АЙМГИЙН УДИРДЛАГУУД АХМАД БУУРЛУУДАА ХҮНДЭТГЭН ЗОЛГОЛОО

XYII жарны “Алтан унжлагат” хэмээх гал улаагчин тахиа жилийн хаврын тэргүүн сарын шинийн нэгэнд аймгийн Засаг дарга Д.Батлут, орлогч А.Түвшинжаргал, Баян-Өндөр сумын Засаг дарга С.Ганцогт нар Орхон аймагт оршин сууж буй хамгийн өндөр настай ахмадууддаа золголоо. 

Тодруулбал, Манай аймгийн хамгийн өндөр настан буюу өдгөө 102 насыг зооглоод буй Э.Лхамсүрэнд золгосон юм. Тэрээр 1915 онд Архангай аймгийн Цахир суманд төрсөн. Залуу ахуй насандаа саальчин байсан тэрээр 1981 оноос хойш Эрдэнэт хотод амьдарч байгаа гэнэ. Э.Лхамсүрэн нь зургаан хүүхэд төрүүлж өсгөсөн байна. Өдгөө тэрээр ач, гуч нийлсэн 100 гаруй үр хүүхэдтэй болжээ. Энэ үеэр аймгийн Засаг дарга түүнд Монгол Улсын Ерөнхийлөгчийн илгээлтийг гардуулсан юм. 
 
 
 
 
 
Мөн аймгийн удирдлагууд өдгөө 96 наслаад буй О.Бадамд хүндэтгэл үзүүлэн золголоо. О.Бадам нь 1921 онд Сэлэнгэ аймагт төрсөн. 2002 оноос Эрдэнэт хотод суурьшин амьдарч байгаа буурай юм. Гурван хүүхэд төрүүлж өсгөсөн О.Бадам гуай оёдолчин, тариаланчийн хөдөлмөр эрхэлж байсан аж. Түүнээс гадна 92 настай Д.Магсартай золгосон юм. 1925 онд Говь-Алтай аймгийн Эрдэнэ суманд төрсөн түүний хувьд 2000 оноос хойш Эрдэнэт хотод амьдарч байна. Д.Магсар 6 хүүхэд төрүүлж өсгөсөн төдийгүй Эвлэлийн үүрийн Эмэгтэйчүүдийн хороон даргаар ажиллаж байсан нэгэн юм. 
 
 
 
 
 
 
Аймгийн удирдлагуудын хүндэтгэл үзүүлж золгосон бас нэгэн буурай бол Л.Гүндэгмаа. Тэрээр 1927 онд Завхан аймгийн Завханмандал суманд төрсөн. 1976 онд Эрдэнэт хотод ирж “Эрдэнэт үйлдвэр”-ийн Баяжуулах фабрикт 11 жил ажиллаад өндөр насны тэтгэвэрт гарчээ. Л.Гүндэгмаа гуай зургаан хүүхэд төрүүлж өсгөсөн байна. 
 
 
 
 
Ахмадуудын хувьд ирж буй тахиа жил сайхан жил болно хэмээн ихэд бэлэгшээж байсан юм. Ач буянаа хайрласан сайхан жил болох өнгөтэй байгаа нь төр түвшин байгаагийн шинж гэж үзэж буй буйгаа илэрхийлсэн юм. 
 Мэдээллийн төв
 

 

 

Холбоотой мэдээлэл

2020-06-19 729
МОНГОЛ УЛСЫН ЕРӨНХИЙ САЙД УЛСЫН ТЭРГҮҮНИЙ ЖАРГАЛАНТ СУМАНД АЖИЛЛАВ

Монгол Улсын Ерөнхий сайд У.Хүрэлсүх Улсын тэргүүний Жаргалант суманд ажиллав.

2017-03-18 3364
МЭНДЧИЛГЭЭ

Монгол цэргийн сүр хүч өнөд мандан бадрах болтугай!

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 10 Онлайн
  • 378 Өнөөдөр
  • 3039 Өчигдөр
  • 6503 Долоо хоногт
  • 100087 Сүүлийн сард
  • 6358063 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар