АЙМГИЙН АВАРГА МАЛЧИД, ТАРИАЛАНЧИД ШАГНАЛАА ГАРДЛАА

Хаврын тэргүүн сарын Сар шинийн баярын босгон дээр Орхон аймгийн аварга малчид, тариаланч, тариаланч хамт олон, аймгийн алдарт уяачид, шилдэг уралдаанч хүүхдүүд тодорсон бөгөөд Орхон аймгийн ЗДТГ-ын Ёслол хүндэтгэлийн өргөөнд аймгийн удирдлагууд шагналыг нь гардуулан өглөө.

Орхон аймгийн Засаг даргын зөвлөлийн 2017 оны хоёрдугаар хуралдааны тэмдэглэлийг үндэслэн гарсан Засаг даргын А/57 дугаар захирамжийн дагуу мал аж ахуйн салбарт үр бүтээлтэй ажиллан малын чанарыг сайжруулж, бүтээгдэхүүний гарц, үйлдвэрлэлтийг нэмэгдүүлэн, мал сүргээ тоо толгой, төрлөөр нь өсгөж өндөр амжилт гаргасан Баян-Өндөр сумын Эрдэнэ багийн малчин Аюушийн Энхбат, Жаргалант сумын Дулаан-Уул багийн малчин Дамбацэрэнгийн Баярсайхан, Раднаабазарын Батжаргал нарыг аймгийн “Аварга малчин”, газар тариалангийн салбарт үр бүтээлтэй ажиллан талбайн үржил шимийг нэмэгдүүлж, арвин ургац хураан авсан Жаргалант сумын Жаргалант багийн тариаланч Хишигжаргалын Галбадрах, Доржийн Ганчулуун нарыг “Аймгийн тэргүүний тариаланч”, Жаргалант сумын “Хан угтаал” ХХК-ийг “Аймгийн тэргүүний тариаланч хамт олон”-оор шалгаруулан өргөмжлөл, цом, энгэрийн тэмдэг, мөнгөн шагналаар шагнаж урамшууллаа. 

Мөн “Аймгийн алдарт уяач” болон шилдэг унаач хүүхдийг шалгаруулан цолыг нь олголоо. “Тод магнай” галын уяач Содномын Өлзийбүрэн аймгийн чанартай уралдаанаас 2 түрүү, 13 айраг, “Эрдэнэт хурд” галын уяач Мижиддоржийн Пүрэвдорж 1 түрүү, 15 айраг, “Хангайн хурд” галын уяач Оргодолын Гомбо 3 түрүү, 12 айраг, “Эрдэнэт хурд” галын уяач Хишгээгийн Бямбацогт 1 түрүү, 15 айраг, Баян-Өндөр сумын уяач Баярбаатарын Батдаваа 1 түрүү, 12 айраг, Сумъяагийн Ганжаргал бүсийн наадмаас 1 айраг, аймгийн чанартай наадмуудаас 1 түрүү, 11 айраг, “Дорнын унага” галын уяач Дэмбэрэлийн Нацагдорж аймгийн чанартай наадмуудаас 3 түрүү, 12 айраг хүртсэн амжилтаараа “Аймгийн алдарт уяач” цол хүртлээ. 

Оны тэргүүний уралдаанч хүүхдээр “Эрдэнэт” цогцолбор сургуулийн 3 дугаар ангийн сурагч Болсайханы Бархас, “Наран” цогцолбор сургуулийн 7 дугаар ангийн сурагч Аззаягийн Мөнх-Оргил, 17 дугаар сургуулийн 7 дугаар ангийн сурагч Цолмонгийн Мөнхзул,  Жаргалант сумын сургуулийн 6 дугаар ангийн сурагч Даваадоржийн Нямбаяр, 7 дугаар сургуулийн 7 дугаар ангийн сурагч Бямбацогтын Бүрэнбаяр нар Гал бичин жилийн “Тэргүүний унаач хүүхэд”-ээр шалгаран Орхон аймгийн Засаг даргаас шагналаа тус тус гардан авлаа.

Мэдээллийн агшин  

 

Холбоотой мэдээлэл

2017-01-18 6059
ЭРДЭНЭТ ХОТОД 5900 ГАРУЙ “GOLD CHINGGIS” АРХИ БИТҮҮМЖИЛЛЭЭ

Нийслэл хотод 5 иргэн архинд хордож амиа алдсан харамсалтай хэрэг гараад удаагүй байна. Тухайн иргэдийн ...

2019-06-07 7623
ЦЭРГИЙН БЭЛТГЭЛ ҮҮРЭГТНҮҮДИЙГ ТӨМӨР ЗАМЫН БҮТЭЭН БАЙГУУЛАЛТАД АЖИЛЛАХЫГ УРЬЖ БАЙНА

Монгол Улсын Засгийн газрын шийдвэрээр төмөр замын бүтээн байгуулалтад Зэвсэгт хүчний бие бүрэлдэхүүн ...

2014-10-26 1679
Нийгмийн халамж, даатгал, хөдөлмөр эрхлэлтийн талаар:

Нийгмийн халамж, даатгал, хөдөлмөр эрхлэлтийн талаар: • Нийгмийн халамжийн тэтгэврийн эрх үүссэн, ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 22 Онлайн
  • 3880 Өнөөдөр
  • 3423 Өчигдөр
  • 26037 Долоо хоногт
  • 203231 Сүүлийн сард
  • 6242451 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар