ЭРДЭНЭТ ХОТОД ШАТАХУУНЫ ҮНИЙГ БУУРУУЛАХ БОЛОМЖИТ БҮХ ХУВИЛБАРЫГ СУДАЛЖ ҮЗЭХИЙГ ХҮСЛЭЭ

 Энэ долоо хоногт шатахууны үнэ нэмэгдсэн нь иргэдийн бухимдлыг ихээр төрүүлсэн. Үүнтэй холбоотойгоор Засаг даргын орлогч С.Батжаргал, ЗДТГ-ын Хөрөнгө оруулалт, хөгжлийн бодлого төлөвлөлтийн хэлтэс болон Хууль эрх зүйн хэлтсийн дарга, ҮЭ-ийн холбооны төлөөлөл аймгийн хэмжээнд үйл ажиллагаа явуулж буй шатахуун импортлогч ААН-үүд буюу “Сод монгол”, “Шунхлай”, “Магнай трейд”, “Ник” зэрэг компанийн төлөөлөлтэй уулзлаа. Энэхүү уулзалтаар талуудын байр суурийг сонсож, үнэ нэмэгдсэн шалтгааныг тодорхой болгох, хэрхэн бууруулж болох гарцыг хэлэлцсэн юм.

Уулзалтын эхэнд аймгийн ҮЭ-ийн холбооны дарга М.Батцоож “Засгийн газраас авто бензин, дизель зэрэг бүтээгдэхүүнд ногдуулах онцгой албан татварыг чөлөөлсөн. Гэтэл энэ төрлийн бүтээгдэхүүний үнэ нэмэгдлээ. Монголын ҮЭ-ийн холбооноос уг асуудлаар Засгийн газарт хандаж үнэ нэмэгдсэн нь үндэслэлтэй эсэхийг шалгахаар ажлын хэсэг байгуулагдлаа. Хэрэв үндэслэлгүй нэмэгдсэн бол үгсэн хуувилдсан хүмүүс хариуцлага хүлээх ёстой. Үнийн дарамтыг иргэд л үүрч байна” хэмээн байр сууриа илэрхийлсэн.
 
Манай аймагт үйл ажиллагаа явуулж буй шатахуун түгээх станцуудад АИ-80 бензин литр тутамдаа 20-30, АИ-92 бензин 70, АИ-95 бензин 80-90, Дизель түлш 60 төгрөгөөр тус тус нэмэгдээд байгаа юм. Шатахуун импортлогч компанийн салбарын удирдлагууд үнэ нэмэх шийдвэрийг төв удирдлагаас нь гаргадаг гэдгийг онцоллоо. Үнэ нэмэгдсэн нь ОХУ-ын “Рос нефт” компани боловсруулалтаа багасгаж үнээ нэмсэн болон гадаад мөнгөн дэвсгэртийн үнийн өсөлтөөс үүдэлтэй гэсэн мэдээллийг өглөө.

Засаг даргын орлогч С.Батжаргал шатахуун импортлогч ААН-үүдын удирдлагуудад хандаж хэлсэн үгэндээ “Бензиний үнийн өсөлт ард иргэдийн нуруун дээр ачаа болж ирж байна. Та бүгд төв компанийнхаа удирдлагуудтай үнэ бууруулах бүх хувилбаруудыг ярилцаарай. Хариуд нь бид үйл ажиллагааг тань бүх талаар дэмжих болно. Үндсэн үнийг буулгах боломжгүй ч талон, карт, цагийн хязгаарлалтаар бензиний үнийг бууруулах боломжийг Эрдэнэт хотдоо нэвтрүүлэхийг хүсэж байна” гэлээ. 
 
 
 
 
 
 
 
Мэдээллийн төв
           
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-08-20 4182
ИРЭХ ПҮРЭВ ГАРИГТ ГЭР ХОРООЛЛЫН ХОГ АЧИЛТ ЭХЭЛНЭ

Долоо хоног бүрийн даваа гаригт хуралддаг хэлтэс, агентлагийн дарга нарын шуурхай зөвлөгөөнийг аймгийн ...

2020-12-06 644
МОДНЫ ЗАХУУДЫГ БИТҮҮМЖИЛЛЭЭ

Түлшний модны үнийг нэмж иргэдэд чирэгдэл учруулж байна гэсэн гомдлын дагуу Баян-Өндөр сумын ЗДТГ, МХГ, ...

2014-10-02 2282
Аялал жуулчлалын салбарт мөрдөж байгаа хууль эрхзүй, стандарт түүний хэрэгжилтийн байдлыг хэлэлцэв

Дэлхийн аялал жуулчлалын өдөр, Монгол улсад Аялал жуулчлалын байгууллага үүсч хөгжсөний 60 жилийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.233.242.204
2021-06-10-ний өдрөөс хойш.
  • 34 Онлайн
  • 1461 Өнөөдөр
  • 5198 Өчигдөр
  • 1461 Долоо хоногт
  • 178655 Сүүлийн сард
  • 6217875 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  998

Facebook

Цаг агаар