2 талбай бүхий 9-12 давхар орон сууц, 16710 ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.203.18.65
2021-01-03-ний өдрөөс хойш.
  • 13 Онлайн
  • 288 Өнөөдөр
  • 874 Өчигдөр
  • 288 Долоо хоногт
  • 30508 Сүүлийн сард
  • 6525894 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1085

Facebook

Цаг агаар