ГЭР ХОРООЛЛЫН АЙЛУУД УНДНЫ УСАА ЛИТР ТУТМЫГ НЬ НЭГ ТӨГРӨГӨӨР АВДАГ БОЛНО

МАН-ын Нарийн бичгийн даргаар ахлуулсан ажлын бүрэлдэхүүн манай аймагт ажиллах үеэрээ “Эрдэнэт УС” ДТС ОНӨХК-ийн үйл ажиллагаа болон ажил нь эхлээд буй орон сууцны хорооллуудын барилгын ажлуудтай танилцлаа. Уг бүрэлдэхүүнд Барилга, хот байгуулалт, Хүнс, хөдөө аж ахуй, Хөдөлмөр, нийгмийн хамгаалал, Уул уурхай, хүнд үйлдвэрлэлийн дэд сайд ирсэн юм. 

“Эрдэнэт УС” ДТС ОНӨХК-ийн хувьд цахилгаан эрчим хүчээр 6 мянга орчим, ус, дулаанаар 13 мянга орчим өрхийг хангадаг. Орон сууцны айлуудыг хангаж буй усаа “Эрдэнэт үйлдвэр” ХХК-иас авдаг. Ингэж ус авахдаа 54 орчим хувийн алдагдал хүлээдэг юм. Энэ нь өндөр үзүүлэлт тул бууруулах чиглэлээр шаардлагатай бүх арга хэмжээг авч буй талаараа “Эрдэнэт УС” ДТС ОНӨХК-ийн захирал Д.Бүүвэйбаатар ярьлаа. Тодруулбал, Өнгөрсөн онд тус компани 600 гаруй сая төгрөгийн алдагдалтай ажилласан нь усны үнийн зөрүүнээс шалтгаалжээ. 
Өнөөдрийн байдлаар гэр хорооллын айлуудын цэвэр усны хэрэгцээг зөөврийн хэлбэрээр шийдэж байна. Энэ оны төсөвт гэр хорооллын инженерийн шугам сүлжээг хотын цэвэр усны шугамтай холбох зориулалтаар 1.6 тэрбум төгрөг туссан. Тиймээс ирэх оноос гэр хорооллын айлууд ундны усаа литр тутмыг нь нэг төгрөгөөр авах боломж бүрдэх юм. Одоо нэг литр усны үнэ  2 төгрөг 51 мөнгө байгаа юм. 

Уулзалтын үеэр тус компанийн инженер, техникийн ажилтнууд дараах асуудлыг шийдвэрлэх хэрэгтэй байна гэв:
1. УСАН ХАНГАМЖ, АРИУТГАХ ТАТУУРГА
1.1. Аймгийн хэмжээнд усны алдагдлыг бууруулах арга хэмжээний хөтөлбөр, төлөвлөгөө боловсруулж  батлуулж, хэрэгжүүлэх.
1.2. Ус дулаан түгээх төвүүдээр хэрэглэгчдийг дамжуулан түгээж тоолууржуулах.
1.3. Айл өрхийн усны тоолуурын нарийвчлалд тохирсон алдагдлын хувь тогтоох, нарийвчлал сайн, дэвшилтэт тоолуураар солих
1.4. Цэвэрлэх байгууламжийн өмчлөлийн асуудлыг шийдвэрлүүлэх
1.5. Жаргалант сумын цэвэрлэх байгууламжийг шинэчлэх.
2. ДУЛААН ХАНГАМЖ
2.1. УДТТөвүүдийг дулааны тоолуураар тоолууржуулах
2.2. “ЭУДТС” ОНӨХК,ЭДЦС” ТӨХК 2 байгууллагын дулааны шугамын хил заагийн схемийг шийдвэрлэх шаардлагатай байна.
3. ЦАХИЛГААН ХАНГАМЖ
3.1. Манай эзэмшлийн 35/6 кВ-ын ЦРП-2 дэд станцаар дамжуулан түгээж байгаа ЦЭХ-ний 46-48%-ийн борлуулалтын орлогыг “ЭБЦТС” ТӨХК нь авч байгаа боловч засвар үйлчилгээ болон элэгдлийн зардлыг манай компани дангаараа хариуцан ажиллаж байна.
3.2. Манай байгууллагын үндсэн хөрөнгөд бүртгэлтэй 514,9 сая төгрөгийн өртөг бүхий 17 дэд станцуудын ашиглалт, борлуулалтын үйлчилгээг “ЭБЦТС” ТӨХК хийж байгаа бөгөөд  үүний үндсэн хөрөнгийн элэгдлийн зардал манай компанид тооцогдож байна.
3.3. 1, 2, 3-р хороололд байрлах манай эзэмшлийн 5 дэд станцаар дамжуулан 14 орон сууцны байрны борлуулалтыг “ЭБЦТС” ТӨХК хийж байна. 
 
 
 
Мэдээллийн төв

 

 

Холбоотой мэдээлэл

2014-10-09 1580
АРХИВЧИД ТУРШЛАГАА ХУВААЛЦЛАА

Аймгийн ЗДТГ-ын Хууль зүйн хэлтэс, Архивын тасгаас төрийн байгууллагын албан хэрэг хөтлөлт, архивын ажилтнуудад ...

2015-05-11 1403
Газрын харилцаа, Барилга хот байгуулалтын албан хаагчид мод тарилаа

“Нэг сая мод ургуулах хөдөлгөөн” -д нэгдэж өөрийн байгууллагын гадна талбайг тохижуулан ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 8 Онлайн
  • 427 Өнөөдөр
  • 3039 Өчигдөр
  • 6552 Долоо хоногт
  • 100136 Сүүлийн сард
  • 6358112 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар